Ég árna auðvitað ritstjóranum heilla og að hafa náð fullum þroska enda 70 ára.

• Ho,ho ho.

Afmælisbarnið slær um sig með ósannindum og öllum finnst það gríðarlega skemmtilegt og fyndið. Það eru auðvitað bara börn sem láta aðra hafa fyrir sig afmælisboð.

„Ég vil biðja ykkur öll að skála og núna fyrir gestgjafanum, Árvakri. Sem hefur stýrt þessu myndarlega blaði núna í 105 ár bráðum og er ekkert blað annað sem svo lengi hefur lifað.

Reyndar er ekkert annað blað í landinu, satt best að segja. Ekki sem hægt er að lesa. Það er til blað sem vitað er að einhverjir fletti en ég hef ekki enn hitt neinn sem les það,“ sagði Davíð í lok ræðu sinnar og lyfti glasi sínu.

Bæði er að Arvakur hefur ekki stýrt Mogganum í 105 ár og þetta með aldurinn á blaðinu má e.t.v. segja að sé nokkuð rétt en því verður ekki gleymt að reksturinn á því fór á hliðina í hruninu.

En afmælisbarnið hefur auðvitað ekkert vitað um sögu blaðsins og hörmungar sem rekstur blaðsins lenti í, sem er bara eðlilegt háttarlag hjá stjórnmálamanni,er man aðeins það sem hann vill muna

Það er 100% öruggt að ritstjóri Moggans og hans nánustu samstarfsmenn lesa Fréttablaðið af mikilli  nákvæmni. Bara til þess að Mogginn haldi lífi.

Fréttablaðið er auðvitað aðal samkeppnisaðili Moggans sem hefur farið mjög hallloka í þeirri samkeppni. Í atvinnulífinu fylgjast samkeppnisaðilar nákvæmlega hver með öðrum. Síðan varð að bjarga varð blaðinu frá gjaldþroti og stofna nýtt eignarhaldsfélag.

En Davíð er auðvitað merkileg íslensk sögupersóna sem að hefur kveðið í íslenskum stjórnmálum. Ekki gengur að gera lítið úr því, þótt maður hafi aldrei látið sig detta í hug að kjósa hann. Hann er svo sannarlega mannlegur og hæfileikaríkur á sinn hátt.

Davíð segist aldrei hafa hitt neinn sem les Fréttablaðið - Vísir

Troðfullt var í afmælishófi Árvakurs til heiðurs Davíð Oddssyni sjötugum.

WWW.VISIR.IS

 

Sýndartillaga felld í borgarstjórn

• Keppendur um forystusætið reyna þessa daganna að slá um sig
  *
• Áslaug Friðriksdóttir sem er einn keppandinn um forystusætið á framboðslista Sjálfstæðisflokksins fyrir næstu borgarstjórnarkosningar
  *
• Þrátt fyrir að vera ekki svæsnasti keppandinn í hægri mennskunni, þá skína samt í gegn hægri viðhorf hennar.

Hún kvartar undan því að útsvarið sé að sliga íbúa borgarinnar. En rétt væri að minna á þá staðreynd að flokkur hennar er lengstum hefur ráðið landsmálunum hefur komið því þannig fyrir að mjög stór hópur fólks í góðum efnum greiðir ekki útsvar.

Það eru þeir sem greiða aðeins fjármagnstekjuskatt. Hverjir eru það, það eru t.d. langflestir atvinnurekendur og svo nefndir fjárfestar. Sama á við um fyrirtækin sjálf sem greiða heldur ekki útsvar.

Áslaug segir orðrétt:
„Meginþorri borgarbúa vill fá að vera í friði og komast í gegnum sín daglegu verkefni án þess að ákvarðanir í borgarstjórn séu þar að flækjast fyrir. Þeir eru ekki kröfuharðir. Það eina sem þeir vilja er að almenn þjónusta virki. Sveitarfélag hefur ekki svo flóknum skyldum að gegna. Megináherslan á að vera að aðstoða fólk að komast leiðar sinnar, hreinsa, sópa og salta götur og stíga eftir þörfum og sinna viðhaldi gatnakerfisins. Sinna sorphirðu þannig að vel sé, veita öldruðum og fötluðum mannsæmandi þjónustu. Tryggja að skólakerfið veiti börnum nauðsynlega menntun og leikskólabörnum vist svo foreldrar komist til vinnu sinnar. Þetta er ekki flókið“.

Því miður er ekki hægt að stækka myndina hér. 

Sannleikurinn er jafnan sagna bestur.

 

Dagur B. EggertssonVakta

15. janúar kl. 11:19 · 

 

Ég hlakka til kosninganna í vor - og svo er vonandi um fleiri. Vona líka að umræðan verði málefnaleg og byggi á staðreyndum. Ýmsir hafa verið að spyrja: hvernig...

Sjá meira

M.ö.o. öll félagsleg þjónusta borgarinnar skal vera í algjöru lágmarki að mati þessa keppanda. Væntanlega hafa aðrir keppendur um efsta sætið svipuð viðhorf hvað það varðar. En borgin hefur verið undanfarin ár verið að bæta þjónustu sína við almenning í hægum skrefum en markvissum.

Þá er vert að rifja það upp eins og myndin sýnir reyndar, að rekstur borgarinnar hefur ævinlega staðið tæpt þau ár sem Sjálfstæðisflokkurinn hefur farið fyrir borgarstjórninni og þjónusta við almenning ætíð í algjöru lágmarki.

Fólkið í borginni er komið með nóg - Vísir

Ekkert lát er á því hvernig borgarstjórn seilist í veski og pyngjur borgarbúa en í staðinn er þjónustan af skornum skammti. Hvernig stendur á því að þegar íbúar borgarinnar borga meira en nokkurn tíma áður í borgarsjóð að þjónustan sem þeim stendur til…

VISIR.IS

 

Tillaga sjálfstæðismanna felld

Greinilegt er, að ríkisvaldið mismunar fólki alvarlega

• Það er ekki bara í hlutfallsgreiðslum fólks í skatta, en staðgreiðsla skatta 2018 er reiknuð í tveimur þrepum. 

Útreikningur fyrir mánaðartekjur er sem hér segir:
Af fyrstu 893.713 kr. 36,94%  Af fjárhæð umfram 893.713 kr. 46,24%, allt greitt af brúttólaunum + 15,5% og nær 7% sem launafólk greiðir í tryggingagjöld en fyrirtækin standa skil á samkvæmt samningum þar um, stutt með lagasetningu.

Síðan er það hópur fólks sem greiðir aðeins 20% í fjármagnstekjuskatt af nettólaunum sínum í heildarskatta rétt eins og lögaðilar.

Þá er ótalið hvað fólk í mismunandi atvinnu- og starfsgreinum þarf að skila mismunandi hlutfalli af virði vinnu og framleiðslu sinnar í virðisaukaskatt. Þetta er einnig mjög alvarleg mismunun.

Þessi mismunun heldur síðan áfram þegar fólk er komið á eftirlaun. Í mörgum tilfellum er lífeyrisréttur launafólks að litlu gerður hjá fólki sem hefur greitt í lífeyrissjóð 1. janúar 1970 og margir miklu lengur. 

Er þá eftirlaunaréttur fólks skorinn niður hjá þessu fólki. En þeir sem hafa komið sér hjá því að greiða í þessa sjóði og jafnvel starfað svart eru verðlaunaðir.

Þetta er utan við stærsta galla lífeyrissjóðakerfisins sem sést greinilega ef um gift fólk eða sambýlisfólk er að ræða.

Þar sem annar makinn starfar iðulega á heimili þessa fólks til að annast um uppeldi barna þeirra hjóna. Laun beggja auðvitað sameiginleg heimilislaun. Auk þess sem láglaunamaður heldur áfram að vera láglaunamaður á eftirlaunum.

Nú loksins kemur fram eðlileg athugasemd ASÍ um hvernig einhleypu eftirlaunafólki og hjónfólki er alvarlega mismunað.

Einnig er það hrópandi að samtök eldri borgara eða ,,grái herinn" sagði ekki eitt einasta andmælaorð.

 

Segja mismunað eftir hjúskaparstöðu

Eðlilegt er, að erlent ferðafólk greiði kostnað af veru sinni á Íslandi

• Það ber svo undarlega við, að samkvæmt stjórnarsáttmála ríkisstjórnar Katrínar Jakopsdóttur, á ferðaþjónustan áfram að njóta ríkisstuðnings í formi lægri virðisaukaskattaskila erlendra ferðamanna á Íslandi.

Alltaf eru að berast fréttir af gríðarlegum kostnaði ríkissjóðs og sveitarfélaga vegna þessa ferðamannastraums. Því er þetta er mjög furðulegt.

Talið er að aðeins 40 milljarðar skili sér til ríkis og sveitarfélaganna vegna ársins 2017 en kostnaður greinilega miklu meiri.

Hugmyndin er að taka upp komugjöld fyrir alla sem fara um íslenska flugvelli sem bæði erlendir ferðamenn og íslenskir greiða. Allt samkvæmt EFTA reglum.

Eðlilegt er að erlendir ferðamenn sem hingað koma séu ferðatryggðir.

Slík trygging stæði undir kostnaði þeirra sem lentu inn á heilbrigðis-stofnunum á Íslandi og leitarkostnaði ef það þyrfti að leita að þeim ásamt öðru tilfallandi eftir ákveðnum reglum.

Eðlilegt væri að þetta komugjald stæði einnig undir iðgjöldum fyrir slíkar tryggingar.

Það væri að sama skapi eðlilegt að slíkar tryggingar yrðu reglulega boðnar út og þá á Evrópska efnahagssvæðinu. 

Þá er auðvitað eðlilegt að ferðafólk standi undir eðlilegum vegagjöldum. Ef ekki með venjulegum virðisaukaskatti þá með því að innheimta slíkan skatta af þeim fyrirtækjum sem leigja út bíla hvort sem það væru venjulegir bílaleigubílar og eða fólksflutningabílar af öllum stærðum.

Slíkar tryggingar myndu síðan gera upp sjúkrahúskostnað og ákveðinn leitarkostnað til björgunarsveita ásamt ýmsum öðrum eðlilegum kostnaði sem upp kæmi.

Það er fullkomlega óeðlilegt að venjulegir mörlendingar standi undir verulegum kostnaði vegna erlendra ferðamanna á Íslandi og starfsemi ferðaþjónustufyrirtækja

Mikil fjölgun í Fjaðrárgljúfri

Forseti ASÍ virðist vera að klaga formann VR

• Greinilegt er að formaður VR er óhress með vinnubrögð forseta ASÍ
  *
• Í þessari frétt kemur fram að Gylfi Arnbjörnsson klagar Ragnar þór til trúnaðarmannaráðs VR í formlegu bréfi
  *
• Reyndar ansi fyndið.

Þar kemur m.a. fram:
„Hvað varðar fullyrðingar Ragnars Þórs um að ég standi í leynilegum viðræðum án umboðs við stjórnvöld og atvinnurekendur um að hafa af aðildarfélögum ASÍ samningsréttinn þá vísa ég þeim fullyrðingum alfarið til föðurhúsanna sem rakalausum ósannindum.“

• Það hlýtur að vera einhver og jafnvel verulegur sannleikur í því sem Ragnar Þór segir um forseta ASÍ
  *
• Það er reyndar staðreynd að ASÍ hefur formlega séð ekkert samningsumboð fyrir hönd verkalýðsfélaganna og ekki heldur landsamböndin sem mynda ASÍ, nema að félögin hafi veitt slíkt umboð formlega.

Breytir þá engu þótt einhverjir félagsmenn VR séu í miðstjórn ASÍ sem ekki geta veitt ASÍ slíka heimild fh. VR. Miðstjórn ASÍ getur ekki komist framhjá stjórn og trúnaðarmannaráði VR. Það er áherslumunur á stefnu ASÍ og VR um fjölmörg kjaramál.

• Forseti ASÍ getur því ekki farið á fundi við stjórnvöld fyrir hönd félaganna í ASÍ.

En það er morgunljóst að heildar samtök atvinnurekenda kjósa að eiga samskipti við miðstjórn ASÍ eða forseta þess og einnig stjórnvöld. Það hefur gefist þessum aðilum vel undanfarin ár.

En ef Gylfi hefur ekki haft umboð til þess að tala fyrir hönd VR eða annarra félaga, að þá á hann ekkert með að gera það. Hann verður að tilkynna aðilum um umboðsleysi sitt.

Það hefur lengi legið fyrir að þessi fámenni hópur starfsmanna stéttarfélaga og landsambanda þeirra sem kýs Gylfa til þessa hlutverks þarf að fara að víkja fyrir yngra fólki sem hefur raunveruleg tengsl við vinnandi fólk á Íslandi.

Það hefur einnig legið fyrir að þessi atvinnumannahópur og forystulið ASÍ á í ýmsum óformlegum viðræðum við samtök atvinnurekenda á öllum tímum.

Það er einnig augljóst að þar fara á milli ýmis viðhorf milli manna er hafa mikil áhrif á kjaraviðræður þessara aðila. M.ö.o. þeir þekkja viðhorf hvers annars og strax er tekist á um ásættanlega niðurstöður sem iðulega fara á skjön við vilja félaganna.

Það eru nánast engar líkur til þess, að VR feli ASÍ umboð til þess að semja f.h. VR.

Sakar Ragnar um rakalaus ósannindi

„Hvað varðar fullyrðingar Ragnars Þórs um að ég standi í leynilegum viðræðum án umboðs við stjórnvöld og atvinnurekendur um að hafa af aðildarfélögum ASÍ samningsréttinn þá vísa ég þeim fullyrðingum alfarið til föðurhúsanna sem…

MBL.IS

 

Sakar Ragnar um rakalaus ósannindi

Ef þetta er ekki siðleysi í stjórnmálum, þá er bara allt leyfilegt.

• Ég er eiginlega viss um að Eyþór nær kjöri hjá félögum Sjálfstæðisflokksins í Reykjavík.
  *
• Því það er fólk sem ber mikla lotningu fyrir svona peningamönnum eða bröskurum. Nú kallaðir fjárfestar eða athafnastjórnmálamenn.  

Ef svo fer sýnir það auðvitað siðfræði þessa fólks í Sjálfstæðisflokknum og raunar einnig frambjóðandans.

 

Eyþór er bundinn fjölmörgum hagsmunaböndum sem gera hann að mínu mati óhæfan til að vera borgarstjóri.

Eyþór er fjárfestir um leið atvinnurekandi og aðili að fjölmörgum fyrirtækjum. Hann er skráður fyrir fjórðungshlut í einarhaldsfélagi Morgunblaðsins. 

Nýtur væntanlega stuðnings þess enda myndi það smellpassa inn í hagsmunagæslu myndina.

Það er bara rétt eins og tímar Ólafs Thors séu komnir aftur. 

 

Eyþór vill leiða í Reykjavík

Sannur vinstri maður

• Ef eitthvað getur verið vandasamt í lífinu er það að lifa sem kristinn maður og sannur vinstri maður. Það er enginn fjölskyldumaður eyland í lífi sínu
  *
• Það verður enginn hvorki vinstri maður eða kristinn sem er af sama meiði,eingöngu af lestri fræðibóka um þessi málefni eða að mæta á einhverjar samkomur

Sannur vinstri maður

Pepe hefur allt sitt líf tekið hagsmuni alþýðunnar fram yfir eigin þarfir.

Hann hefur allað tíð lifað við sömu kjör og fátækur almúginn í Úrúg­væ.

Jose Mujica eða Pepe eins og hann er kallaður hef­ur snert hjörtu margra. Þessi sann­fær­andi fyrr­um for­seti Úrúg­væ lif­ir óhefðbundnu lífi að margra mati.

Hann hef­ur haldið í sann­fær­ingu sína og auðmýkt þrátt fyr­ir mikla vel­gengni sem stjórn­mála-aðgerðasinni.

Fátækasti forseti heims gefur 10 ráð

Lækningalyf hljóta að spara í heilbrigðiskerfinu

• Dálítð sérkennileg umræða að mér finnst. Auðvitað er það áhyggjuefni en fyrst og fremst viðfangsefni þetta sem í þessari frétt segir m.a.:

,,Útgjöld vegna lyfja hafa aukist gríðarlega segir Bjarni Benediktsson, fjármálaráðherra.

Heilbrigðisyfirvöld þurfi að taka afstöðu til hversu mikið fjármagn er hægt að setja í upptöku nýrra lyfja. Kostnaður vegna leyfisskyldra lyfja hefur aukist um tvo milljarða á tveimur árum.

Heildarútgjöld til lyfja hafa hækkað um þrettán og hálft prósent síðan 2016".

• En þetta er auðvitað bara önnur hliðin á málinu. Með bættum og fullkomnari lyfjum hlýtur annar kostnaður á sjúkrahúsum og í heilbrigðiskerfinu hafa minnkað
  *
• Þ.e.a.s. minni þörf fyrir innlagnir fólks á sjúkrahús og væntanlega minni þörf og færri ferðir til lækna. Hlutir sem eru gríðarlega kostnaðarsamir fyrir samfélagið
  *
• Auk þess sem líðan fólks og heilsa væntanlega betri og margir geta verið árum saman á vinnumarkaði fyrir vikið.

Útgjöld vegna leyfisskyldra lyfja aukast

Útgjöld vegna lyfja hafa aukist gríðarlega segir Bjarni Benediktsson, fjármálaráðherra. Heilbrigðisyfirvöld þurfi að taka afstöðu til hversu mikið fjármagn er hægt að setja í upptöku nýrra lyfja. Kostnaður vegna leyfisskyldra lyfja hefur aukist um tvo milljarða á…

RUV.IS

 

Útgjöld SÍ á árinu langt umfram fjárlög

Hér reiknar fyrrum forsætisráðherra með aðferðum ,,Sólón Íslandus"

• Ótrúlegt bull hjá Sigmundi Davíð fyrrum forsætisráðherra. Hér í fréttafærslunni má sjá vitleysuna sem hann lætur frá sér fara:

„Þeir sem hafa lifibrauð af fjármagnstekjum greiða ekki aðeins fjármagnstekjuskatt.

Sá sem greiðir sér laun af hagnaði eigin fyrirtækis, svo sem iðnaðarmaður með fyrirtæki utan um eigin rekstur, greiðir fyrst 20% tekjuskatt lögaðila og síðan 20% fjármagnstekjuskatt ofan á það, á arðgreiðslur til eiganda.

Heildarskatthlutfallið verður því 36%. Hækkun fjármagnstekjuskatts upp í 22% þýðir að þetta hlutfall verður 37,6%,“ segir Sigmundur í nefndaráliti sínu um bandorminn svokallaða, frumvarp til laga um breytingu á ýmsum lögum vegna fjárlaga fyrir árið 2018“.

XXXXXXX
Þetta er býsna merkilegur út úr snúningur.

Fyrirtækið greiðir 20% tekjuskatt af nettótekjum sínum en ekki eigandi þess.

• Það kann að vera að fyrirtækið hafi menn í vinnu og greiði þeim laun
  *
• Starfsmenn einn eða fleiri greiða sjálfir sína skatta af brúttólaunum sínum nær 35% + 15,5% í lífeyrissjóð og nær 7% í tryggingagjald
  *
• Eigandi fyrirtækisins greiðir ekki þessa skatta
  *
• En ef eigandi fyrirtækis starfar hjá því, greiðir hann skatta eins og aðrir starfsmenn þess af launum sínum. M.ö.o. launaskattar eins og rakið er hér framar.
  *
• En ef hann tekur út hagnað greiðir hann aðeins 20% fjármagnsskatt af þeim arði
  *
• Það er auðvitað lágmarkskrafa að þingmenn bulli ekki út í loftið og kunni að reikna einfalda hluti.

Flokkur fólksins og Miðflokkurinn leggjast gegn hækkun fjármagnstekjuskatts

Fulltrúar Miðflokksins og Flokks fólksins í fjárlaganefnd og efnahags- og viðskiptanefnd Alþingis leggjast gegn hækkun fjármagnstekjuskatts og fulltrúi…

STUNDIN.IS

 

Fátækt barna í forgrunni í þinginu

Að vita meira og allt betur en aðrir

• Sumir telja sig geta haft vit fyrir öðrum. Eftir á er slíkt tal eða innlegg í umræðuna gagnslaust
  *
• Þessi ágæti vitringur hefði þá auðvitað átt að opna sig fyrr
  *
• T.d. í nóvember og hefði hann þá geta komið með rétta lausn til heilla fyrir allan almenning. 

„Sumir eru bara óforbetranlegir í sínum fordómum“ ....

Skrifar einhver Sigfríður Gunnlaugsdóttir um Véstein í umfjöllun sinni um þennan Snæfelling og ritstörf hans.

Það er morgunljóst að mörg flokkssystkin Katrínar hafa áhyggjur af því hvort hún stendur þeim snúning þessum hrægömmum hægrisins sem voka stöðugt yfir kjötkötlum þjóðarinnar.

Ekki veit ég neitt um hverskonar stjórnvisku þessi þremenningur minn býr yfir, en ljóst er mörgum að gammarnir telja sig hafa hag af því þessari ríkisstjórn hafi verið hnoðað saman. Eitt er víst að garmurinn Ketill hljóp á braut með rófuna milli fóta sér með sínum hýenuhætti.

Rétt eins fordómarinn hefði e.t.v. viljað að gerðist eða hvað?

Bólu Bjarni verður að finna kjötilminn og þá eru hans húskarlar ánægðir, tóbakskarlinn verður að halda sínum gamla félaga frá áhrifum. Katrín verður að koma í veg fyrir nýja últra hægri stjórn til varnar sínum umbjóðendum sem er íslensk alþýða.

Þannig að allir aðilar telja sig hafa sterka hagsmuni af sambandinu. Svo mikla að þeir gammar tveir eru jafnvel til i að fela sósíalistanum forsætisráðherra embættið.

Eitt er alveg ljóst, að Katrín verður að hafa vald á mikilli stjórnvisku, kjarki og hafa alla þræði leikhússins í hendi sér.

Hún þarf einnig að hafa færni í vandasamri siglingalist til skeika ekki á boðum og blindskerjum er leynast víða á grunnslóð stjórnmálanna á Íslandi.

Ekki veit ég hvaða hugmyndir Vésteinn hefur um það hvernig Katrín hefði átt að sigla skútu VG á voðaslóð. Til hagsbótar fyrir íslenska alþýðu.

Því verður Vésteinn að svara, úr því að hann telur sig þess umkominn að dæma Katrínu og hennar félaga fyrir að berja saman þessa ríkisstjórn.

Stjórnviskuskortur

Vésteinn Lúðvíksson segir að engin ráðherra sé ríkisstjórnin sem hann sitji í. Öllum megi skipta út og þá geti stjórn setið áfram. Hinn pólitíski gerandi þykir ekki lengur töff og þolendurnir í samstarfinu við hann fá falleinkunn fyrir kóeríið.

KJARNINN.IS

 

Ágætis stuðningur við málið