Allir eru ábyrgir fyrir skólakerfinu, ekki bara sumir

• Nú er kominn fram enn ein skýrslan um stöðu nemenda í íslenskum grunnskólum
  *
• Nú er það samnorræn skýrsla sem væntanlega notar sömu viðmið og „písa“
  *
• Nú stíga menn fram með ýmis gífuryrði.En íslenskir nemendur eru ekki nema í meðaltali í getu samkvæmt þeim mælikvörðum sem notaðir eru.

Ekki ætla ég mér að fara í vörn fyrir þá stöðu sem ljós er, en ég veit ekki hvort um raunverulega afturför er að ræða ef tekið er viðmið frá því um 1970 þegar allir voru sagðir læsir.

Hvað er að vera læs? Mælikvarðinn um það er örugglega gjörbreyttur og hefur breyst á örstuttum tíma.

En grunnskólar á Íslandi eru líklega með öðru og fjölbreyttara inntaki er gerist og gengur hjá hjá viðmiðunarþjóðunum og alltaf er verið að troða nýjum og nýjum viðfangsefnum inn í skólanna sem kemur niður á kennslu í eldri námsgreinum.

Skólinn hefur að stórum hluta tekið við uppeldishlutverki heimilanna, lífsbaráttan á Íslandi er sérkennileg og erfið ef miðað er við Norðurlöndin.

Vinnutíminn er langur hjá foreldrum og aðstoð foreldra við heimanám nemenda er víða mjög takmörkuð. Spurningin er hvort ekki eigi ekki leggja það niður.

Þetta með kostnaðinn við skólahaldið er einnig órannsakað, en ýmsir halda því fram að íslenski grunnskólinn sé dýrari en annarstaðar. Þá er vaknar auðvitað spurningin um hvað er reiknað inn í slíkan rekstrarkostnað í mismunandi löndum.

En held samt að það sé ekki fjármagnið sem veldur þarna mestu um. Það eru auðvitað fjölbreyttar ástæður fyrir þessu. Það er nauðsynlegt að rannsaka það og gera síðan úrbætur. En ekki verður skipt um tungumál.  

Hvað sem öðru líður, á getuleysi atvinnufyrirtækjanna á Íslandi ekki minnsta sök á þessu ástandi. Samtök og eigendur fyrirtækjanna þurfa svo sannarlega að líta í eigin barm vegna þessa máls.

Maðurinn er algjörlega úti að aka.

• Sérkennilegt mál í alla staði því svo virðist sem þessi ágæti þingmaður hafi bæði bíladellu og kunni að fara í kringum reglurnar um aksturs styrki Alþingis.

Þá er alkunna að Ásmundur Friðriksson heldur úti sjónvarpsþætti þar sem hann tekur viðtöl við ýmist rétttrúað fólk í kjördæmi hans. Ekki er ólíklegt að sjónvarpsþættir hans kalli á allnokkurn akstur um kjördæmið.

,,Félagi sem ég treysti vel fyrir útreikningum enda vel að sér í margföldunartöflunni og í þríliðu, reiknaði út að Ásmundur hafi ekið sem svarar til þriggja hringja umhverfis landið í hverjum mánuði árið um kring og setið undir stýri í sem nemur þriggja og hálfsmánaðar vinnu".

Ætli kallinn hafi mátt vera að því að sinna löggjafarsamkomunni? Hann hefur væntanlega ekið um landið uppstrílaður.

Síðan kemur siðleysið fram hjá Páli ríkisstarfsmanni:

„Góða fólkið er bók­staf­lega að ær­ast af vand­læt­ingu yfir því hvað Ásmund­ur Friðriks­son er dug­leg­ur að sinna sínu gríðar­stóra kjör­dæmi, sem er 700 kíló­metr­ar end­anna á milli og ámóta víðfemt og Dan­mörk,“ skrifaði Páll á síðu sína í gær­kvöldi".

Er nema von að illa gangi hjá Sjálfstæðismönnum að stjórna landinu ef þeir geta ekki skipulagt vinnu sína betur með kjósendum í kjördæmum sínum.

Þessir þingmenn flokksins geta örugglega haft með sér samstarf og eðlilegt skipulag þegar þeir heimsækja flokksfélaga sína og kjósendur sem gefa sig upp sem slíkir.

Greinilegt er, að fara verður yfir þessi aksturkostnaðarmál.

Það er auðvitað óeðlilegt að þingmönnum sé selt sjálfdæmi um að nota með þessum hætti skattfé launafólks ótæpilega. Það þekkist hvergi í samskiptum launafólks (sem þingmenn eru) við atvinnurekendur. Að launafólk geti farið svo frjálslega með fjármuni fyrirtækja og stofnana.

Er þingmaðurinn Ásmundur að varpa prófkjörskostnaði sínum á skattgreiðendur? Sú spurning vaknar eðlilega og er réttlætanleg. Almennan aksturskosnað þingmanna er nauðsynlegt að skoða nánar.

Þetta er farið að minna rækilega á brennivínsmálið hjá einum hæstaréttardómara um árið. Þar sem misnotkun átti sér stað samkvæmt dómi réttarins sem málið fór fyrir.

„Hef ekki fengið eina einustu athugasemd“

Ásmundur Friðriksson, þingmaður Sjálfstæðisflokksins í Suðurkjördæmi, fékk mestan aksturkostnað endurgreiddan frá Alþingi í fyrra eða rúmar 4,6 milljónir. Það gera um 385 þúsund krónur að meðaltali á mánuði. Ásmundur segist fara hundrað prósent eftir…

RUV.IS

 

„Góða fólkið er bókstaflega að ærast“

Eru svo nefnd frjáls viðskipti öll á hendi þrælahaldara af einhverju tagi?

• Bandarískir og Evrópskir þrælahaldarar halda fólki í ánauð víða um heiminn og þeir sem stunda slíka eða styðja slíka kúgun með því að eiga viðskipti við slík fyrirtæki taka þátt í kúguninni
  *
• Ég er ekki alveg saklaus af því að eiga viðskipti við slíka aðila. Maður veit nánast aldrei hvenær við hvern er verslað þegar vörur eru keyptar..

Vísir að svona óþverra viðgengst á Íslandi, íslendingar flykkjast í verslanir sem þessir auðhringar selja vörur sínar víðsvegar á Íslandi og erlendis sem eru framleiddar ánauðugu fólki.

Til Íslands er fluttur fjöldi fólks árlega sem starfar í landinu á mjög lágum launum, engin veit í raun hver lítil laun þessa fólks er í raun og hvort hluti launana er tekin til baka erlendis af starfsmannaleigunum. Vegna æ veikari stöðu verkalýðs-hreyfingar á Íslandi fær þessi starfsemi þrifist í landinu.

Og það er einnig áberandi að sömu aðilar, menn og fyrirtæki vilja leggja niður verkalýðsfélög. Gjarnan með þeim rökum að starfsmönnum vegnaði betur í samningum við fyrirtækin án aðkomu verkalýðsfélaga. Fyrirbærið markaðslaun á Íslandi er angi af þessari niðurbrotsstarfsemi fyrirtækjanna og íslensk verka-lýðsfélög taka þátt í ósómanum.

Það nokkuð ljóst hver kjör verkafólks eru þar sem verkalýðsfélög starfa af krafti og semja um raunveruleg lífskjör fólks. En semja ekki um einhverja gerfi launa-taxta. Og hver staða einstaklingsins er þar sem hann þarf að taka því sem fyrirtækið ákveður einhliða eða svelta ella. Þar sem fyrirtækjunum er veitt frelsi til að ákvarða laun og kjör fólks upp á eigið sjálfdæmi.

Um þetta eiga íslendingar auðvitað að hugsa þegar þeir eru að versla. Þessi starfsemi er nánast búið að berja niður alla íslenska iðnaðarframleiðsu. Það niðurbrot hófst strax með inngöngu Íslands í EFTA og hélt áfram með EES aðildinni. Íslendingar hafa skuldbundið sig til að hlýta yfirþjóðlegu valdi á flestum sviðum viðskipta. Fjölþjóðafyrirtækin stjórna hvers konar löggjöf í landinu er hefur áhrif á viðskipta stöðu þeirra á Íslandi.

Íslenskir ráðamenn hafa gengið erinda þessara aðila og þjónustað þessa fjölþjóðlegu hagsmuni stórfyrirtækjanna, ekki bara með því að láta í té orku á gjafverði sem er eitt megineinkenni slíkrar kúgunar, þar auðhringar fénýta erfðarauðæfi þjóðanna. Einnig með alskyns fríverslunarsamningum sem margfalda hagnað auðhringa frá ofangreindum ríkjum.

Nú er ekki bara íslenskur fatnaður af öllu tagi framleiddur af fólki í ánauð, einnig húsgögn og heimilistæki. Þá eru íslenskar bækur er íslenskir höfundar hafa skrifað einnig framleiddar af ánauðugu fólki. Nú ætla íslensk stjórnvöld að hygla þeirri starfsemi alveg sérstaklega.

• Eru það þrælar sem framleiða þau föt sem við göngum í, húsgögn og heimilistækin okkar og íslensku bækurnar?
  *
• Er ásættanlegt að fólk fái um það bil eina evru á dag er geti þess vegna verið 14 tíma hver vinnudagur, sex daga vinnuvika og engin hlunnindi sem íslendingum finnst eðlilegt að hafa. Vinnuumhverfismál í ólagi og vinnuslys mjög tíð. Launafólk í þessum heimi er algjörlega ótryggt.
  *
• Veikindalaun, orlof, fæðingarorlof, uppsagnarfrest, matar og kaffitíma, eftirlaun, t.d. atvinnuleysisbætur, eðlilegan aðbúnað á vinnustað og samnings og verkfallsrétt. 
  *
• Allt hlutir sem hafa komið út úr kjarasamningum íslenskra verkalýðsfélaga undanfarna áratugi.

Sauma fyrir H&M með 128 kr. á dag

Þær fá um 10 sænskar krónur á dag eða um 128 íslenskar krónur fyrir að sauma föt fyrir stórar verslunarkeðjur á borð við H&M. Þær fá enga veikindadaga greidda og ekkert orlof. Saumakonur í Eþíópíu eru óánægðar með þau kjör sem þeim er boðið.

MBL.IS

 

Sauma fyrir H&M með 128 kr. á dag

Hið gamla íslenska siðferði allsráðandi

• Þarna er greinilega hið gamla siðleysi allsráðandi
  *
• Forráðmönnum fyrirtækja finnst eðllegt að þeir hlaði gjöfum og ýmsum velgjörningi upp á kjörna fulltrúa í sveitarstjórnum.

En ,,æ á sér gjöf til gjalda" Þessum aðilum finnst það eðlilegt að þeir geti gert kjörna fulltrúa hlynnta sér með óeðlilegum áróðri.

Þetta er auðvitað bara ein birtingamyndin á því hvernig spillingin er með mörgum hjá þjóðinni.

Getur verið að bæði þingmenn og jafnvel ráðherrar séu í hópi þeirra sem þegið hafa svona boð vina sinna.

• Ætlar Samherji kanski að kaupa aðflugstækin?

Harma „pólitískt moldviðri” vegna boðsferðar

Nokkur fyrirtæki og einstaklingar á Norðurlandi segjast harma að búið sé til pólitískt moldviðri á hendur þeim oddvitum á Akureyri sem þáðu boð Samherja í utanlandsferð til Þýskalands. Lýst er yfir undrun vegna þeirra ásakana sem komið hafa fram á hendur…

RUV.IS

 

Umræða um boðsferð „pólitískt moldviðri“

Óboðlegur málflutningur

• Ég get ekki að því gert að mér finnst
  *
• þessi málflutningur ráðherrans vera ansi ótrúverðulegur.

,,Sig­ríður Á. And­er­sen dóms­málaráðherra seg­ir að sér hafi orðið það ljóst eft­ir að hún bar til­lög­ur hæfnis­nefnd­ar um skip­an dóm­ara í Lands­rétt und­ir for­menn allra flokka á þingi á síðasta ári að list­inn yrði aldrei samþykkt­ur. Henni hafi í raun verið gert það ljóst í sam­töl­um við for­menn­ina".

Það er ljóst að flokkur hennar Sjálfstæðisflokkurinn hefur í áratugi reynt að tryggja það að dómarar og sýslumenn landsins séu í nánu vistabandi við flokkinn.

Það er mjög ólíklegt að þessi orð hennar geti staðist. Því þá er hún að segja að forystumenn allra flokka í Alþingi hafi metið dómaraefnin eftir flokkslegum línum. Það gengur bara ekki upp.

Hitt er örugglega rétt, að það voru flokksfélagar hennar sem gátu ekki sætt sig við tillögur hæfnisnefndarinnar. Í tillögu hæfnisnefndarinnar voru aðilar sem flokkurinn gat ekki sætt sig við af pólitískum ástæðum.

Hitt er auðvitað rétt, að með því að bera sína tillögu undir Alþingi til samþykktar eða synjunnar var afgreiðsla málsins kominn á ábyrgð Alþingis sem er æðsta vald þjóðarinnar.

En meðferð málsins í höndum hennar og flokksins fer algjörlega eftir vindi hverju sinni.

Það er löngu ljóst að tími Sigríðar Andersen sem dómsmálaráðherra er liðinn.

Það logar allt innanbúðar í VG stafnanna í milli vegna vinnubragða þessa ráðherra og þar með í ríkisstjórninni.

Í þessu máli eins og oft áður hefur komið í ljós að þeir stjórnarhættir sem hafa ríkt frá upphafi lýðveldisins ganga ekki upp.

Á Íslandi er ekki fjölskipað stjórnvald eins og í siðuðum löndum, en á Íslandi þar sem einveldi hvers flokks ríkir í þeim málaflokkum sem þeir fara með í ríkisstjórnum.

Samstarfsflokkurinn ræður hverjir eru ráðherrar yfir hverjum málaflokki fyrir sig sem þeir fara með og þeirri pólitískri línu sem þar fylgt. Svo lengi að ekki sé farið á skjön við málefnasamning ríkisstjórnar hverju sinni.

Þannig að Katrín hefur nákvæmlega ekkert vald yfir skipan Sjálfstæðisflokksins í ráðherrasæti.

Stjórnlagaráðið lagði ekki til að þessari skipan yrði breytt með nýrri stjórnarskrá. Katrín sagði í haust að hún væri eindregið fylgjandi því að á Íslandi væri fjölskipað stjórnvald.

Bútur úr gömlu pistli eftir Þórunni Sveinbjarnardóttur fyrrum umhverfisráðherra sem lýsir þessu nokkuð vel:
,,Það er að Ríkisstjórn Íslands tekur ekki sameiginlegar ákvarðanir. Hún er ekki fjölskipað stjórnvald, eins og það heitir á lagamáli. Ég er ekki frá því að þessi staðreynd sé eitt best geymda leyndarmál íslenskrar stjórnskipunar. Þetta þýðir að hver ráðherra ber sín mál – oftast án undanfarandi kynningar – inná fund ríkisstjórnar og fær þau samþykkt umorðalaust." Þórunn Sveinbjarnardóttir. (Pressan, 11. 12. 2009)

Alger viðsnúningur í málflutningi Sigríðar Andersen

Sigríður Andersen dómsmálaráðherra lagði áherslu á það á opnum fundi stjórnskipunar- og eftirlitsnefndar í morgun að það væri Alþingi sem hefði farið með ákvörðunarvaldið og skipunarvaldið þegar skipaðir voru dómarar við Landsrétt.…

STUNDIN.IS

 

Var tilneydd til að gera breytingar

Talsmaður einkaframtaksins vill að ríkið styrki einkafyrirtækin

• Á Alþingi steig fram í gær helsti talsmaður einkaframtaksins þar á bæ.
  *
• Kvartaði hann sáran undan því að einkaframtakinu gengi illa að reka sína fjölmiðla.
  *
• Það á væntanlega við um pólitíska fjölmiðla sem aðra sem gera út á skemmtidagskrár og afþreyingu ýmiskonar.

Hann biðlaði um aukna ríkisstyrki til handa þessum fyrirtækjum. Er þýðir á mannamáli að almenningur borgaði hærri skatta til að halda úti einkrekstri á sviði fjölmiðlunar. Kallaði Óli Björn Kárason RÚV fílinn í stofunni.  

Ég man vel umræðuna þegar fjölmargir börðust fyrir afnámi einkaréttar RÚV á Útvarps- og sjónvarpsrekstri. Þessir baráttumenn töldu að ekki yrði erfitt að reka slíka fjölmiðla við hlið RÚV. Þeir sem stigu skrefið með því að opna sjónvarpsstöð vissu nákvæmlega að hverju þeir gengu.

Staðan hefur ekki breyst einkastöðvunum í óhag. Það er miklu nærtækara að benda á offjárfestingar sumra þessara aðila sem eru yfirgengilegar er síðan eiga í erfðileikum vegna skulda.

Mönnum hefur ætíð verið ljóst að RÚV yrði starfrækt áfram og það eitt takmarkaði möguleika annarra aðila í slíkum rekstri. Lang flestir þessir fjölmiðlar hafa í gegnum tíðina gerst boðberar pólitískra viðhorfa eigenda þessara fyrirtækja. Um leið hefur komið í ljós hversu ómissandi RÚV er fyrir almenning í landinu til að tryggja hlutlausan fréttaflutning.

Ef möguleikar RÚV til að selja auglýsinga er skertur verður það teljast vera beinn ríkisstuðningur við þessi einkafyrirtæki.  

En ábending Elínar Helgu Svein­björns­dótt­ur, formanns Sam­bands ís­lenskra aug­lýs­inga­stofa (SÍA), seg­ir það vera slæmt fyr­ir aug­lý­send­ur og aug­lýs­inga­stof­ur ef RÚV fari af aug­lýs­inga­markaði.

„Við mun­um ekki koma til með að ná til hluta þjóðar­inn­ar. Aug­lýs­ing­ar eru upp­lýs­ing­ar og við mun­um ekki koma þeim til alls al­menn­ings,“ seg­ir Elín Helga og tel­ur jafn­framt að það fjár­magn sem farið hafi til RÚV muni ekki sjálf­krafa fær­ast yfir á aðra fjöl­miðla þó RÚV fari af markaðnum.

„Ef við næðum í all­an þenn­an áhorf­enda­hóp á öðrum fjöl­miðlum þá vær­um við þar. Við vilj­um ná til sem flestra fyr­ir sem minnst­an pen­ing. Ef RÚV verður tekið úr kök­unni þá þarf að leita nýrra leiða eða taka þenn­an pen­ing í annað,“ seg­ir Elín Helga, sem tel­ur meiri ógn stafa af er­lend­um efn­isveit­um á borð við Net­flix, Face­book og Google held­ur en af RÚV“. 

Í þessu ljósi væri e.t.v. besta leiðin til að styrkja einkastöðvarnar, að RÚV hækkaði mjög verulega verðin á auglýsingum sem eiga að heyrast í útvarpi og sjást í sjónvarpinu. Það er aðferð hagfræðinnar.

Síðan yrði auðvitað að skoða stöðu fjölmiðla og bæta almennt, en gæta verður þess að ekki verði gert upp á milli aðila.

Satt er það, að árinni kennir illur ræðari.

• Hrein ósannindi

Þessi fyrirtæki greiða smánarskatta eins og önnur fiskvinnslu- og útgerðarfyrirtæki. Tekjuskattur er í 20% af nettótekjum fyrirtækisins og fyrirtæki sem skulda mikið og greiða mikla vexti eru ekki með miklar nettótekjur og greiða því smánar tekjuskatt.

• Fyrirtækin greiða enga skatta til sveitarfélaganna. Aðeins þjónustugjöld með miklum afslætti. 

Launatengdu gjöldin eru ekki skattar sem fyrirtækin greiða, þau gjöld eru hluti af launagreiðslum fyrirtækja samkvæmt kjarasamningum þar um.

M.ö.o. það er launafólk sem greiðir Tryggingagjöldin. Atvinnuleysistryggingasjóður greiðir síðan stóran hlut af árslaunum fiskvinnslufólks.

Veiðigjöldin eru ekki skattar, heldur greiðslur fyrir fiskinn sem þessi fyrirtæki hirða af miðunum. Þjóðin á þennan fisk  og hún fær reyndar allt of lítið í tekjur af auðlindinni. 

• Það átti ekki að þurfa að vera baggi á útgerðinni að fá þennan langa gjaldfrest á veiðigjöldunum.

Fyrirtæki sem eru illa rekin og með mikinn taprekstur eiga eðlilega að fara á hliðina eins og önnur fyrir-tæki. Það er eðlilegt. Þá er von til þess að það komi aðrir betri rekstraraðilar til afla fiskjar á þessu frábæru miðum út frá Patreksfirði.

Satt er það, að árinni kennir illur ræðari. Alltaf er sami helvítis vællinn í þessum útgerðarmönnum

Fá lítið til baka fyrir háa skatta

Frjálshyggjupostular hafa um nær 30 ára skeið reynt að stjórna starfi grunnskólanna

• Samkvæmt lögum um grunnskólann sem Alþingi samþykkti 12. júní 2008 skal meginmarkmið með starfi hans vera eftirfarandi og kemur fram hér í 2. grein laganna um grunnskólann. 

Þar segir:
„2. gr. Markmið. 
Hlutverk grunnskóla, í samvinnu við heimilin, er að stuðla að alhliða þroska allra nemenda og þátttöku þeirra í lýðræðisþjóðfélagi sem er í sífelldri þróun. Starfshættir grunnskóla skulu mótast af umburðarlyndi og kærleika, kristinni arfleifð íslenskrar menningar, jafnrétti, lýðræðislegu samstarfi, ábyrgð, umhyggju, sáttfýsi og virðingu fyrir manngildi. Þá skal grunnskóli leitast við að haga störfum sínum í sem fyllstu samræmi við stöðu og þarfir nemenda og stuðla að alhliða þroska, velferð og menntun hvers og eins.

Grunnskóli skal stuðla að víðsýni hjá nemendum og efla færni þeirra í íslensku máli, skilning þeirra á íslensku samfélagi, sögu þess og sérkennum, högum fólks og á skyldum einstaklingsins við samfélagið, umhverfið og umheiminn. Nemendum skal veitt tækifæri til að nýta sköpunarkraft sinn og að afla sér þekkingar og leikni í stöðugri viðleitni til menntunar og þroska. Skólastarfið skal leggja grundvöll að frumkvæði og sjálfstæðri hugsun nemenda og þjálfa hæfni þeirra til samstarfs við aðra. 

Grunnskóli skal stuðla að góðu samstarfi heimilis og skóla með það að markmiði að tryggja farsælt skóla-starf, almenna velferð og öryggi nemenda“.

Þetta er auðvitað meginverkefni grunnskólanna, síðan er gefin út aðalnámskrá þar sem fram kemur hvernig skólinn á m.a. að ná þessum markmiðum sem best. 

Þetta er verkefni kennaranna , ekki verður véfengt að íslenskir grunnskólakennarar hafa staðið sig mjög vel miðað við þær aðstæður sem þeir búa við.

 

Nýkjörinn formaður Félags grunnskólakennara sagði í viðtali í Kastljósi í gærkvöldi að þekking sem mæld er í PISA könnuninni gæti orðið úrelt á morgun.

Af viðtalinu við Þorgerði verður ekki merkt að hún hafi gert lítið úr þeirri þekkingu sem „Písa“ telur sig vera að mæla.

• Góð menntun endist grunnskólanemendum út lífið.

Aðeins það, að grunnurinn í menntun barna skiptir öllu máli en ekki utanbókar lærdómur um að eitt og annað sé heilagur sannleikur sem svo sannarlega er úreltur jafnvel á meðan að reynt er að troða slíku í nemendur.

• Grunnskólinn er ekki að tjalda til einnar nætur með starfi sínu með nemendum.

Þetta eru frjálshyggjusjónarmið samtaka atvinnurekenda sem Davíð básúnar hér í pistli í viðskiptakafla mbl. Þar sem „Písa“ undrið er vegsamað enda toppurinn á áhrifum þeirrar pólitísku stefnu á heimsvísu er verulega umdeild um allan heim.

Verður lestur óþarfur á morgun? - Davíð Þorláksson - mbl.is

Á sama tíma eru grunnskólar á Íslandi bundnir af lögum sem ganga í allt aðra átt sem betur fer en ,,Písa" leggur áherslu á.

 

Árangurinn í örfáum námsgreinum segir í raun ákaflega lítið um gæði íslenska skólakerfisins eða um menntun grunnskólanemenda.

Það þarf miklu breiðari og víðtækari könnun til að skoða það, könnun sem tekur jafnvel áratugi

Aumleg tilraun til að kjafta sig frá skömminni

• Það er hreint út ótrúlegt að þingmaður til margra ára skuli bulla með þeim hætti sem Birgir Ármannsson gerði í Kastljósi nú í gærkvöld
  *
• Ráðherrar Sjálfstæðisflokksins hafa aldrei svo ég muni axlað ábyrgð á gjörðum sínum sjálfviljugir.

Sérkennileg útlisting á pólitískri ábyrgð.

Birgir Ármannsson þingflokksformaður Sjálfstæðisflokksins segir að pólitísk ábyrgð sé tekin með eftirfarandi hætti:

• „Pólitísk ábyrgð er mæld með því að sjá hvort ráðherra hefur stuðning til að halda áfram, í þinginu,“ sagði Birgir
  * 
• „Ráðherrar eins og aðrir stjórnmálamenn þurfa líka með reglulegum hætti að ganga til kosninga. Þar getur reynt á pólitíska ábyrgð.“

Þessi útskýring er í raun algjörlega út í hött og hreint bull. Hann segir, að það þegar þingmenn Alþingis lýsa yfir vantrausti á ráðherra þýði það að einhver ráðherra taki pótíska ábyrgð á gjörðum sínum.

• Þetta er bara bull, því þetta þýðir bara að ráðherra er hrakinn úr hlutverki sínu sem ráðherra gegn eigin vilja. Þ.e.a.s. ráðherra er ekki sjálfviljugur að axla ábyrgð á gjörðum sínum
  *
• Sama á við ef viðkomandi ráðherra nær ekki kjöri í næstu kosningum. Þingmaður í mjög fjölmennum þingflokki axlar ekki ábyrgð á gjörðum sínum með þeim hætti og alls ekki ef viðkomandi er í fyrsta sæti á framboðslista sem fær marga menn kjörna
  *
• Vantraustið bitnar þá fyrst og fremst þeim sem eru neðar á listanum og eru saklausir af gjörðum ráðherra.

Aðspurður hvort hann teldi að þingmenn samstarfsflokka Sjálfstæðisflokksins í ríkisstjórn myndu styðja Sigríði ef fram kæmi vantrauststillaga svaraði Birgir: „Ég er ekki í vafa um það.“

Það er von að hann segi þetta, því ef t.d. VG styður ekki þennan ráðherra fellur stjórnin og þjóðin fær hreinræktaða hægri stjórn í landið.

Efast ekki um stuðning við Sigríði

Birgir Ármannsson, þingflokksformaður Sjálfstæðisflokksins, segist ekki í vafa um að þingmenn stjórnarflokkanna styðji Sigríði Á. Andersen dómsmálaráðherra, ef lögð verður fram vantrauststillaga á hana á Alþingi.…

RUV.IS

 

Óskaði eftir upplýsingum

Sérlega ósmekklegt

• Auðvitað finnst mér eins og mörgum öðrum skemmtilegt að skemmta mér,fá mér gott vín og finna hæfilega mikið á mér
  *
• En að halda slíka veislu í húskynnum ungmenna-félagsins er einum of langt gengið
  *
• Þetta er félag sem gefur sig út fyrir að starfa Í þágu barna og ungmenna Mosfellssveit
  * 
• Þetta er ekki góð fyrirmynd. Einu sinni gaf Afturelding sig út fyrir að vera bindindisfélag og stofnað hér í Grafarholti
  *
• Veitingastaðurinn Gullhamrar eri í Grafarholts-landi og þar hefði mátt halda slíkan fagnað.

  Þorra­blót Aft­ur­eld­ing­ar var haldið á laug­ar­dags­kvöldið í Varmá í Mos­fells­bæ. Stuð og stemn­ing var á liðinu. 

  Boðið var upp á hefðbund­inn þorramat og svo gat hver og einn drukkið eins og hann lysti á barn­um. Mos­fell­ing­ar kunna sér hóf og því fór skemmt­un­in vel fram. 

  Eins og sést á mynd­un­um var gleði og glaum­ur í loft­inu og all­ir í sínu fín­asta pússi. 

Allt á útopnu á þorrablótinu