Ný skref til framtíðar.

Nú 10. september, eru ekki bara tímamót í íslenskum stjórnmálum heldur einnig ákveðin tímamót í eilífri sjálfstæðisbaráttu þjóðarinnar til að geta staðið á eigin fótum.

• Nú eru fyrstu skrefin stígin í síðari orkuskiptum þjóðarinnar með nýrri stefnumótun ríkisstjórnarinnar í umhverfismálum.

• Nú hefst rafbílaöldin af fullri alvöru og rafvæðing skipa í höfnum landsins. En auðvitað hafa farið fram miklar málamiðlanir þegar þessi stefna er mótuð, en hún boðar samt nýja tíma og bjartari framtíð.

• Hún boðar einnig nýja trú á öðruvísi framþróun þjóðarinnar byggða á nýjum stoðum en þeim sem til þessa hafa verið grundvöllur að sjálfstæði Íslands og í efnahagslífi þjóðarinnar.

• Fyrra skrefið var þegar hitaveitan í Reykjavík hóf starfsemi og raforkuframleiðsla hófst á síðustu öld. Sennilega eiga þau eftir að vera miklu fleiri í framtíðinni og margar nýjar lausnir líta dagsins ljós.

Orkustofnun notar einnig þennan dag til að draga línu í sandinn og segir í raun hingað og ekki lengra í raforkusóun íslendinga. Í áratugi hefur verið farið ógætilega í þeim efnum, virkjað hefur verið ótæpilega af fyrirhyggjuleysi fyrir hagsmuni erlendra stórfyrirtækja.

• Í skýrslu Orkustofnunar sem birtist í dag segir m.a. um virkjanaþörf Íslendinga 2050:

• „Orkustofnun telur þörf á að virkja sem samsvarar þremur Blönduvirkjunum á næstu þremur áratugum þó að engin ný stóriðja komi til. Orkuskipti í samgöngum og aukin rafnotkun auka eftirspurnina“.

• Sem betur fer lifi ég ekki þessa tíma því þessar virkjunarþarfir munu verða mikil inngrip inn í íslenska náttúru til viðbótar því sem þegar hefur verið gert í þágu erlendra aðila. En þessu fylgja líka ljósir punktar, s.s. ný viðspyrna.

• Tæplega verða byggð fleiri stóriðjufyrirtæki í landinu í eigu útlendinga þar sem ódýr orka verður aðdráttaraflið. Vegna orkuskorts.

• Tæplega verður flutt út rafmagn til annarra landa. Vegna orkuskorts.

• Nú getur Landsvirkjun með þjóðina að bakhjarli gert miklu harðari atlögur að stóriðjufyrirtækjunum um stórhækkað orkuverð og greiðslur á eðlilegum sköttum til þjóðarinnar.

• Þjóðin þarf að nota alla nýja orku og þá sem til fellur sjálf um ókomin ár.

• Einnig þarf að breyta lögum um markmið Landsvirkjunar.

RUV.IS

 

Þarf þrjár virkjanir til að anna eftirspurn

Virkja þarf sem nemur þremur blönduvirkjunum á næstu þremur áratugum, að mati Orkustofnunar, til að anna eftirspurn eftir raforku.

Umbylting samgöngukerfisins nálgast

Flottur flugdagur án drápsvéla

• Það er fagnaðarefni að þessum herflugvélum var meinuð þátttaka í flugdeginum.

Með þátttöku þeirra hefði þessi dagur auðvitað breyst í hersýningu í rússneskum eða Bandarískum sið. Slíkur herveldastíll á ekki heima í Reykjavík. 

Vonandi munu borgaryfirvöld meina erlendum herskipum að koma hér í Reykjavíkurhöfn í framtíðinni. 

Ég veit að margir eru mér ósammála í þessu efni og er mér sama um það.

Því það eru enn margir sem trúa því að þessi vígtól sé hér af einstæðri fórnfýsi herveldanna til að vernda íslendinga fyrir vondum körlum úti í heimi.

,,Sérfræðingur í varnarmálum Bandaríkjanna segir að staðsetning Íslands hafi náð fyrra mikilvægi hvað öryggismál snertir vegna umsvifa Rússa í Norður-Atlantshafi. Hann segir að Íslendingar muni án efa verða meira varir við bandaríska sjóherinn í framtíðinni. 

Bandarísk stjórnvöld endurræstu flotastarfsemi bandaríska sjóhersins í Norfolk fyrir tveimur vikum.  Það er sá armur flotans sem sér um öryggismál Austurstrandarinnar og í Norður-Atlantshafi.  Ástæðan er aukin spenna í samskiptum við Rússa".(RUV, 8.sept)

Borgin bannaði þátttöku herflugvéla

Eiga innflutningsaðilar að fá aukabónus?

• En óneitanlega vaknar sú spurning hver það er sem á að fá þetta fé ef dæmt yrði kaupmönnum í vil
  *
• Tollunum hefur væntanlega verið velt út í verðlagið á vörunni strax.

Væntanlega eru það þá viðskiptavinir smávöruverslana sem hafa keypt þessar vörur er greitt hafa þessa tolla.

Ekki hefur innflutningsaðilinn greitt þá úr eigin vasa. Því verður að teljast eðlilegt að viðskiptavinirnir fái þetta endurgreitt.

En hvernig?

Með lækkuðum sköttum. En ekki að greiða tollinn tvisvar með hækkuðum verðum eins og gert var og síðan  með hækkuðum sköttum ef ríkið tapar málinu.

RUV.IS

 

Fyrir dóm með 4 milljarða kröfur gegn ríkinu

Fimm innflutningsfyrirtæki hafa stefnt íslenska ríkinu fyrir dóm og krefjast samtals þriggja milljarða króna í oftekna tolla á landbúnaðarvörur. Með vöxtum stendur upphæðin nú í um fjórum milljörðum og hækkar stöðugt. Fyrirtækin telja tollana ólögmæta vegna þess að rá....

Þegar brugðist við með breytingum

Hundakúnstir í fyrirtækjarekstri

• Góðar ábendingar koma fram í grein Guðmundar Harðar nú eins og vanalega
  *
  *
• Það er þekkt aðferð á Íslandi m.a. í útgerðinni að fyrirtækin eru skuldsett mjög, reyndar yfirleitt vegna fjárfestinga sem væntanlega gefa af sér arð síðar
  *
• Síðan er þekktar aðferðir eins og skuldsettar yfirtökur á fyrirtækjum. Þ.e.a.s. að fyrirtæki er látið skulda eða skrifað fyrir skuldum nýs eigenda fyrirtækis. Það er því rekið með halla um langa tíð.
  *
• En það er einnig gert til að lækka skatta og veiðigjöld sem eru afkomutengd. Nú tínir Guðmundur Hörður til ýmsar aðferðir sem fyrirtæki nota.

Gagnrýnisatriðin eru t.d. þessi:

,,Sum fyrirtæki kaupa eigin hlutabréf til að búa til eftirspurn og hækka þannig eða halda uppi verði á félaginu. Þannig er í raun verið að blekkja markaðinn.

Stjórnendur fyrirtækja sem eru á árangurstengdum launum geta því grætt á þessu persónulega.

Stjórnendur og aðrir innherjar geta líka grætt gríðarlega á svona viðskiptum með því að kaupa hlutabréf áður en endurkaup eru tilkynnt og selja þau aftur þegar hlutabréfaverðið hefur hækkað.

Fyrirtæki og eigendur hlutabréfa spara sér skattgreiðslur með endurkaupum á hlutabréfum í stað þess að greiða sér hefðbundinn arð. Í þessu felst því svonefnt „skattalegt hagræði“.

Það væri betra fyrir samfélagið allt ef fyrirtæki notuðu fjármagnið sem fer í endurkaup til að skapa raunveruleg verðmæti, t.d. með tækniþróun og nýsköpun.

Það kæmi sér einnig betur fyrir hagkerfið ef þetta fjármagn væri notað til að hækka laun og auka þannig kaupmátt í samfélaginu.

Sum fyrirtæki hafa tekið lán til að kaupa eigin hlutabréf og veikja þannig rekstrargrundvöll sinn og rýra þannig verðmæti langtíma fjárfesta".

Það er ljóst að þessar aðferðir fyrirtækja eru þess eðlis sð skoða þarf ef ekki á illa að fara á Íslandi því það er engin spurning að jafna verður lífskjörin í landinu.

Í þessum pistli Guðmundar Harðar er ekki verið að fjalla um Vodafone.

STUNDIN.IS

 

Svigrúm til endurkaupa, ekki launahækkana

Nú er vaxandi þungi í umræðunni um þungar byrðar atvinnulífsins. Hver „sérfræðingurinn“ á fætur öðrum stígur fram og ber vitni um að fyrirtækin ráði illa við launahækkanir í komandi kjarasamningum. Framkvæmdastjóri Samtaka iðnaðarins segir lítið sem ekkert til atvinn...

Sýn tapar fjórum milljónum

Á að afnema samningsrétt Ljósmæðra?

• Þessi niðurstaða dómsins er að mörgu leiti sérkennileg.

Þar sem segir m.a.:
,,Í úr­sk­urði gerðardóms var kveðið á um að meta eigi kandí­dats­gráðu ljós­mæðra til jafns við nám hjúkr­un­ar­fræðings með tveggja ára sér­nám" 

Hvað þýðir þetta eiginlega? Fljótt á litið virðist þetta þýða að laun ljósmæðra eigi að vera þau sömu og hjá hjúkrunarfræðingum. 

Er verið tala um krónur eða hlutföll. Þetta er afar óskýr niðurstaða og kallar enn á átök er því er virðist.

Að það verði þá í verkahring hjúkrunarfræðinga að semja um kaup og kjör ljósmæðra. 

þetta þarfnast svo sannarlega skýringa við. Þjóðin á eðlilega rétt á því vita hver laun þessara stétta er og hvernig þær raðast í launaflokka. Þetta eru opinberir starfsmenn.

Það er eins gott að fæðingar hjálp á Íslandi sé ekki með sama hætti, eins þau eru sýnd í framhalds myndaflokki að þau hefðu verið í Lundúnum upp 1960 þegar elstu börnin mín komu í heiminn.

Sjálfboðaliða vinna.

Sex láta uppsögnina standa

Meirihluti á Alþingi er í raun staðfestur gegn orkusölu til Evrópu

• Hverfa­fé­lög Sjálf­stæðis­flokks­ins í Smá­í­búða-, Bú­staða- og Foss­vogs­hverfi og Hlíða- og Holta­hverfi í Reykja­vík­ur ályktaði með eftirfarandi hætti:

„Fund­ur­inn skor­ar ein­dregið á for­ystu Sjálf­stæðis­flokks­ins að hafna þriðja orkupakka Evr­ópu­sam­bands­ins á þeim grunni að hann stang­ast á við ákvæði stjórn­ar­skrár­inn­ar, opn­ar Evr­ópu­sam­band­inu leið til yf­ir­ráða yfir einni helstu auðlind Íslands og hækk­ar verð á raf­orku og af­leiðing­ar til langs tíma eru óviss­ar.“

Einnig var rifjað upp á fund­in­um álykt­un lands­fund­ar Sjálf­stæðis­flokks­ins frá því fyrr á þessu ári þar sem hafnað var því að frek­ara vald yfir ís­lensk­um orku­mál­um yrði fært í hend­ur stofn­un­um Evr­ópu­sam­bands­ins.

Ef  þetta viðhorf sem þessi ályktun lýsir samhljóða viðhorfum flokksins í heild sinni  er ljóst að á Alþingi, er mikill meirihluti gegn því að þjóðin selji raforku gegnum sæstreng til Evrópu.

Þá liggur bara fyrir að Alþingi álykti og samþykki lög sem taka mið af þessum veruleika. Þessi skoðun er auðvitað ekkert ný með þjóðinni sem finnst nóg komið af stórum raforku samningum til erlendra aðila.

Bara til að stöðva alla tilburði Landsvirkjunar sem stöðugt vinnu að slíkri samningsgerð og í raun gegn vilja þjóðarinnar.   

 

Flokkurinn hafni orkupakkanum

Stór fyrirtæki eru svifasein og skila ekki meiri arði

• Hverju hafa sameining sláturhúsa fyrir áratugum skilað til sauðfjárbænda í bættum kjörum?
  *
• Mér skilst einmitt af allri umræðu um að kjör sauðfjárbænda hafi aldrei verið lakari hin síðari ár.

Ef það er rétt, er ljóst að þessar sameiningar voru mistök og hafi nákvæmlega engu skilað til bænda.

Ekki hefur neinn arður af þessari aðgerð skilað sér til almennings.

Í þessari frétt fullyrða tveir gildir bændur að með fyrirhugaðri sameiningu Kjarnafæðis og Norðlenska myndi það hækka afurðaverð til bænda.

Þessir ágætu menn hafa nákvæmlega ekkert fyrir sér í því. Þetta er bara einhver óskhyggja eða ágiskun. Þetta er a.m.k. 60 ára framleiðsluhugmyndir sem eru fyrir löngu úreltar og skila engu til bænda.

Þeir fullyrða að bændur geri sér grein fyrir vanda sláturhús-anna og afurðarstöðvanna. Því séu viðbrögð bænda nú frekar lítil nú.

En það er ekki þar með sagt að bændur séu endilega sáttir við sína stöðu eða haldi að þessi fyrirtæki séu ákaflega vel rekin.

Ég held einmitt að það kraumi undir mikil óánægja með eigin stöðu og að þeir séu í raun í fjötrum fyrirtækjanna sem þeir þurfa að rífa sig frá.

• Það þarf miklu meiri fjölbreytni í landbúnaðinn og bændur sjálfir heima í héraði eru einir færir um að skapa það sem þarf í þeim efnum og getur skilað þeim auknum tekjum
  *
• Markaður á Íslandi fyrir landbúnaðarvörur er nú í sögulegu hámarki. Því ættu kjötframleiðendur að blómstra um þessar mundir.

RUV.IS

 

Telja að samruni afurðastöðva bæti hag bænda

Eitt af helstu markmiðum með fyrirhugaðri sameiningu Kjarnafæðis og Norðlenska er að hækka afurðaverð til bænda, segir stjórnarformaður Norðlenska. Sauðfjárbóndi í Grýtubakkahreppi segir þetta nauðsynlegt skref til hagræðingar, fækka þurfi höndum sem vinna í greininni. Han...

Fjármálaráðherra í póker

• Þetta er auðvitað mikilvæg viðleitni hjá forsætisráðherra.

En spurningin er brennandi um, hvenær allir þessir hagsmuna aðilar fara að ræða um kjarna málsins.

Hvenær þeir hætta að sýna fallegu gljáfægðu sverðin sín.

Ekki hefði ég viljað sitja undir þessum merkingarlausu sveiflum.

Það er ljóst, að á fundunum hefur til þessa farið fram hörð keppni milli hagfræðinga hagsmuna aðila um hver væru með flottustu Power Point glærurnar. Glærur sem þeir hafa sýnt hvor öðrum um áraraðir með smá tilfærslum milli ára.

Mér var sérstaklega starsýnt á hugmyndir um sérstakar reiknivélar fyrir: Tekjuskatt --Barnabætur --Vaxtabætur --Eignaskatt --Fasteignagjöld og Húsnæðisbætur (húsaleigubætur)

En engar hugmyndir um sérstaka reiknivél til að reikna út sérstaklega kaupmátt launa láglaunafólks og lífskjör þeirra sérstaklega með nýrri nálgun sem nauðsynlegt er að ná samningum um.

Það er kjarni málsins í dag og á það benti ég í morgun og spurði um plan VG í málinu. Pókerspil fjármálaráðherrans duga ekki í heiðarlegri umræðu um grundvallarmál. Þar skora auðvitað húsnæðiskjörin býsna hátt. Sem er þó mikilvægt að gert verði ef draga á úr stéttaskiptingu í landinu.

Ég veit auðvitað vel af því að þessi umræða er hreint eitur í huga hagfræðinga og fjármála aflanna í landinu, en er ofarlega í huga vinstri manna. En einnig í huga foringja tveggja stærstu verkalýðsfélaganna í landinu og reyndar miklu fleiri.

Þá fannst mér brandari samtaka atvinnurekenda um framleiðni vinnu launafólks aumkunnarverður. Glæran var á10 síðu glærusafnsins sem atvinnurekendur sýndu á 6. fundi var einstaklega skemmtileg.

Síðan er heitir: „Launakostnaður á framleidda einingu síðastliðin tvö ár“ Þar er gefið í skyn eins og löngum áður hjá samtökum atvinnurekenda að umsamdir launataxtar sé einhver stór breyta er varðar framleiðni.

Þetta er auðvitað alrangt því framleiðni vinnunnar ræðst alfarið af stjórnun framleiðslunnar og hvað er framleitt hverju sinni. Spurningin er jafnan um hvort framleiðslan skili góðum verðum. Síðan er umræðunni um framleiðni fjármagnsins algjörlega sleppt í jöfnunni.

Myndin sýnir augljóslega að launataxtar segja mjög lítið til um framleiðni, því framleiðnin er mest þar sem launin eru hæst. Til að gera umbætur verða atvinnurekendur að horfa í spegil að skoða hvað þeir sjálfir þurfa að gera betur. Sökin liggur algjörlega hjá þeim í þessu máli.

 

Nóg að sinni.

Skólabörn eru greinilega úr plasti að mati sumra.

• Útgerðin gerir út á þorskveiðar, en fjölmargir aðilar gera út á grunnskólabörn til að hafa af þeim tekjur
  *
• Það er ekki verkefni grunnskólanna að vera með barnagæslu fyrir vinnandi fólk eða fyrirtækin í landinu.

Ef t.d. langskólagengið fólk er að eignast börn verður það gera sér grein fyrir þeirri staðreynd, að þau eru lifandi verur sem verður að sinna. Þau eiga ekki að vera fyrir neinum.

Verkefni grunnskólanna og markmið er að þjónusta nemendur sína og veita þeim menntun eftir bestu getu skólanna.

Til viðbótar við skyldur foreldra í þeim efnum.Það eru gerðar miklar kröfur til nemenda og þeirra starfsár eru löng.

Einnig verða bæði foreldrar og jafnvel aðilar sem hafa foreldra í störfum að gera sér grein fyrir þeirri staðreynd, að það eru aðilar sem halda uppi gríðarlegri starfsemi þar sem grunnskólabörn er markhópurinn strax eftir að skóla lýkur hjá grunnskólanemendum á hverjum degi. 

Frítími sem á að vera hvíldartími og frídagar hvíldardagar þeirra eru einnig nýttur til fulls til að þjóna hagsmunum annarra en nemenda.  Þessir markaðsaðilar eru sífellt að maka krókinn.

Þetta eru t.a.m. íþrótta félög og ýmsir aðrir aðilar sem skipuleggja starfsemi sína þannig að kornungir nemendur hafa nánast engan frítíma fyrir sig.

Enginn tími er fyrir næðis stundir hjá nemendum t.d. með foreldrum sínum sem er börnum ákaflega mikilvægt. Þetta hefur  sett heimanám barnanna í algjört uppnám í flestum fjölskyldum.

Þessi daglegi klukkutími sem er áætlaður fyrir heimanám fer í allt annað enda sést það almennt á árangri barna.

Aldrei hefur verið skoðað eða rannsakað hvaða áhrif þetta ofurálag hefur á námsárangur nemenda á öllum aldri eða jafnvel hver uppeldisáhrifin eru.  Almennt verður bara að segja, að meira verður ekki lagt á þetta fólk.

Grunnskólanemendur eru ekki gerðir úr plasti og öll eins, innst sem yst. Þeir eru lifandi verur sem eiga að fá að undirbúa sig undir lífið með eðlilegum hætti.

Til er lög frá 1980 um vinnu barna og ungmenna. Engin lög eru til um hversu mikið má leggja á börn umfram eðlilega skólagöngu t.d. í íþróttaiðkun.

En það er ljóst, að það má örugglega ná betri árangri  hjá börnum í grunnskólum landsins ef allt heimanám yrði fært inn í skólanna og heimanámstíminn yrði nýttur þar og færi fram í umsjón kennara.  

 

Fjöldi kennslutíma á pari við OECD-ríkin

Að ulla, er gamall íslenskur og áhrifaríkur siður

• Árunum eftir seinni heimstyrjöldinar þegar ég var að alast upp í Þingholtunum og erlendir dátar voru enn algengir í miðbænum
  *
• Var ull algengt á þeim slóðum og notað eftir að lengi hefur verið reynt að ræða við einhvern aðila sem var að frekjast og sýna óhæfilegt hátterni
  *
• Eftir að reynt hefur þá verið sýna viðkomandi aðila á málefnalegan hátt að hann hagaði sér ekki vel, en hann skyldi alls ekki það sem sagt var af mikilli þolinmæði
  *
• Þá var það gjarnan síðasta úrræðið að ulla bara framan í hann og sá vitgranni var þá fljótur að skilja hlutina. En það var fágætt að hinn vitrýri klagi nema að hann væri nautheimskur
  *
• Almennt skildi kjánaprikið hann hafði látið kjánalega, orðið sér til skammar og forðaði sér
  *
• Algengt er að stúlkur notuðu þetta á ódæla aðila og ungar konur þegar aðrar leiðir voru ófærar.

Kerfið hefur verið að klikka