30.11.2018 | 23:51
Það vantar alla auðmýktina
- Þessi fyrrverandi ráðherra krefst þess að honum sé fyrirgefið
,,Vil ég þó segja að mistök gerum við manneskjurnar víst og er öllu jafna auðveldara að dæma en að fyrirgefa".
Hann hjólar í almenning og segir að hann sé ekkert verri en aðrir. Í raun og veru sýnir hann með þessu einstakan hroka með orðum sínum.
Þótt iðnnemin forðum hafi sagt þessi orð: Sá yðar er syndlaus er kasti fyrsta steininum Þá á það bara ekki við í sambandi Gunnars Braga.
Smiðssonurinn var að tala til manna sem ætluðu að refsa umkomulausri konu, þeir ætluðu að grýta hana til dauða.
Ég orðlaus yfir þessum orðum alþingismannsins, hann er krefjast fyrirgefningar af því sem hann gerði og þykist ekki muna.
Til auðnast fyrirgefningu verður að sýna raunverulega iðrun og auðmýkt. Það hefur Gunnar Bragi alls ekki gert.
,,Ég mun hafa það í huga hér eftir og hvet ykkur til þess sama. Ég vona að hlutaðeigandi fyrirgefi mér þessa hegðun en vegna hennar hef ég ákveðið að taka mér leyfi frá þingstörfum".
Vonandi vinnur Gunnar Bragi úr sínum vanda og lærir eðlileg samskipti við fólk.
Sannleikurinn er auðvitað sá að hann hraktist út af þingi með skömm.
Allir sex þingmennirnir sem voru þarna staddir voru að svíkjast um á vinnutíma og sátu að sumbli.
Þeir gerðu sig seka um eitt og annað alvarlegt. Nokkuð sem annað fólk getur ekki leyft sér
Tekur tíma að vinna úr áfallinu | |
Tilkynna um óviðeigandi tengingu við frétt |
Stjórnmál og samfélag | Breytt 1.12.2018 kl. 00:02 | Slóð | Facebook | Athugasemdir (1)
28.11.2018 | 14:35
Undirstaða kapitalismans.
- Frjálshyggju lífeyrissjóðirnir eru það svo sannarlega og einnig undirstaða mikils misréttis fólks á Íslandi
* - Kvika frjálshyggjunnar var svo sannarlega strokin öfugt í Kviku-þættinum í gærkvöld.
Ragnar Þór snerti aldeilis við viðkvæmum streng er hann minntist á lífeyrissjóð verslunarmanna.
Þessa helstu undirstöðu hins íslenska kapitalismans sem lífeyrissjóðirnir eru við hlið fiskveiðiheimildanna og kerfisbundis mismununar í skattamálum.
Allt skulu þetta vera ósnertanlegir hlutar fjármagnselítunnar og skal vera undir yfirráðum hennar.
Auðvitað geta samtök launafólks sett fulltrúa sína í verkfall er starfa í stjórnum lífeyrissjóðanna rétt eins og aðra starfandi félagsmenn sem eru í verkfalli og þá einnig þá félaga sem starfa á skrifstofum þeirra.
Verkfallsvakt getur þá einnig komið í veg fyrir að aðrir stjórnarmenn gangi í þeirra verk sem eru í verkfalli.
Staðreyndin er auðvitað sú að launafólk greiðir frá 15,5% af launum sínum í sjóðina og upp í rúmann fimmtung allra launa sinna. Þetta eru óheyrilega há iðgjöld.
Eigendur fyrirtækjanna eða fjármagnseigendur greiða ekkert af þessum iðgjöldum. Auk þess greiðir launafólk öll tryggingagjöldin þar til viðbótar.
- Það eru engin lög í landinu sem geta afnumið verkfallsrétt fólks er starfar hjá þessum sjóðum, bara svo því sé komið til skila. Atvinnurekendur borga afar litla skatta sjálfir.
Var brugðið eftir ummæli Ragnars | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 21:06 | Slóð | Facebook | Athugasemdir (0)
28.11.2018 | 10:47
Belgingur?
- Undanfarnar vikur hefur útvegsbóndi norðan úr landi verið með mikinn derring gagnvart þjóðinni
* - Stundin hefur verið að varpa nokkru ljósi á viðskipti þessa manns sem virðist telja sig vera hafinn yfir þjóðina og hagnast greinilega á kostnað hennar og jafnvel annarra þjóða.
Derringurinn virðist vera vegna þess að Seðlabankamenn telja sig hafa áreiðanleg gögn í fórum sínum er sýna að útgerðarfélagið Samherji hafi farið á svig við gjaldeyrishaftalög eftir hrunið.
- Væntanlega verður þetta fyrst ljóst eftir að Davíð hrökklast úr seðlabankanum.
Það er ljóst að Samherji hefur ekki verið sýknaður af ákærum Seðlabankans. Seðlabankinn útskýrði nánar þetta atriði í tilkynningu sinni með því að segja að mistök hafi verið gerð við lagasetningu um gjaldeyrishöftin á sínum tíma:
Þá er að mati embættisins ekki hægt að sakfella vegna meintra brota sem urðu á tímabilinu 15. desember 2008 til 31. október 2009 sakir þess að samþykki viðskiptaráðherra við útgáfu reglna nr. 1130/2008 um gjaldeyrismál sem settar voru í desember 2008 var ekki tryggt með viðunandi hætti. Taldi embættið því ekki líklegt að saksókn myndi leiða til sakfell-ingar stjórnenda félaganna og því rétt að endursenda málið til Seðlabanka Íslands til meðferðar og ákvörðunar um hvort ætluð brot í málinu gefi tilefni til beitingu stjórnsýsluviðurlaga.
Stundin segir frá viðskiptum Þorsteins og hvernig þau og viðskipti Samherja eru rekin í skattaskjólum. Einnig hvernig helstu eigendur Samherja koma sér hjá því að greiða tekjuskatta með eðlilegum hætti.
Samherji eins og flest útgerðarfyrirtæki njóta gríðarlegra styrkja og fríðinda frá íslensku samfélagi með því m.a. að fénýta fiskimið landsins fyrir lítið.
Fundargögnum skilað til ráðherra | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 18:30 | Slóð | Facebook | Athugasemdir (0)
27.11.2018 | 20:56
Taka verður upp félagslega húsnæðislánavexti
- Það er fagnaðarefni að þessi átakshópur hafi verið stofnaður
* - Það er mikilvægt að engir fulltrúar úr byggingariðnaðinum verði fulltrúar í þessum hópi.
Ég ætla að halda því til haga, að ekki dugir að fjölga íbúðum á markaði ef ekki verði leitað félagslegra lausna er varðar húsnæðisvexti fyrir láglaunafólk.
Þá er mikilvægt að hverfa af þeirri braut, að hneppa launafólk í ánauð hjá leigufélögum um aldur og ævi. Það að segja að slík leigufélög eigi að vera óhagnaðardrifin er það engin trygging inn í framtíðina um að leigukjör verði eðlileg fyrir láglaunafólk.
Það getur ekki verið óeðlileg krafa að vextir af húsnæðislánum láglaunafólks séu niðurgreidd. Annað eins fá hvers kyns fyrirtæki í allskyns styrki.
Auk þess sem það er líklega ódýrara að aðstoða láglaunafólk með niðurgreiðslum á húsnæðisvöxtum en að styrkja það í gegnum ýmiskonar styrkjakerfi sveitarfélaganna.
Þá þurfa slík húsnæðislán að geta verið til 50 ára. Breytir þá engu hvort um er að lán til að búa í leiguíbúð eða í eignaíbúð sem er hagkvæmast.
Það er ekki boðlegt að leigjendur greiði upp skuldir og viðhald á leiguíbúðum sínum á 25 árum en hafa ekkert eignast í eigninni þótt þeir hafi greitt hana að fullu.
Átakshópur um aukið íbúðaframboð | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 20:57 | Slóð | Facebook | Athugasemdir (0)
27.11.2018 | 00:02
Erlend bókaframleiðslufyrirtæki fá íslenska ríkisstyrki?
- Þetta ættu þeir stjórnmálamenn að átta sig á, sem ætla veita erlendum bókagerðar fyrirtækjum íslenska ríkisstyrki.
Það er 100% öruggt að þessir styrkir munu ekki lækka verð á bókum í íslenskum verslunum sem selja bækur.
Bækur eru eins og hver önnur vara á markaði og lýtur sömu lögmálum um verðlagningu.
En það er einnig ljóst að eitthvað verður að gera varðandi barnabækur. En einhver ríkisstuðningur vegna þeirra má ekki fara í gegnum forlögin eða verslanir.
Segir sökina vera bókaútgefenda | |
Tilkynna um óviðeigandi tengingu við frétt |
26.11.2018 | 17:06
Að gera sig breiðan á annarra kostnað er ódýrt.
- Einkum ef það gert í eigin fréttabréfi og það þvert yfir forsíðu þess.
Ég á miklu auðveldara með að trúa því sem Már Guðmundsson hefur sagt um þetta mál Seðlabankans gagnvart Samherja og eigendum þessa fyrirtækis sem er eins og allir vita rekið á ríkisstyrkjum. Heldur en gífuryrðum útgerðarmannsins.
Már sagði, að í upphafalega gjaldeyrismálinu hefði ekki fallið dómur.
Því hefði Samherji ekki hlotið dóm vegna þess. En lögin sem bankinn varð að fara eftir höfðu ekki verið endanlega frágengin af einhverjum ráðherra.
En nú er væntanlega búið að laga þá handvöm. Það vekur einnig athygli, að seðlabankastjórinn segir aldrei neitt einasta hnjóðsyrði um útvegsbóndann.
- Þetta þýðir auðvitað einnig að Samherji hefur ekki verið sýknaður af upphaflega meginmálinu. Ásakanir bankans standa því óhraktar. Er þýðir þá einnig, að orð standa gegn orði
* - Ég hef ekki trú á því að bankinn hafi farið í alla þessa vegferð án þess að mjög sterkur grunur væri og jafnvel fullgildar sannanir um að eitthvað hafi verið gert með röngum hætti.
Gauragangur útgerðarmannsins þvær hann ekki af ákúrunum er Seðla-bankinn reisti gagnvart útgerðinni og eigendum hennar. Það er af og frá.
Ég held að það væri ráð fyrir útgerðarmanninn skoða heldur það sem Stundin skrifar um hann og félaga hans er snýr að fjármálum og útgerð. Það ætti að vera miklu áhugaverðara.
Ómerkilegheitin halda áfram | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 19:35 | Slóð | Facebook | Athugasemdir (0)
22.11.2018 | 13:16
Salernisfólkið
- Þetta er auðvitað hörmulegt ástand, að bjóða fólki upp á svona gistingu á Landspítalanum.
Þetta eru auðvitað afleiðingar áratuga vanrækslu þjóðarinnar við þessa stofnun sem Landspítalinn er.
Það eru áratugir síðan að íslenskir ráðherrar lofuðu þjóðinni bráðnauðsynlegri uppbyggingu á Landspítalanum.
Þá hefur uppbygging á hjúkrunarheimilum verið trössuð áratugum saman, þrátt fyrir greiðslur almennings í slíka uppbyggingu í áratugi.
Það var í tilefni þess, þegar þeir gáfu einkaaðilum Símann. Forsætisráðherra þessa tíma er nú starfandi ritstjóri.
Ekki er undarlegt þótt ég sé sérkennilegur enda fæddur inni á einu salerni gamla spítalans. Ég var var frumburður móður minnar og þetta var það sem kallað var sitjandi fæðing. Sem mér er sagt að sé mjög erfið fæðing og sársaukafull. Einkum áður fyrr.
Hvorki sú fyrsta né síðasta | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 13:22 | Slóð | Facebook | Athugasemdir (0)
18.11.2018 | 11:55
Ísland á vegamótum
- Í gær var haldinn frábær fundur á vegum VG félaganna á Reykjavíkursvæðinu þar sem tekið var samtal við þrjár nýkjörnar forystukonur í Verkalýðshreyfingunni
*. - Drífa Snædal forseti ASÍ, Sonja Ýr Þorbergsdóttir formaður BSRB og Sólveig Anna Jónsdóttir formaður EFLINGAR.Mjög góður fundur og þéttsetinn salur.
Þessar konur fóru yfir viðfangsefni sinna samtaka í kjaramálum sem verða í brennidepli á næstu mánuðum. Það kom í ljós að þessi samtök leggja megináherslu á lífskjarajöfnuð í íslensku samfélagi.
Ekki bara í launa umslagið heldur og ekki síst þegar kemur að skattamálum ásamt eðlilegri samfélagsþjónustu og í húsnæðismálum.
Það er ljóst að íslenskt samfélag stendur á vegamótum mikilla breytinga, sú svæsna frjálshyggja sem hefur ríkt á Íslandi á fjórða áratug hefur gengið sér algjörlega til húðar á þessum tíma hafa lífskjör láglaunafólk versnað mjög á meðan yfirstéttin hefur blásið út á kostnað almennings og erfða auðæva þjóðarinnar.
Taka verður upp önnur lífskjaraviðmið og jafna verður stöðu stéttana í landinu. Ég tek eftir því að í athugasemdum hér við þessa frétt er reynt að dylgja um að einhverjir tali eins og fyrir tveim öldum. Ekki bar á því á þessum fundi.
Þótt þessar konur hafi minnst á jafnréttiskröfur, má alveg rifja upp a.m.k. þrír stórir og áhrifamiklir aðilar í sögunni hafa gert það áður.
Er allir töluðu inn í sitt samfélag og ríkjandi aðstæður á þeirra tíma.
Sá elsti þessara fæddist fyrir rúmlega 2000 árum sá í miðið fyrir 500 árum og sá yngsti fyrir 200 árum. Síðan hafa menn reynt að afbaka margt af því sem þessir menn sögðu og túlka sér í hag.
- Fyrst má nefna iðn-neman sem sagði að stórbóndinn ætti að búa við sömu kjör og verkamenn hans úti á örkinni
* - Byltingamaðurinn Marteinn Lúter sem barðist með bændum fyrir réttlátum kjörum bænda gegn ofurríki kaupmanna
* - Síðan Kalli gamli sem sagði að verkamenn ættu að hafa þau laun fyrir vinnu sína að dygðu fyrir eðlilegum þörfum hans og fjölskyldu.
Allt er þetta klassisk jafnréttismál er hafa haft gildi á öllum tímum. Allir þessir aðilar hafa lagt sitt fram í réttlætisbaráttuna.
Flest af því stenst algjörlega tímans tönn, sumt er haft í hávegum og annað ekki eins og gengur.
Annað er aðlagað að númtímanum
Hagvaxtarstefnan að líða undir lok | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 12:15 | Slóð | Facebook | Athugasemdir (0)
16.11.2018 | 15:55
Dagur íslenskrar tungu
- Íslenskan er tungumálið sem talað er í himnaríki
Segir Þórarinn Eldjárn ma. í síðasta hefti Skólavörðunnar:
Íslenska er stórmál. Engin spurning, enda er þessi yfirskrift fullyrðing. Sjálfsagt er misjafnt hvað fólki finnst og hefur fundist þar um á ýmsum tímum. Enn misjafnara eftir því hvað átt er við með mál.
Hvort það er mál í merkingunni tunga, tungumál eða mál í merkingunni atriði eða viðfangsefni. Sjálfur er ég á því að þetta sé reyndar satt á allan máta. Íslenska er mál málanna. Hjá okkur.
Þá heldur ljóðskáldið áfram og segir m.a.:
Sennilega hefur íslensk tunga aldrei verið álitin meira stórmál, eða öllu heldur ætlað stærra hlutverk en fram kemur í kenningum dr. Helga Pjeturss. Samkvæmt þeim er hún eina málið uppi á stjörnunum þangað sem við deyjum öll.
Ef þetta er rétt athugað hjá dr. Helga má ætla að hans íslenska sé þar töluð.
Þórarinn segist hafa verið svo heppinn að kynnast manni sem hafði beinan aðgang upp í himnaríki í gegnum miðilsfundi og hermdi hann skáldinu mörg tíðindi þaðan.
Fram kom í samtali við manninn , að miklu leyti virtist starfið þarna efra vera eins og eitt risavaxið námskeið í íslensku fyrir útlendinga. Það gengur bara vel sagði granni minn.
- M.ö.o. íslenskunámið hjá íslenskum þjóðkirkjuprestum er greinilega góður undirbúningur undir það sem koma skal, ef allt fer vel að lokum hér í dalnum.
Margir lesa á íslensku sér til gamans | |
Tilkynna um óviðeigandi tengingu við frétt |
15.11.2018 | 12:04
Nú væri gott að fá fram sannleikann
- Fullar örorkubætur eiga að hafa hækkað um kr.1100 þús.á ári síðan 2010
* - Segir fjármálaráðherra.
Hvað er rétt í þessum málum, þetta þýðir væntanlega að full mánaðarlaun öryrkja hefðu hækkað um 92 000 fyrir skatt. Eða um ca. 58 000 eftir skatt. Samkvæmt því sem Öryrkjabandalagið segir á vefsíðu sinni.
Þetta passar alls ekki við þessar upplýsingar frá Tryggingastofnun 2010 nema ef persónuafslættinum er bætt við. Þetta eru of flóknar upplýsingar svo ég og almenningur skilji þær.
Persónuafláttur nú 2018 er kr. 53 895,oo á mánuði.
Tafla 2. Dæmi um lágmarksfjárhæðir lífeyris og annarra réttinda öryrkja hjá Tryggingastofnun miðað við minnstu mögulega aldurstengda örorkuuppbót | ||
Greiðslutegundir í kr. | Býr með öðrum | Býr einn |
Örorkulífeyrir | 29.294 | 29.294 |
Minnsta aldurst. örorkuuppbót | 732 | 732 |
Tekjutrygging | 93.809 | 93.809 |
Heimilisuppbót | 0 | 27.242 |
Sérstök uppbót til framfærslu | 29.665 | 28.923 |
|
|
|
Samtals fyrir skatt | 153.500 | 180.000 |
Samtals eftir skatt | 138.603 | 155.245 |
Tölur eftir staðgreiðslu
138 603 + 58 000 = 196 603 + Persónu uppbót 53.895 = 250 498,oo
155 245 + 58 000 = 213 245 + Persónu uppbót 53.895 = 267 140,oo
Tölur fyrir staðgreiðslu
153 500 + 92 000 = 245 603 + Persónu uppbót 53.895 = 299 498.oo
180 000 + 92 000 = 272 000 + Persónu uppbót 53.895 = 325 895,oo
Það er ljóst á öllum flumbruganginum nú, að fjármálaráðherra vill að SA ákvarði þetta með kjarasamningum við Starfsgreinasambandið eins og síðustu 28 árin
Segja ráðherra fara með rangt mál | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 15:59 | Slóð | Facebook | Athugasemdir (0)