Erfiðir dagar hjá Sjálfstæðisflokki og hækjum hans.

• Frá haustdögum hafa fulltrúar þessa flokks talað um óreiðu í rekstri borgarinnar og að hún sé stöðugt að safna skuldum
  *
• Síðan kemur nú út síðasti ársreikningur núverandi borgarstjórnar. Þá kemur allt annað í ljós.

Reksturinn er samkvæmt öllum mælikvörðum mjög sterkur. Hagstætt umhverfi hjálpar auðvitað til en það gerir fjármálastjórnunin líka og hún hefur verið ábyrg.

• Það er líka mjög ánægjulegt að bókhaldið hefur verið opnað á þessu kjörtímabili þannig að hver sem vill getur veitt því stíft aðhald
  *.
• Þetta eru auðvitað endurskoðaður árreikningur og þar er ekkert hægt að fegra.

Eyþór hefur bullað um 15 milljarða skuld eins og hér má sjá:

„Skuldirnar í borgarsjóði vaxa um 15 milljarða á síðasta ári sem er rosalegt í góðæri. Síðan sjáum við það að handbært fé í samstæðunni lækkar um 10 milljarða,“ segir Eyþór á Rúv.

Eyþór kýs að horfa framhjá þeirri staðreynd, að á síðasta ári gerði Reykjavíkurborg lífeyrissjóða skuldir sínar upp við Brú lífeyrissjóð í einu lagi.

Ekkert sveitarfélög kemst hjá þessu uppgjöri en þau gera það mishratt. Borgin er það sterk að hún gat gert þetta strax. Það væri óskandi að ríkissjóður gæti gert upp lífeyrissjóðaskuldir sínar.

Seltjarnarnesbær hefur birt sinn ársreikning og eingreiðsla til Brúar hafði þau áhrif þar að bærinn er rekinn með tapi – í góðæri.

Á Rúv segir Eyþór síðan:

„Eyþór gagnrýnir að eignir borgarinnar eða það er að segja fyrirtækja hennar eins og Orkuveitunnar og Félagsbústaða, hafi verið endurmetnar og þær hækkaðar, það sé reiknuð stærð en ekki raunveruleg. Sem sagt verið að hækka eignir á pappírunum: „Eigum við ekki að það sé sölumálning á kosningavori. Það er verið að sölumála bílinn.“

Þetta er mjög alvarlegur rógburður. Reiknaðar stærðir á borð við fasteignir eru ekki ,,hækkaðar" sem einhver liður í því að hagræða bókhaldi vegna kosninga.
Hér ber Eyþór það á einhverja ótilgreinda aðila, væntanlega okkur í meirihlutanum, að vera að hagræða tölum vísvitandi af því að það eru að koma kosningar.

Hið rétta er að matsverð eigna breytist ár frá ári og eignir eru að hækka almennt í verði. Hið sama er að sjást í öðrum sveitarfélögum, eru þeir sem þar ráða þá líka að sölumála bíla?

Það eru löggiltir endurskoðendur sem setja upp þennan ársreikning og verður ekki viðkomið einhverjum pólitískum keilum.

Sem betur fer, er borgin óðum að ná sér eftir óstjórn Sjálfstæðisflokksins í fjármálum borgarinnar.

Dagur og Eyþór á Þingvöllum

Áróðurs meistarar í blaðamanna stétt.

• Mikilvægur sannleikur er sagður í þessari grein er lýsir vel hvernig ákveðnir hagsmuna aðilar halda uppi áróðri til suðnings sínum málstað
  * 
• Blaða- og fréttamenn eru iðulega handbendi hagsmuna afla
  *
• Það er ekkert svart-hvítt í þessum heimi
  *
• Það er engu að treysta af því sem herveldin halda fram. Breytir þá engu hvert herveldið er.

NEISTAR.IS

 

Brunnmígarnir í íslenskum fjölmiðlum og Stríðið gegn Sýrlandi

Þroskað lýðræðissamfélag er í stakk búið til að halda uppi umræðum um jafnvel mestu hitamál og mælikvarði á styrk tjáningarfrelsisins er ekki einungis þau lög og reglur sem gilda um það, heldur einnig hvernig leikmenn í samfélaginu takast á við ágreining. Hér skiptir við...

„Hjálpar Evrópuríkjum meira en okkur“

Launahækkanir valinna forstjóra

Launahækkanir forstjóra stærstu fyrirtækja á síðasta ári námu allt að 1 milljón króna á mánuði.

• Forstjóri N1 hækkaði í launum um 1 milljón á mánuði - Mánaðarlaun 5 milljónir.

• Forstjóri Landsvirkjunar hækkaði í launum um 800 þúsund á mánuði - Mánaðarlaun 2,7 milljónir.

• Forstjóri Eimskips hækkaði í launum um tæp 700 þúsund á mánuði - Mánaðarlaun 8,6 milljónir.

• Forstjóri Símans hækkaði í launum um 433 þúsund á mánuði - Mánaðarlaun 4 milljónir.

• Forstjóri Isavia hækkaði um 400 þúsund á mánuði - Mánaðarlaun 2,1 milljón.

• Forstjóri Reita hækkaði í launum um 400 þúsund á mánuði - Mánaðarlaun 3,7 milljónir.

• Forstjóri HB Granda hækkaði í launum um 330 þúsund á mánuði - Mánaðarlaun 4,2 milljónir.

• Forstjóri Sjóvá hækkaði í launum um 242 þúsund á mánuði - Mánaðarlaun 4,1 milljónir.

• Forstjóri Íslandspósts hækkaði í launum um 252 þúsund á mánuði - Mánaðarlaun 1,7 milljónir.

• Forstjóri Landsnets hækkaði í launum um 180 þúsund á mánuði - Mánaðarlaun 1,8 milljónir.

• Útvarpsstjóri hækkaði í launum um 250 þúsund á mánuði - Mánaðarlaun 1,8 milljón.

Ef einhverjir þyrftu að fara á námskeið um fjármálalæsi eru það þessir aðilar.

Vilhjálmur Birgisson, formaður Verkalýðsfélags Akraness, segir launahækkanir til handa forstjórum stærstu fyrirtækja sorglegar og „ógeðslegt misrétti“. Þessi listi kemur frá Vilhjálmi

 

Enn hvað það verður gott og notalegt að búa í borginni næsta kjörtímabil

• Mikið erum við Reykvíkingar vinsælir, næstu fjögur ár verða þægileg

Nú ku 17 aðilar hafa tilkynnt um framboð sitt um að manna borgarstjórnina. Sumir gera það með söng og hljóðfæraslætti á meðan aðrir fara með veggjum og hafa frekar hljótt um þá ætlan sína.

A.m.k. þrjú þessara framboða bjóða upp á algjör kraftaverk sem flestir með æfðan vöðva milli eyrnanna sjá, að þessir aðilar geta engan veginn haft vald á að framkvæma eða ætla öðrum að framkvæma verkið.

Í rauninni fer nú fram svipað leikrit eins gerist í náttúrunni er frjáls í karldýr skóginum dansa rúmbu fyrir kvendýrin og sýna þannig hvað þeir eru stórkostlegir á fengitímanum. Allt er gert fyrir lúkkið.

Eitt framboðið ætlar að byggja upp borgarlínu sem á að fara neðanjarðar á viðkvæmum svæðum. Ofanjarðar verða síðan ræktuð pálmatré. Greinilega er reiknað með öruggu fjárstreymi ríkissjóði. Því borgin ein og sér ræður ekki við svona verkefni.

Eitt framboðið ætlar að lækka skatta, sá flokkur hefur reyndar notað þetta trix í áratugi með góðum árangri án þess að þurfa nokkurn tíman að standa við það. Þá ætlar þessi aðili að fella niður fasteignagjöldin af okkur sem eru komin yfir 70 ára aldurinn og stórlækka verð á nýjum byggingalóðum. Loforð sem þýðir verulega hækkun á útsvari og verulega niðurfellingu á þjónustu borgarinnar.

Þriðji hópurinn ætlar að byggja 10 þúsund íbúðir á næsta kjörtímabili. Láta vegagjöld halda áfram í Hvalfjarðargöngum, en það verður ríkisvaldsins að taka ákvarðanir um vegagjöld. Þetta framboð ætlar að byggja brú yfir Faxaflóann.

Það eru framdir glæpir í Sýrlandi og herveldin eru ábyrg fyrir þeim

• Við í VG erum öll sammála um að Ísland eigi að segja sig úr NATÓ sem fyrst og stefna VG í friðar- og utanríkismálum hefur ekkert breyst
  *
• VG hefur ekki gefið neinn afslátt á þeirri stefnu sinni.

VG er ekki með nema 17% vigt á Alþingi og verður að sætta sig við, ef flokkurinn vill taka þátt í ríkisstjórn að starfa með NATÓ-flokkum sem eru með 83% þjóðar að baki sér og beygja sig undir stefnu sem þessir NATÓ-flokkar hafa þegar mótað sameiginlega á Alþingi

En jafnvel þótt meirihluti þjóðarinnar væri sammála þessari stefnu VG. og hefði lýst því yfir í formlegri þjóðaratkvæðagreiðslu. Þá hef ég persónulega enga trú á því að íslenska þjóðin kæmist upp með það.

Frelsi þjóðarinnar er m.ö.o. alvarlega takmörkuð af ofríki og hagsmunum Bandaríkjanna og af ESB. Þetta eru í raun staðreyndirnar.

Ísland er inn á miðju áhrifasvæði ESB og Bandaríkjanna, það eru þeir aðilar sem hafa öll örlög Íslands algjörlega í hendi sér. Þetta áhrifavald gefa þessir aðilar ekki frá sér.

Þetta sést líka mjög skýrt á allri utanríkispólitík íslendinga. Einnig sést það á því að stórveldið er með stöðug inngrip í íslensk stjórnmál.

Að halda að Ísland geti siss svona sagt sig úr NATÓ og neitað að fara að samþykktum þess er því miður hreinn barnaskapur.

Ekki myndi það bæta stöðuna ef Bretar kæmu til baka í EFTA og gerðust aðilar að EES, því þá kæmi þriðji áhrifavaldurinn.

En það þýðir ekki, að það sé ástæða til þess að gefast upp í baráttunni gagnvart þessum aðilum og stríðsrekstri þeirra. Það hefur aldrei verið mikilvægara en nú að berjast.

Íslenska þjóðin er eins og hvert annað peð út í ballarhafi og stórveldið gerir allt það sem það vill með Ísland þótt herveldið kjósi að fara með vald sitt í friði við þjóðina sem lengst.

• Nágrannalönd Íslands munu aldrei taka afstöðu með íslensku þjóðinni gegn Bandaríkjunum.

Finna fyrir reiði þingmanna

VG þarf meiri styrk og þar með fleiri atkvæði til að geta komið fleiru góðu til leiðar fyrir almenning.

• Það eru ansi margir sem átta sig ekki á þeirri staðreynd, að VG er meira og minna eins Palli litli sem var einn í heiminum
• *
  Hvað viðhorf snertir í mörgum málum á Alþingi. Breytir þá engu hvort flokkurinn er í ríkisstjórn eða utan stjórnar.

Ef flokkurinn er innan ríkisstjórnar er vissulega gerð einhver málamiðlun vegna sérstöðu VG, sérstaklega í umhverfismálum, í utanríkis- og friðarmálum, í heilbrigðismálum, í skólamálum og um leið í velferðarmálum almennt.

Svo virðist sem almenningur haldi að VG sem er með innan við 17% fylgi í síðustu kosningum og 11 þingmenn kjörna geti gert kraftaverk á öllum þessum sviðum eins og ekkert sé einfaldara. Nær daglega. Í umræðunni segjast allir hafa kosið VG, nokkuð sem fær ekki staðist.

Hvenær sem er, geta aðrir flokkar á Alþingi myndað meirhluta um stefnu sem fer algjörlega þvert á stefnu VG, t.d. í utanríkismálum. Þar er VG í 17% minnihluta.

Nú er VG í stjórnarsamstarfi með gömlu valdaflokkunum sem samanlegt eru með 24 þingmenn. Í þessu samhengi sjá allir skynsamir aðilar að VG hefur tekist að teygja gömlu flokkana ótrúlega nærri sinni stefnu.

Jafnvel í friðarmálum er sést greinilega á varfærni utanríkisráðherrans í orðræðu sinni.

Því er það mjög sérkennilegt að félagar í VG er eiga að vera mjög meðvitaðir um þessa stöðu, skuli ekki átta sig á þessari staðreynd.

Því alla daga heyrast þær kröfur hér á þessu rabbi hér, að þingmenn flokksins og ráðherrar geri stöðugt þau kraftaverk að láta hina flokkanna í ríkisstjórninni og á Alþingi skipta um stefnu og viðhorf á jafn auðveldan hátt eins og að skipta um sokka.

Flókið fyrir Vinstri græn að styðja NATO

Hryðjuverkamenn í valdastólum herveldanna

• Furðulegir tímar og fasisminn veður fram sem aldrei fyrr

Nú þessa daganna vaða fram þau herveldi sem telja sig hafa löggæsluvald yfir öðrum þjóðum. Nú varpa herveldin þrjú sprengjum yfir eitt af einræðisríkjum heimsins sem á í blóðugri styrjöld við þessi sömu ríki. Með stuðningi fyrrverandi stórveldis og einveldis þar sem lýðræði er enn lítt þroskað.

• Þessi hefndar árás bitnar nær eingöngu á saklausu og stríðsþjáðu fólki.

Í öllum þessum herríkjum ráða hagsmunaöfl gjörðum ríkisstjórna þessara ríkja sem eru algjörlega háð þessum ólýðræðislegu öflum. Nákvæmlega engu er hægt að treysta sem sannleika sem þessir aðilar segja.

Hálmstráið sem þau afsaka sig með er, að sagt er að Sýrlandsstjórn hafi látið varpa eiturefna-sprengjum yfir saklausa borgara. Ef satt er, væri það auðvitað skelfilegur glæpur gegn íbúum þessa lands. En þessi þrjú ríki hafa auðvitað ekkert umboð frá almenningi heimsins til að hafa með löggæslu að gera.

Engin ríki hafa sýnt almenningi í fjarlægum löndum jafn mikla grimmd í gegnum tíðina og Frakkland, Bretland og Bandaríkin hin síðari árin. Jafnvel fasisminn í Þýskalandi og í Rússlandi er bara smávandi í slíkum samanburði og er þá mikið sagt.

• Þetta eru ríkin sem telja sig vera fyrirmyndar lýðræðisríki og sérstaka boðbera kristninnar.En gefa ævinlega skít í öll slík gildi þegar það hentar þeim.

Rifjum upp „gullnu regluna“ Fyrst eins og hún birtist hjá Lúkasi: 
„Eins og þér viljið að aðrir menn geri við yður, svo skuluð þér og þeim gera.“ (Lúk. 6:31) Með öðrum orðum, að við eigum ekki að launa illt með illu heldur koma fram við aðra eins og við viljum að komið sé fram við okkur.

Gullna reglan svokallaða er ein megin undirstaða kristinnar siðfræði. Hana er að finna í ræðu Jesú Krists í Matteusarguðspjalli sem kölluð er fjallræðan.

Gullna reglan hljóðar þannig með orðum Jesú:
„Allt sem þér viljið að aðrir menn gjöri yður, það skuluð þér og þeim gjöra“ Síðan bætir hann við: „þetta er lögmálið og spámennirnir“ - eða með öðrum orðum, þetta er öllum öðrum boðum mikilvægara.

• Með þessari einföldu reglu gerir Jesús umhyggjuna fyrir náunganum að kjarnanum í lífi hvers kristins manns. Enginn getur fylgt Jesú nema með því að sýna náunganum kærleika í verki.

Gullna reglan eins og hann setti hana fram er byltingarboðskapur og sem slíkur er hann undirstaða allra hugmynda okkar nútímamanna um jafnrétti, manngildi og mannréttindi. Jesú var drepinn fyrir boðskap sinn af fasistaöflum.

• Svipuð regla er í nær öllum megin trúarbröðum heimsins.

Bara þetta segir okkur, að háttarlag þessara ríkja eru algjörlega ókristilegt og einnig viðbrögð NATÓ og ESB. Í raun er þetta hreinn fasismi af verstu gerð. Það er auðvitað löngu ljóst að flest ríki heimsins eru algjörlega undir hælnum á valdamesta stórveldinu.

Heimsvaldastefna sem er í algjörri andstöðu við tærustu viðhorf vinstri manna, er eiga sér rætur í boðskap smiðssonarins eða iðnemans forðum.

 

 

Heimurinn stendur aðgerðalaus hjá

Nú skal enn hygla þeim sem eiga miklar eignir

• Það er auðvitað staðreynd að margt fólk á miklar eignir sem býr í borginni. Til að eignast slíkar eignir þarf fólk að hafa haft góðar tekjur í gegnum tíðina
  *
• Oft á tíðum er þetta stóreignafólk sem hefur ekki greitt útsvar af tekjum sínum nema í algjöru lágmarki
• *
• Iðulega atvinnurekendur og eða fjárfestar sem greiða að mestu fjármagnsskatta. Slíkir skattar eru í dag eftir nýjustu hækkanir 22% af nettótekjum. 
  *
• Almennir tekjuskattar og útsvar launafólks er 36.94% og greitt af brúttólaunum
  *
• Ef það væri einhver réttlætiskennd og góðmennska hjá þessu fólki, væri það nær að 67 ára eldra láglaunafólk fengi afslátt á fasteignagjöldum miðað við ákveðin launaviðmið
  * 
• Að lækka útsvargreiðslur hjá 67 ára og eldra láglaunafólki er býr við lökustu kjörin og býr í leiguhúsnæði
  *
• Þetta er bara hugmynd frambjóðenda Sjálfstæðisflokksins um að hygla þeim skattlausu og eignamiklu enn frekar.

Eldri borgi ekki fasteignaskatta

Forsætisráðherra upplýsir, að afnema á ,,krónu mót krónu“ skerðingar.

• Sannleikurinn er erfiður sumum

Einkum ef það hentar þeim ekki að hann sé ljós. Hér í fréttinni segir orðrétt:

• Hvað kjör ör­yrkja varðaði sagði Katrín að fram kæmi í texta fjár­mála­áætl­un­ar­inn­ar að til stæði að af­nema krónu á móti krónu skerðing­ar. Það hefði einnig komið fram í máli Ásmund­ar Ein­ars Daðason­ar fé­lags­málaráðherra.

En einnig er nauðsynlegt að breyta skattkerfinu á þann veg, að þeir sem hafa tekjur yfir ákveðnum mörkum njóti ekki persónuafsláttar eða lægri skattaprósentu í tekjuskatti.

Þá er eðlilegt að allir aðilar greiði útsvar, bæði fyrirtæki og þeir sem í dag greiða bara fjármagntekjuskatta. Ekki bara launafólk.

Hvort sem þeir eru vinnandi, á eftirlaunum eða á örorkulaunum frá Tryggingastofnun. Þannig skapast svigrúm til að bæta stöðu þeirra sem draga fram lífið samkvæmt lægstu launatöxtum með verulegri hækkun á persónuafsláttum og lækka skattaprósentu lægri launa.

Það er ekki eðlilegt að launafólk sé að niðurgreiða rekstrarkostnað fyrirtækja og fjárfesta er greiða lítinn skatt af nettótekjum. Á meðan launafólk greiðir háa skatta af brúttó tekjum. Þetta eru auðvitað hrópleg rangindi.

„Komdu með annan segi ég nú bara“

Suma hluti má ekki segja, sérstaklega ef sannleikur er sagður

• Svandísi  Svavars­dótt­ur heil­brigðisráðherra varð það á Alþingi í gær að segja nokkuð sem ekki mátti segja.  En inntakið var eitthvað á þessa leið: 

„Þá sagði Svandís að skýr­ing­in á því að ljós­mæður væru með lægri laun en hjúkr­un­ar­fræðing­ar væri sú að þær væru í stétt­ar­fé­lagi sem væri hluti af BHM á meðan hjúkr­un­ar­fræðing­ar væru í eig­in fé­lagi. Það væri hins veg­ar ekki stjórn­valda að hafa skoðun á því fyr­ir­komu­lagi“.

Ég er ekki í nokkrum vafa um að þetta er rétt mat hjá ráðherranum, ef það er rétt að ljósmæður lækki í launum við að breytast úr því að vera titluð hjúkrunarfræðingur í það að vera ljósmóðir í launaskrá Landspítalans.

Enn segir Ráðherrann:
„Ég hef verið full­vissuð um það af for­stjóra Land­spít­al­ans að engu ör­yggi sé stefnt í upp­nám á Land­spít­al­an­um enda um­gang­ast ljós­mæður vinnustað sinn af fullri ábyrgð. Þannig er eng­in ástæða til þess, hvorki hjá hátt­virt­um þing­manni né öðrum, að kynda und­ir ugg eða óör­yggi hjá for­eldr­um.“

Ráðherra sagðist hafa beitt sér í mál­inu í gegn­um for­stjóra Land­spít­al­ans til að freista þess að gera það sem hægt væri til þess að bæta starfs­um­hverfi og mögu­lega vaktaum­hverfi ljós­mæðra. Spurningin er því, hvaða hagsmuni er forysta ljósmæðra að vernda?

Nú er ljósmæðrafélagið í fýlu ásamt BHM því það er mikill sannleikur sem felst í orðum ráðherrans.  Vandinn sem ljósmæður og BHM stendur fyrir er auðvitað sá að hjúkrunarfræðingar eru ekki í landsamtökum og vilja ekki sameinast BHM.

Það er auðvitað hægt að sameina þessi félög án þess að gömlu félögin séu í raun lögð niður.  En þetta er auðvitað gamalkunnug togstreita um félagsgjöld.

Saka ráðherra um „kaldar kveðjur“