Þetta er því miður röng staðhæfing- kolvetni er alltaf vondi kallinn

• Það er staðreynd, að á Íslandi hafði fólk lítinn aðgang að kolvetni áður fyrr og það litla sem var í boði var rándýrt.Þannig að kolefnaríkt fæði var ekki almennt fæði almennings.

Fólk tók orku úr fituríkum mat og líkamar manna á norðurhluta heimsins hefur þróast við slíkar neyslu-venjur.

Það er staðreynd að meirihluti íslendinga þolir ekki neyslu kolefnaríks fæðis. Slíku fæði fylgja flestir lífstílssjúkdóma samtímans.  Hvítur sykur er í raun jafn óhollur og eiturlyf.

Það er einnig gríðarlegur sykur í ávöxtum og ávaxtasafar eru afar sykurríkir og þar með óhollir þess vegna. Breytir þá engu þótt í flestum ávöxtum séu mörg hollustuefni. Í einu glasi af appelsínusafa er kanski sykur úr 5 til 6 appelsínum. Það er lítill munur á sykri í þessum söfum og í sykruðum gosdrykkjum.

Allt neðanjarðar grænmeti er stútfullt af kolvetni en það sem vex ofanjarðar bráðhollt og má neyta að vild.  Fjöldi fólks hefur breytt um lífstíl og dregur verulega úr kolvetnis neyslu og tekur orku úr kjöti og feitum fiski, notar ríflegt að smjöri og eggjum  að vönduðum olíum. 

Margir borða sig pakk sadda alla daga og mikið af fitu og eru aldrei svangir. Reyna að halda sig innan við 20gr af kolvetni á dag og léttast um eitt til tvö kíló á mánuði. Einkenni fjölmargra sjúkdóma hverfa sem dögg í sólu.  Mjólk er ekkert bönnuð en í mjólkurvörum er 4,5% sykur.

Það breytir litlu hvort brauðið er bakað úr hvítu hveiti eða grófu, kolefnisinni-haldið er hið sama.  Hið grófa er bara seinmeldaðra.  Þá er bjórinn bara fljótandi brauð en í lagi er með þurrt rauðvín eða hvítvín og hrein vín.

En kolvetnis framleiðendur  bæði þeir sem framleiða brauð, kökur kex í öllu formi ásamt auðvitað mjölframleiðendum eru öflugir í áróðrinum og hafa mikil áhrif.  Það er auðvitað alveg lágmark að í svona skrifum um hollustufæði sé farið með rétt mál. En ekki bara eitthvað étið upp eftir einhverjum aðila sem þiggur styrki frá kolvetnisframleiðendum.  

Hvernig væri að blaðið tæki til skoðunar ritið „Fæðubyltingin“ eftir Andreas Eenfeld.  Bókin er seld í íslenskri þýðingu Valdimars Jörgensen.  Slík vönduð umfjöllun gæti gert mörgum einstaklingum mikið gagn og gæti komið mörgum úr örorku til þátttöku í atvinnulífinu.

Margar vörur eru seldar sem hollustuvörur en eru það alls ekki ekki. Mjög stór hluti íslendinga þolir ekki margar af þessum hollustuvörum og fitna af þeim og fá sykursýki-2 og of háan blóðþrýsting og jafnvel hjartaáfall. Þessir sjúkdómar og margir aðrir eru fastir fylkifiskar kolvetnis.

Kolvetni ekki alltaf vondi karlinn

Skattaflokkur Íslands næst verða það sérstakir vegatollar.

• Sjálfstæðisflokkurinn er Skattaflokkur Íslands
  *
• Það hafa þeir sýnt í verki með rúmlega 50 skattahækkunum undanfarin ár.
  *
• Í 8 mánuði var það helsta baráttumál Jóns Gunnarssonar ráðherra að setja upp tollskýli allt í kringum Reykjavík
  * 
• Hann vildi láta Reykvíkinga borga vegatolla. Rétt eins og var í herveldi Rómverja til forna um allar trissur. M.ö.o. að skattleggja almenning enn frekar.
  *
• Bíleigendur greiða þegar þungaskatt tvisvar á ári sem eiga að fara í vegaframkvæmdir. 

Ekki lengur spurt um Sjálfstæðisflokkinn

Allar viðurkenndar skýrslur sýna að Sjálfstæðisflokkur hefur hækkað skatta á launafólki

• Línurit og pistill Stefán Ólafssonar um skattbirði launafólk sýnir aukna skattbirði á launafólki á valdatíma Sjálfstæðisflokksins
  *
• Sífelldur áróður Sjálfstæðisflokksins um annað eru bara hrein ósannindi. Davíð Oddsson rauf svonefnda þjóðarsátt um leið og hann kom í forsætisráðuneytið
  *
• Þeirri línu hefur flokkurinn fylgt síðan, einn helsti viðburðurinn á Íslandi hin síðari ár sem Sjálfstæðisflokkurin ber ábyrgð á, Hrunið. Jók skattbirði launafólks fyrst og fremst
  *  
• fjárfestum og stór fjármagns eigendum var hlíft. Þeir fengu tækifæri til að þurrausa bankanna og fara með peninga úr landi.

Skattbyrði tekjuhópa frá 1992 til 2015

Menn hafa rætt nokkuð um skattbyrði undanfarið. Ekki er allt rétt sem sagt er um það mál.

• Hægri menn kenna vinstri flokkum um miklar hækkanir á skattbyrði almennings og segjast sjálfir standa fyrir skattalækkanir. Það er vægast sagt villandi, eins og sýnt verður hér að neðan.

Vinstri menn segjast vilja auka útgjöld hins opinbera til góðra og brýnna málefna og lofa að hlífa lægri og milli hópum við aukinni skattbyrði. Er það raunhæft? 

Svona þróaðist skattbyrðin

Myndin hér að neðan sýnir hvernig skattbyrði tekjuhópa þróaðist frá 1992 til 2015. Við erum með 3 tekjuhópa: lágtekjufólk (lægstu tíu prósent framteljenda), miðtekjufólk og hátekjufólk (tekjuhæstu tíu prósentin).
(stækkið myndina með því að pikka í hana með bendlinum)

Gögnin koma frá Ríkisskattstjóra og sýna greidda beina skatta eftir álagningu, að teknu tilliti til allra löglegra frádráttarliða (persónuafsláttar, barnabóta, vaxtabóta, iðgjalda í lífeyrissjóði o.fl.).

• Hér má sjá að skattbyrði lágtekjufólks jókst mikið frá um 1995 til 2004, hélst svo svipuð til hruns.

Í tíð Jóhönnu og Steingríms lækkaði hún í fyrstu en hækkaði svo lítillega aftur eftir að kaup tók að hækka frá og með 2011, án þess að persónuafslátturinn (skattleysismörkin) hækkaði nógu mikið samhliða. Síðan hækkaði skattbyrði lágtekjufólks meira frá 2014 til 2015.

Svipað mynstur er á hækkun skattbyrðinnar hjá miðtekjuhópnum. Nema hvað umfang hækkaðrar skattbyrði þeirra var ekki jafn mikið og hjá lágtekjufólkinu.

• Mesta breytingin varð þó hjá hátekjufólki. Þar lækkaði skattbyrðin stórlega frá 1995 og alveg til 2007. Hátekjufólk greiddi að meðaltali um 33% af heildartekjum sínum í beina skatta árið 1995 en hafði lækkað í um 17% árið 2007.

Eftir hrun hækkaði skattbyrði hæstu tíu prósentanna aftur, bæði vegna minnkandi fjármagnstekna (sem nutu lægri skattbyrðar en atvinnu- og lífeyristekjur) og vegna aukina álagningar á hærri tekjur og miklar eignir (endurupptaka hátekjuskatts og nýi auðlegðarskatturinn).

• Skattbyrðin hjá hátekjufólkinu fór í fyrstu aðeins upp fyrir það sem hæst hafði verið um 1995 en lækkaði svo frá 2013 til 2015. 

Hverjir hækkuðu og hverjir lækkuðu skattbyrðina?

• Myndin sýnir glögglega að skattbyrði lágtekju- og miðtekjufólks hækkaði einkum í stjórnartíð Sjálfstæðisflokks og Framsóknar (2005-2007 og 2013-2016) , en lækkaði aðeins í tíð vinstri stjórnar Jóhönnu og Steingríms (2009-2013).

Samt fóru hægri menn, Samtök atvinnulífsins (SA) og Viðskiptaráð offari í gagnrýni á vinstri stjórnina og sögðu hana hafa hækkað skattbyrði “almennings” meira en hundrað sinnum!

Vissulega hafa þessir aðilar fundið fyrir skattahækkunum frá 2009 til 2013, enda hækkaði skattbyrði hátekju- og stóreignafólks umtalsvert þá, sem og skattbyrði fyrirtækja.

En skattbyrði millitekju- og lágtekjuhópa lækkaði á þeim tíma.

Kanski vinstri menn geti endurtekið þennan leik ef þeir komast í stjórn eftir næstu kosningar?

Það ætti raunar að vera auðvelt að framkvæma mikið af góðum málum þá, meðal annars með losun eiginfjár ríkisbankanna og hóflegri aukningu skatta á auðlindarentu, erlenda ferðamenn og allra hæstu tekjur og eignir.

Það eru sem sagt Sjálfstæðismenn sem eru mesta skattaógnin fyrir lágtekju- og miðtekjufólk, allan þorra almennings.

Tekjuskattslækkanir Sjálfstæðisflokksins virðast eingöngu hafa verið fyrir hátekjufólk.

Skattbyrði millistéttar lækkað verulega

Enn harðnar kosningabaráttan á milli alþýðunnar og valdaelítunnar.

• Allir sótraftar taka þátt í baráttunni um völdin, á öllum vígvöllum 

Kosningaáróður ritstjóra hægri pressunar er alþekktur og nú gerist Kristín Þorsteinsdóttir ritstjóri Fréttablaðsins sig seka um að mismuna flokkum og framboðum í ritstjórnargrein sinni. Rétt eins og hún er vön.

Það er samt eitt og annað rétt eins og fullyrðing ýmissa frambjóðenda um að afnám verðtryggingar á lánum muni lækka vexti og lánakostnað. Á meðan það ríkir algjört vaxtafrelsi í viðskiptalífinu og í bönkum munu vextir alltaf endurspegla þá verðbólgu sem er í samfélaginu á hverjum tíma jafnvel ríflega það, þar sem bankasamkeppni er nær engin.

Ýmiskonar kostnaðar reikningar hafa snarhækkað undanfarin ár og fara vaxandi þrátt fyrir ýmiskonar lækkandi rekstrar kosnað í bönkum samfara lakari þjónustu.

Það sama á við um ef Ísland gerðist formlegur aðili að ESB á öllum sviðum myndi það ekki eitt og sér ekki lækka vexti sjálfkrafa á Íslandi. Slíkar fullyrðingar eru bara hreint bull.

Vextir eru auðvitað misjafnir í löndum ESB vegna vaxta frelsins bankanna. Erlendir bankar frá t.d. ESB geta haft útibú á Íslandi en eru áhugalausir um slíkt. Þrátt fyrir almennt hátt vaxtastig á Íslandi.

Jafnvel patent-lausnir Sigmundar Davíðs eru tómt bull í þessum efnum. Því almenn bankastarfsemi á Íslandi fer þegar að mestu fram í netbönkum og það virðist engu breyta um vaxtastigið.

Væntanlega hefur þetta eitthvað með samkeppnisleysi að gera og lítinn veltuhraða í út og innlána starfsemi að gera í bönkum miðað við það sem gerist í mjög stórum bönkum.

Síðan hjólar ritstjórinn í hugmyndir VG vegna baráttu vinstri flokksins um styrkingu innviða og segir hugmyndir um hátekju- og auðlegðarskatta dugi ekki til vegna kostnaðar.

Nákvæmlega það sama og VG hefur raunar sagt en er samt auðvitað krafa um réttlætismál um jöfnun á skattbirði fólks milli hópa. En alvarlegt skattamisrétti ríkir á Íslandi. En VG leggur raunhæfar lausnir í því að ná markmiðunum um skipulags-breytingar í skattamálum og um hvernig má finna árlegt fjármagn til að kosta eðlilega samneyslu án sérstaka skattaálaga á almenning.

• En Kristín spyr auðvitað ekkert um hvernig Sjálfstæðisflokkur ætlar sér að fjármagna stöðuga styrki til útgerðarinnar með niðurfellingu á fiskveiðigjöldum
  *
• Eða gefur hún sér það, að það sé bara eðlilegt að launafólk í landinu geri það áfram.

Endalaust gerir Kristín kröfur um það í leiðurum blaðsins að skattar og álög á dagblöð verði felldir niður og að ríkissjóður styrki blaðaútgáfuna í landinu. Væntanlega á launafólk að greiða það með auknum sköttum.

Krefst styrkja til aðila sem gera sig stöðugt seka um að standa með gamla valdaflokknum í landinu sem er Sjálfstæðisflokkurinn.

Ryk í augu kjósenda - Vísir

Því miður eru allt of fáir íslenskir stjórnmálamenn sem hugsa hlutina til enda. Í þessum efnum virðast menn endurtaka vitleysuna hver eftir öðrum án þess um að kynna sér málið til hlítar.

WWW.VISIR.IS

 

Vinstri grænir lækka flugið