Þetta hefur auðvitað verið ávísun á mikla spillingu í landinu sem fjölmargir þekkja sögur um. Auk þess sem fulltrúar atvinnurekendasamtakanna eiga aðild öllum lífeyrissjóðum landsins á almennum vinnumarkaði og virkan aðgang að fjármálakerfinu.
Í gegnum áratugina hefur fólk í verkalýðshreyfingunni og félagar í vinstri flokkunum gagnrýnt þetta ófremdarástand. Allt kom þetta berlega í ljós nokkrum misserum fyrir hrun og síðan í hruninu, síðan hvernig lífeyrissjóðirnir jusu fé í einkareksturinn fyrir og eftir hrunið.
Allar reglur um þessi mál á Íslandi hafa verið skötulíki rétt eins og á mörgum öðrum sviðum atvinnulífsins. Einnig hvernig virkir aðilar í atvinnurekstri og í fjárfestingum tengjast ráðherrum og þingmönnum Sjálfstæðisflokksins einkum.
Nú loksins ,,Hefur forsætisráðuneytið birt áform um lagasetningu þess efnis í samráðsgátt stjórnvalda sem byggð eru á tillögum starfshópsins.
Ráðuneytið hyggst meðal annars gera öllum aðilum sem sinna hagsmunavörslu – þeim sem hafa það að aðalstarfi að tala máli einkaaðila, eins eða fleiri, gagnvart handhöfum ríkisvalds – skylt að tilkynna sig til stjórnvalda svo unnt sé að birta opinberlega skrá yfir þá.
Þar á meðal eru almannatenglar og lögmenn sem koma fram fyrir hönd tiltekinna aðila. Og auðvitað þeir sem starfa beint fyrir hagsmunasamtök.
Þá gerir ráðuneytið ráð fyrir að skráin verði birt í B-deild Stjórnartíðinda og á vef Stjórnarráðs Íslands. Jafnframt segir ráðuneytið skoða þurfi hvort og þá hvaða viðurlög eigi að vera við því að vanrækja tilkynningarskylduna.
Enn fremur er fyrirhugað að mælt verði fyrir því í lagafrumvarpinu að ráðherrar, aðstoðarmenn, ráðuneytisstjórar, skrifstofustjórar og sendiherrar geti ekki í tiltekinn tíma eftir að opinberu starfi lýkur gegnt starfi fyrir skráða hagsmunaverði.
Gert er ráð fyrir þeirri meginreglu að framangreindir aðilar þurfi að bíða í átta mánuði frá starfslokum en þó með undantekningum“. (Kjarninn)
Samtök atvinnurekenda berjast á móti hugmyndum forsætisráðherra af fullum þunga. Því ef jafnræði verður komið á og að upplýst verði um öll tengsl er líklegt að dragi úr spillingu í landinu og óeðlilegum áhrifum eins hagsmuna aðila.
Það er mikilvægt að launafólk geri sér fyrir því, að i kjarasamningum er tekist á um hversu hátt hlutfall af því stendur eftir í rekstri fyrirtækjanna þegar viðurkenndir kostnaðarliðir hafa verið greiddir fari í launakostnað.
Hér er fullyrt að þar sem hlutfall af launakostnaði skuli greiðast sem félagsgjöld fyrirtækjanna til samtaka atvinnurekenda. Er það í raun allt starfsfólk sem greiðir félagsgjöld fyrirtækjanna en ekki eigendur þeirra.
En hið eðlilega væri, að eigendur fyrirtækjanna væru sjálfir félagar í þessum samtökum greiddu sín félagsgjöld sjálfir en ekki fyrirtækin. Þessi félagsgjöld þeirra er óeðlilegur rekstrarkostnaður.
RSS
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.