Erlend bókaframleiðslufyrirtæki fá íslenska ríkisstyrki?

• Þetta ættu þeir stjórnmálamenn að átta sig á, sem ætla veita erlendum bókagerðar fyrirtækjum íslenska ríkisstyrki.

Það er 100% öruggt að þessir styrkir munu ekki lækka verð á bókum í íslenskum verslunum sem selja bækur.

Bækur eru eins og hver önnur vara á markaði og lýtur sömu lögmálum um verðlagningu.

En það er einnig ljóst að eitthvað verður að gera varðandi barnabækur. En einhver ríkisstuðningur vegna þeirra má ekki fara í gegnum forlögin eða verslanir.

RUV.IS

 

Nærri allar bækur prentaðar erlendis

Nærri allar bækur sem koma út fyrir jólin eru prentaðar erlendis. Þetta hefur mikil áhrif, segir Egill Örn Jóhannsson, framkvæmdastjóri Forlagsins. Nú eru síðustu forvöð fyrir bókaútgefendur til að prenta annað upplag fyrir jólin.

Segir sökina vera bókaútgefenda

Að gera sig breiðan á annarra kostnað er ódýrt.

• Einkum ef það gert í eigin fréttabréfi og það þvert yfir forsíðu þess.

Ég á miklu auðveldara með að trúa því sem Már Guðmundsson hefur sagt um þetta mál Seðlabankans gagnvart Samherja og eigendum þessa fyrirtækis sem er eins og allir vita rekið á ríkisstyrkjum. Heldur en gífuryrðum útgerðarmannsins.

Már sagði, að í upphafalega gjaldeyrismálinu hefði ekki fallið dómur.

Því hefði Samherji ekki hlotið dóm vegna þess. En lögin sem bankinn varð að fara eftir höfðu ekki verið endanlega frágengin af einhverjum ráðherra.

En nú er væntanlega búið að laga þá handvöm. Það vekur einnig athygli, að seðlabankastjórinn segir aldrei neitt einasta hnjóðsyrði um útvegsbóndann.

• Þetta þýðir auðvitað einnig að Samherji hefur ekki verið sýknaður af upphaflega meginmálinu. Ásakanir bankans standa því óhraktar. Er þýðir þá einnig, að orð standa gegn orði
  *
• Ég hef ekki trú á því að bankinn hafi farið í alla þessa vegferð án þess að mjög sterkur grunur væri og jafnvel fullgildar sannanir um að eitthvað hafi verið gert með röngum hætti.

Gauragangur útgerðarmannsins þvær hann ekki af ákúrunum er Seðla-bankinn reisti gagnvart útgerðinni og eigendum hennar. Það er af og frá. 

Ég held að það væri ráð fyrir útgerðarmanninn skoða heldur það sem „Stundin“ skrifar um hann og félaga hans  er snýr að fjármálum og útgerð. Það ætti að vera miklu áhugaverðara.

„Ómerkilegheitin halda áfram“

Salernisfólkið

• Þetta er auðvitað hörmulegt ástand, að bjóða fólki upp á svona gistingu á Landspítalanum.

Þetta eru auðvitað afleiðingar áratuga vanrækslu þjóðarinnar við þessa stofnun sem Landspítalinn er.

Það eru áratugir síðan að íslenskir ráðherrar lofuðu þjóðinni bráðnauðsynlegri uppbyggingu á Landspítalanum.

Þá hefur uppbygging á hjúkrunarheimilum verið trössuð áratugum saman, þrátt fyrir greiðslur almennings í slíka uppbyggingu í áratugi.

Það var í tilefni þess, þegar þeir gáfu einkaaðilum Símann. Forsætisráðherra þessa tíma er nú starfandi ritstjóri.

Ekki er undarlegt þótt ég sé sérkennilegur enda fæddur inni á einu salerni gamla spítalans. Ég var var frumburður móður minnar og þetta var það sem kallað var sitjandi fæðing. Sem mér er sagt að sé mjög erfið fæðing og sársaukafull. Einkum áður fyrr. 

Hvorki sú fyrsta né síðasta

Ísland á vegamótum

• Í gær var haldinn frábær fundur á vegum VG félaganna á Reykjavíkursvæðinu þar sem tekið var samtal við þrjár nýkjörnar forystukonur í Verkalýðshreyfingunni
  *.
• Drífa Snædal forseti ASÍ, Sonja Ýr Þorbergsdóttir formaður BSRB og Sólveig Anna Jónsdóttir formaður EFLINGAR.Mjög góður fundur og þéttsetinn salur.

Þessar konur fóru yfir viðfangsefni sinna samtaka í kjaramálum sem verða í brennidepli á næstu mánuðum. Það kom í ljós að þessi samtök leggja megináherslu á lífskjarajöfnuð í íslensku samfélagi.

Ekki bara í launa umslagið heldur og ekki síst þegar kemur að skattamálum ásamt eðlilegri samfélagsþjónustu og í húsnæðismálum.

Það er ljóst að íslenskt samfélag stendur á vegamótum mikilla breytinga, sú svæsna frjálshyggja sem hefur ríkt á Íslandi á fjórða áratug hefur gengið sér algjörlega til húðar á þessum tíma hafa lífskjör láglaunafólk versnað mjög á meðan yfirstéttin hefur blásið út á kostnað almennings og erfða auðæva þjóðarinnar.

Taka verður upp önnur lífskjaraviðmið og jafna verður stöðu stéttana í landinu. Ég tek eftir því að í athugasemdum hér við þessa frétt er reynt að dylgja um að einhverjir tali eins og fyrir tveim öldum. Ekki bar á því á þessum fundi.

Þótt þessar konur hafi minnst á jafnréttiskröfur, má alveg rifja upp a.m.k. þrír stórir og áhrifamiklir aðilar í sögunni hafa gert það áður.

Er allir töluðu inn í sitt samfélag og ríkjandi aðstæður á þeirra tíma. 

Sá elsti þessara fæddist fyrir rúmlega 2000 árum sá í miðið fyrir 500 árum og sá yngsti fyrir 200 árum. Síðan hafa menn reynt að afbaka margt af því sem þessir menn sögðu og túlka sér í hag.

• Fyrst má nefna iðn-neman sem sagði að stórbóndinn ætti að búa við sömu kjör og verkamenn hans úti á örkinni
  *
• Byltingamaðurinn Marteinn Lúter sem barðist með bændum fyrir réttlátum kjörum bænda gegn ofurríki kaupmanna
  *
• Síðan Kalli gamli sem sagði að verkamenn ættu að hafa þau laun fyrir vinnu sína að dygðu fyrir eðlilegum þörfum hans og fjölskyldu.

Allt er þetta klassisk jafnréttismál er hafa haft gildi á öllum tímum. Allir þessir aðilar hafa lagt sitt fram í réttlætisbaráttuna. 

Flest af því stenst algjörlega tímans tönn, sumt er haft í hávegum og annað ekki eins og gengur. 

Annað er aðlagað að númtímanum 

Hagvaxtarstefnan að „líða undir lok“

Dagur íslenskrar tungu

• Íslenskan er tungumálið sem talað er í himnaríki

Segir Þórarinn Eldjárn ma. í síðasta hefti Skólavörðunnar:
„Íslenska er stórmál. Engin spurning, enda er þessi yfirskrift fullyrðing. Sjálfsagt er misjafnt hvað fólki finnst og hefur fundist þar um á ýmsum tímum. Enn misjafnara eftir því hvað átt er við með mál.
 
Hvort það er mál í merkingunni tunga, tungumál eða mál í merkingunni atriði eða viðfangsefni. Sjálfur er ég á því að þetta sé reyndar satt á allan máta. Íslenska er mál málanna. Hjá okkur“.

Þá heldur ljóðskáldið áfram og segir m.a.:
„Sennilega hefur íslensk tunga aldrei verið álitin meira stórmál, eða öllu heldur ætlað stærra hlutverk en fram kemur í kenningum dr. Helga Pjeturss. Samkvæmt þeim er hún eina málið uppi á stjörnunum þangað sem við deyjum öll.
 
Ef þetta er rétt athugað hjá dr. Helga má ætla að hans íslenska sé þar töluð“.

Þórarinn segist hafa verið svo heppinn að kynnast manni sem hafði beinan aðgang upp í himnaríki í gegnum miðilsfundi og hermdi hann skáldinu mörg tíðindi þaðan.

Fram kom í samtali við manninn , að miklu leyti virtist starfið þarna efra vera eins og eitt risavaxið námskeið í íslensku fyrir útlendinga. Það gengur bara vel sagði granni minn.

• M.ö.o. íslenskunámið hjá íslenskum þjóðkirkjuprestum er greinilega góður undirbúningur undir það sem koma skal, ef allt fer vel að lokum hér í dalnum.

 

 

Margir lesa á íslensku sér til gamans

Nú væri gott að fá fram sannleikann

• Fullar örorkubætur eiga að hafa hækkað um kr.1100 þús.á ári síðan 2010
  *
• Segir fjármálaráðherra.  

Hvað er rétt í þessum málum,  þetta þýðir væntanlega að full mánaðarlaun öryrkja hefðu hækkað um 92 000 fyrir skatt. Eða um ca. 58 000 eftir skatt. Samkvæmt því sem Öryrkjabandalagið segir á vefsíðu sinni.

Þetta passar alls ekki við þessar upplýsingar frá Tryggingastofnun 2010 nema ef persónuafslættinum er bætt við.  Þetta eru of flóknar upplýsingar svo ég og almenningur skilji þær.

Persónuafláttur nú 2018 er  kr. 53 895,oo á mánuði.

Tafla 2. Dæmi um lágmarksfjárhæðir lífeyris og annarra réttinda öryrkja hjá Tryggingastofnun miðað við minnstu mögulega aldurstengda örorkuuppbót
Greiðslutegundir í kr.	Býr með öðrum	Býr einn
Örorkulífeyrir	29.294	29.294
Minnsta aldurst. örorkuuppbót	732	732
Tekjutrygging	93.809	93.809
Heimilisuppbót	0	27.242
Sérstök uppbót til framfærslu	29.665	28.923
Samtals fyrir skatt	153.500	180.000
Samtals eftir skatt	138.603	155.245

Tölur eftir staðgreiðslu
138 603 + 58  000  =  196 603 +  Persónu uppbót  53.895 = 250 498,oo

155 245 + 58 000 =  213 245  +  Persónu uppbót  53.895 =  267 140,oo

Tölur fyrir staðgreiðslu
153 500 + 92 000 =  245 603  + Persónu uppbót  53.895 =  299 498.oo

180 000 + 92 000 =  272 000  + Persónu uppbót   53.895 =  325 895,oo

Það er ljóst á öllum flumbruganginum nú, að fjármálaráðherra vill að SA ákvarði þetta með kjarasamningum við Starfsgreinasambandið eins og síðustu 28 árin

 

Segja ráðherra fara með rangt mál

Það skiptir máli hver er forsætisráðherra

• Katrín Jak­obs­dótt­ir for­sæt­is­ráðherra mun fal­ast eft­ir því við Seðlabank­ann að hann óski svara frá Kaupþingi um hvernig hann ráðstafaði 500 millj­óna evra neyðarláni sem hann fékk 6. októ­ber 2008.

Slík ákvörðun hefði verið nánast óhugsandi ef forsætisráðherra kæmi úr öðrum ranni. Algjörlega útilokað að forsætisráðherrar hefði komið úr gömlu valdaflokkunum á Íslandi eða einhverjum brotum úr þeim flokkum.

Í ljós hefur komið að Seðlabankinn hefur ekki einu sinni yfirsýn yfir hvernig Kaupþing notaði þessa peninga. Fram kemur að:

„End­ur­heimt­ur láns­ins nema í dag tæp­lega tveim­ur millj­örðum danskra króna. Það sam­svar­ar um 260 millj­ón­um evra eða 52% af upp­haf­legu láni. Ekki ligg­ur fyr­ir end­an­leg niðurstaða um end­ur­heimt­ur og lík­legt að eitt­hvað inn­heimt­ist í viðbót,“

Þetta er auðvitað gríðarlega alvarlegt mál. „Katrín hef­ur í hyggju að óska eft­ir því við Seðlabank­ann að hann óski svara frá Kaupþingi um ráðstöf­un um­ræddra fjár­muna“.

Það væri í fyllsta máta óeðlilegt að einhver bankaleynd ríkti um þessi mál og sérkennilegt er það, að enginn skuli hafa verið látinn sæta ábyrgð vegna þessara hluta.

Mun krefja Kaupþing um svör

Eru Frammarar að klúðra málum?

• Lilja hefur þegar fengið ákúrur vegna hugmynda að nýjum lögum um sviðslistir
  *
• Þá virðist eitt hvert allsherjar klúður vera í uppsiglingu vegna
  *
• styrkja til bókaútgáfu til að láta framleiða bækur erlendis
  *
• Nú er enn eitt klúðrið hjá Ásmundi Einari

„Fullkominn misskilningur“

Einkennileg umræða

• Ég hef ekki vitað til þess að Seðlabankinn hafi dómsvald eða hafi haft
  *
• Aðili sem ekki hefur slíkt vald getur ekki sektað einhverja aðila úti í bæ. En auðvitað getur bankinn kært hvern sem er rétt eins og allir aðrir aðilar í landinu
  *
• Nema að ef bankanum hafi verið veitt vald til að dæma án þess að kærur hans færi fyrir dómstól.

Þar sem ríkissaksóknari hafði látið meint gjaldeyris svikamál niður falla vegna formgalla í framsetningu á löggjöf, er aldrei dæmt í því máli. Þ.a.l. hefur Samherji aldrei verið sýknaður af þeim ákúrum.

• Væntanlega hefur sérstakur saksóknari og Seðlabankinn haft haldbærar sannanir fyrir sekt fyrirtækisins. Annars hefur kæran tæplega komið fram.

Um þá hlið málsins ætti umræðan að snúast, en ekki um auka atriði málsins. Tæplega hefur fyrirtækið greitt slíka sekt.

Auðvitað hefur þessi dómur ekki áhrif á stöðu seðlabankastjórans, heldur miklu fremur á starfsemi bankans eða stjórnsýslu og handvöm eða vinnusvik einhvers ráðherra.

STUNDIN.IS

 

Jón Steinar vill að Katrín reki Má úr Seðlabankanum

J ón Steinar Gunnlaugsson, lögmaður, fyrrverandi hæstaréttardómari og áhrifamaður í Sjálfstæðisflokknum, kallar eftir því að Már Guðmundsson og fleiri embættismenn í Seðlabankanum verði látnir víkja vegna niðurstöðu Hæstaréttar þess efnis að Seðlabankanum hafi ekki ver...

Væntanlega kemur nú sannleikurinn í ljós, hvort meint gjaldeyrissvikamál Samherja hafi komið til dóms.

En það var víst niðurfellt vegna mistaka hjá einhverjum viðskiptaráðherra sem ekki skrifaði undir lagabókstafinn. Ef það er réttur skilningur hefur Samherji ekki verið sýknaður af upphaflegu ákærunni.

Ég á auðveldara með að trúa seðlabankamönnum og sérstökum ríkissaksóknara en forstjóra Samherja.

KJARNINN.IS

 

Forsætisráðherra óskar eftir upplýsingum frá Seðlabankanum

Katrín Jakobsdóttir hefur sent bankaráði Seðlabanka Íslands bréf og óskar hún meðal annars eftir útlistun á því hvort og þá með hvaða hætti bankinn hyggist bregðast við dómi Hæstaréttar í máli Seðlabanka Íslands gegn Samherja hf.

Mál Samherja hafi fengið efnisumfjöllun

Tögl og hagldir

• Upplýsingar þær sem sem Stundin segir frá um feril Barna Benediktssonar eru mjög mikilvægar fyrir samfélagið
  
  *
• En það gefur ekki fjölmiðlinu leyfi til að túlka svör aðila eftir eigin hentileikum.

Það er fráleitt að túlka svör Katrínar Jakopsdóttur sem einhverja vörn fyrir Bjarna Benediktsson. Í þau 55 ár sem ég hef fylgst mjög vel með stjórnmálum hefur alveg fram að hruni þótt bæði gott og eðlilegt að alþingismenn kæmi úr atvinnulífinu og væru jafnvel mjög virkir þar.

Hægt væri að telja marga slíka upp og einnig aðra þingmenn sem voru beinlínis hagsmunagæslumenn fyrir ýmiskonar atvinnugreinar og jafnvel fyrirtæki. Þegar Katrín bendir á þetta er hún bara að segja frá staðreyndum sem voru ríkjandi fyrir hrun. Það má jafnvel enn finna slíka kvisti á þingi.

Ég fylgist vel með Katrínu og aldrei hef ég heyrt hana verja Bjarna. En hún eins og allir kjörnir fulltrúar á Alþingi vita um það sem hefur verið upplýst um hans feril og störf fyrir fjölskyldufyrirtækin.

Ég dreg reyndar í efa að hann sé í raun hættur öllum afskiptum af þessu fjölskyldu braski. Held einnig að hann hafi ríka hagsmuni af velgengni þess, bak við tjöldin. Það er beinlínis auðvelt að fela slík afskipti og svo eins og miðillinn bendir réttilega á eru þeir tveir sem eru erfingjar að eignum foreldra hans.

Vandinn er sá, að tæplega verður mynduð ríkisstjórn sem endist án þess að flokkur Bjarna komi þar nærri.

Flokkurinn hefur yfir fjórðungs fylgi og afar sterkt og valdamikið bakland utan við Alþingi. Það er valda aðili sem margir telja að hafi öll tögl og hagldir í íslensku þjóðfélagi.

En í flestum flokkum eru persónur með vafasama ferla, en hafa ekki verið dæmdar fyrir dómstólum frekar en Bjarni. Það virðist vera orðið vandi að koma saman stjórn og baklandi að ríkisstjórn án þess að slíkir aðilar komi við sögu.

En nú hefur Katrín boðað, að innan skamms verði lagt fram frumvarp þar sem gerðar verði enn ríkari kröfur til þingmanna að upplýsa um umsvif þeirra og fjölskyldna utan við Alþingi.

STUNDIN.IS

 

Hvernig Glitnisgögnin opinbera bisnessmanninn Bjarna Benediktsson

Hvaða afleiðingar hafa upplýsingar um viðskiptaumsvif Bjarna Benediktssonar úr Glitnisskjölunum?

Skjölin sýna að Bjarni og fjölskylda hans höfðu greiðan aðgang að lánsfé í Íslandsbanka/Glitni á árunum fyrir hrunið og að Bjarni var sjálfur, og fyrir hönd fjölskyldu, mjög virkur fjárfestir samhliða þingmennsku á árunum 2003 til 2008.

Þá náðu Bjarni og fjölskylda hans að bjarga umtalsverðum eignum í aðdraganda hrunsins, bæði hlutabréfum sem þau áttu í Glitni og eins ...