Fyrirkomulagið við skipun dómara á Íslandi er óviðunandi

• Árum saman hefur fólk sem komið er yfir miðjan aldur verið vitni að því hvernig helsti valdaflokkurinn á Íslandi hefur raðað sínu fólki í embætti dómara og sýslumanna eftir flokkspólitískum línum.
  *
• Það er ekki horfið í gleymskunnar dá þegar Bjössi var dómsmála ráðherra og farið var í pólitískar hreinsanir.

 

Það liggur fyrir að  núverndi dóms­mála­ráð­herra braut gegn stjórn­sýslu­lögum þegar hún vék frá hæfn­is­mati dóm­nefndar um skipun 15 dóm­ara í Lands­rétt.

Þetta er nið­ur­staða Hæsta­réttar Íslands. Sú nið­ur­staða er afger­andi og hún er áfell­is­dómur yfir vald­níðslu ráð­herr­ans.

Einnig liggur það fyrir, að henni er ekki það til afsökunar að hún sé ósammála dómi hæstaréttar.

Henni er heldur ekki treystandi til þess hræra í þeim reglum sem eiga að gilda um hvernig skuli skipa menn í dómstóla eða í sýslumannsembætti, eftir það sem undan er gengið.

Hversu alvarlegt er það þegar dómsmálaráðherra brýtur stjórnsýslulög og hversu nálægt er slíkt lögbrot því að brjóta einhver ákvæði stjórnarskrárinnar?

Væri það verkefni Landsdóms að skoða slíkt mál?

Það er auðvitað löngu tímabært að breyta lögum og starfsreglum um hvernig menn eru valdir í dómstóla.

Að það verði framtíðinni þannig að komið verði veg fyrir fingraför stjórnmálamanna og annarra hagsmuna aðila að mannavali á dómurum.

Ég treysti því, að ef það kæmi fyrir ráðherra skipaðan af þingflokki VG að brjóta lög sett af Alþingi að hann víki sæti sem slíkur.

Burtséð frá því hvað aðrir stjórnmálaflokkar hafa gert í fortíðinni.

• Að lokum passar það eftir efninu að minna á það, að ESB er með ýmsar þvíngunar aðgerðir í gangi gegn ráðamönnum í Póllandi.
•  
• Vegna þess að Pólska ríkisstjórnin hefur breytt lögum þar í landi á þann veg, að ríkisstjórnin þar getur haft áhrif á það hvernig dómstólar þar eru skipaðir.
•  
• Nákvæmlega eins og alltaf hefur verið á Íslandi og núverandi dómsmálaráðherra virðist vilja vernda áhrif gamla valdaflokksins í þessum efnum.

Baráttujaxlar í verkalýðshreyfingunni og margir vinstri menn hafa aldrei getað treyst íslenskum dómstólum fyllilega. Mýmörg íslensk dæmi eru til um það hvernig hallað hefur á mannréttindi verkalýðsforingja og ýmissa aðila sem hafa staðið að mótmæla aðgerðum

Fari yfir málið og læri af því

Nafnlaus áróður, er árás á lýðræðið

• Það er mjög mikilvægt að rannsaka þennan nafnlausa áróður sem fór fram fyrir síðustu alþingiskosningar
  *
• Þetta er í raun lýðræðisleg nauðsyn
  *
• Það er einnig mikilvægt að hafa í huga að slíkur nafnlaus áróður hefur áður verið hafður í frammi fyrir kosningar
  *
• Það er hægt að setja lög og reglur um hvernig má koma í veg fyrir slík skemmdarverk á lýðræðislegum kosningum
  *
• Þegar nafnlaus áróður flæðir um allt og ber fram ósannindi sem svo sannarlega hafa áhrif á niðurstöður kosninga.

 

 

Í dag spurði ég forsætisráðherra út í nýafstaðnar kosningar og þær nafnlausu auglýsingar sem birtu áberandi áróður gegn ákveðnum stjórnmálaflokkum á flestum samfélagsmiðlum.

Ég tel rétt að Alþingi kalli eftir rannsókn á síðustu kosningum og fá Ríkisendurskoðun í það verkefni. Þetta er miklu stærra mál en hagsmunamál hvers stjórnmála-flokks, þetta varðar framtíð Íslands, lýðræði og þjóðaröryggi okkar.

Ýtum undir gegnsæi á öllum sviðum og upplýsum kjósendur. Við í Viðreisn munum fylgja þessu eftir og vonum að aðrir flokkar komi með í það verkefni.

Þorgerður Katrín Gunnarsdóttir

Vill að nafnlaus áróður verði rannsakaður

Fyrri samningar flugvirkja runnu út 31. ágúst

• Þessi frétt sýnir svo sannarlega óbilgirni samtaka atvinnurekenda gagnvart flugvirkjum
  *
• Viðræður hófust í júlí og ekki er á flugvirkjanna hlustað fyrr en verkfall er brostið á
  *
• Sökin er hjá stjórnendum flugfélagsins og þeim aðilum sem höfðu samningsumboð fyrir flugfélagið á þeim deilum og ófriði sem skapast af svikum þeirra varðandi launamál flugvirkja
  

• Þeir hafa reynt að ljúga því þjóðinni að flugvirkjar eigi sök á verkfallinu

Þetta sýnir svart á hvítu að allur aukakostnaður flugfélagsins og síðan óþægindi farþega er ekki vegna kröfu flugvirkja um nýja kjarasamninga og aðgerða þeirra til að ná samningum.

Heldur er sökin öll hjá stjórnendum flugfélagsins og þeim aðilum sem höfðu samningsumboð fyrir flugfélagið.

M.ö.o. flugvirkjar hafa verið samningslausir í tæpa 4 mánuði. Samtök ferðaþjónustufyrirtækja eru aðilar að samtökum atvinnurekenda og eiga því einnig sína sök á því að til verkfalls kom. 

Það er löngu komin tími til þess að einhver gasprari frá ferðaþjónustunni hætti að koma og væla framan fólk á sjónvarps skerminum vegna ófriðar og deilna sem þeir sjálfir eiga sök á. Þetta er bara ósvífinn áróður atvinnurekenda.  

Þá sýndi þessi Hall­dór Benja­mín Þor­bergs­son, fram­kvæmda­stjóri Sam­taka at­vinnu­lífs­ins, af sér einstaka ósvíni í garð launafólks sem hann hefur ekki beðið afsökunar á.

Ánægður með lengd samningsins

Samtök atvinnurekenda þurfa að líta í eigin barm

• Hall­dór Benja­mín Þor­bergs­son, fram­kvæmda­stjóri Sam­taka at­vinnu­lífs­ins, sagði í sam­tali við mbl.is í vik­unni sem leið að kröf­ur flug­virkja væru full­kom­lega óraun­hæf­ar.
  *
• Hvað veit hann um það?  Nákvæmlega ekkert.
  *
• Síðan bætti hann við, að flugvirkjar væru bara iðnaðarmenn.  Það þyrfti að setja þennan gorgeir á námskeið í mannasiðum.

Samtök atvinnurekenda hafa verið að birta launatölur flugvirkjanna án nokkurra skýringa.

Þeir minnast auðvitað ekkert á þá staðreynd að vinna flugvirkja fer gjarnan fram á yfirvinnutíma og um nætur í mikilli tímapressu.Vinna þessarar stéttar er mikil nákvæmnisvinna enda líf  fjölda fólks í húfi ef mistök eru gerð.

Félagar í samtökum atvinnurekenda greiða fjölmörgum stéttum t.d. iðnaðarmanna svo nefnd markaðslaun sem eru í árferði eins og nú ríkir á Íslandi langt fyrir ofan umsamda kjarasamninga.

Ég veit ekki til þess að flugvirkjar flugfélaganna njóti slíkra markaðslauna.

Hin mikla miðstýring sem kemur undan rifjum samtaka atvinnurekenda tifar eins og hver önnur tímasprengja í íslensku efhagskerfi og vinnur gegn allri eðlilegri framþróun í atvinnulífinu.

Þessir aðilar þykjast vera talsmenn frjálsra viðskipta en eru það ekki þegar á reynir.  Þeir eru hreinræktaðir miðstýringaraðilar af verstu gerð. 

Það er auðvitað fráleitt  að launafólk sem stendur sig vel sem stétt í alþjóðlegum samanburði skuli ekki njóta þess í góðum lífskjörum. 

Grunnlaun flugvirkja á Íslandi eru frekar lág miðað við flugvirkja í nágrannalöndum og okkar menn koma sérstaklega vel út þegar þeir eru bornir saman við erlenda kollega sína.

Samtök atvinnurekenda ætti að fá sér þroskaðri framkvæmdastjóra en þennan gasprara  sem ber á borð fyrir þjóðina ein tómar klysjur.

„Þeirra er ábyrgðin“

Atvinnurekendur halda í pilsfald ríkisvaldsins nú sem oftast áður.

• Greinilegt er að stjórn flugfélagsins ætlar að láta heildarsamtök atvinnurekenda eyðileggja orðspor flugfélagsins.
  *
• Þetta er ekki í fyrsta sinn sem stjórnarmenn flugfélagsins haga sér þannig og fórna hagsmunum félagsins og almennings.

Vinnubrögð atvinnurekenda eru pólitísk og taka ekkert mið af getu flugfélagsins til að greiða betri laun.

Það er eðlilegt að starfsmenn fyrirtækja njóti velmegunar fyrirtækja sem þeir starfa hjá.

Helsti gapuxi samtaka atvinnurekenda er með miklu hærri laun þrátt fyrir að mikilvægi starfa flugvirkja sé margfalt meira enn hans starf.

Jafnvel þótt þeir teljist til iðnaðarmanna, ekki geta aðrir gegnið í þeirra störf þótt þeir séu með próf úr unglingaskólum vesturbæjar og flaggi skrautrituðum prófplöggum.

Greinilegt hefur verið viku saman að heildarsamtök atvinnurekenda hafa treyst á að ríkisvaldið gripi í taumanna. Slíkt á auðvitað ekki að gerast.

Óánægja með Icelandair í kringum verkfallið

Farþegar Icelandair kvarta margir yfir samskiptaleysi af hálfu flugfélagsins vegna aflýstra fluga í dag. Þeir segja að löng bið sé eftir símtali við þjónustuver og dæmi um að netþjónusta fyrirtækisins virki ekki sem skyldi. Þá hafa notendur Twitter,…

RUV.IS

 

„Verða að ná saman í dag“

Jákvæðar framfarir

• Í sumarfríinu sá ég iðulega fólk í hjólastólum úti á Tenerife.

Í langflestum tilfellum voru það ferðamenn á þessum slóðum. Ég er ekki viss um að farið sé tiltakanlega vel með fólk við þessar aðstæður á þessum spænsku eyjum. Innfæddir fatlaðir einstaklingar lágu iðulega betlandi þar sem þeir gátu vænst þess að ferðafólk færi um.

Það er ljóst að rafknúnir hjólastólar eða farartæki hafa gjörbreytt lífi fólks til hins betra og hefur gefið því fólki sem er bundið við hjólastóla mikið frelsi og sjálfstæði.

En eina nýung á þessu sviði sá ég þarna en það er einskonar hjálparmótorar við venjulega hjólastóla er hlýtur einnig að gefa fleiri kost á meira frelsi. Því væntanlega slíkur kostur miklu ódýrari enn rafskutla.

Hér er ein mynd af slíkum hjólastól með hjálparmótor. En hinum venjulega hjólastól er fest við hjálpardrifið. Úr þessu verður þá eins konar þríhjól og stjólnum síðan stjórnað með framhjólinu. Stýri, bremsur og hraðastillingar

Ríkisstjórnin samþykkir NPA-frumvörp

Er bensín- og díselolíuverðið rétt?

• Núverandi ríkisstjórn ætlar samkvæmt stefnuskrá sinni að hækka verulega kolefnisgjald.
  *
• Þeirri stefnu er ég hjartanlega sammála, þ.e.a.s. að allir þeir sem menga andrúmsloftið með atferli sínu greiði fyrir það eðlilegt gjald.*
  *
• Einnig að afnumin séu allir möguleikar á undanþágum sem stóriðjan nýtir sér með óeðlilegum hundakúnstum.

Umhverfis- og auðlindaskattar skiptast annars vegar í kolefnisgjald á fljótandi jarðefnaeldsneyti og hins vegar í skatt af raforku og heitu vatni. Greitt er í ríkissjóð kolefnisgjald af fljótandi jarðefnaeldsneyti.

Með fljótandi jarðefnaeldsneyti er átt við gas- og díselolíu, bensín, flugvéla- og þotueldsneyti og brennsluolíu.

Greiddur er í ríkissjóð sérstakur skattur af seldri raforku og heitu vatni. Skattskyldan nær til allra þeirra aðila sem selja raforku og heitt vatn á síðasta stigi viðskipta, þ.e. sölu til notenda.

Notandi telst sá sem endurselur ekki raforku eða heitt vatn.

Væntanlega munu eigendur stórra eldneytisháka reka upp ramakvein og benda á ótrúlega hátt verð á díselolíu og bensíni.

Það er ekki hægt að neita því að þessir vökvar eru á ótrúlega háu verði þegar verðið á þessum orkugjafa fyrir bifreiðir er borin saman verð erlendis.

Þegar verðið á Íslandi er um kr. 204 lítrinn en á Tenerife 0,93 evrur eða um kr 114 lítrinn verður ekki hjá því komist að maður velti því fyrir sér hvers vegna þessi mikli verðmunur er á útsöluverði á sama vökva í tveim löndum sem bæði eru á Evrópska efnahagssvæðinu.

Þetta má sjá á myndinni sem var tekin fyrir viku síðan.

• Þetta er vökvi sem keyptur er af olíufélögum á sama heimsmarkaðsverðinu. Hvorki sérstakir skattar eða flutningskostnaður skýrir þennan mikla verðmun.

Tenerife er langt út í ballarhafi eins og Ísland. Það eru einnig lagðir skattar á þennan orkugjafa á Spáni en Tenerife tilheyrir Spáni.

Það er fullkomin ástæða til þess að verð olíufélaganna sé rannsakað af viðurkenndum aðilum. Það er ekki nýtt að fyrirtæki á Íslandi hafi lagt álagningu á vörur erlendis sem þau hafa flutt til Íslands. Það hefur verið kallað hækkun í hafi.

Það er fullkomlega eðlilegt að innflutningsverð t.d. á bensíni og díselolíu sé rannsakað af hlutlausum og óháðum aðilum.

Eins og það er eðlilegt að allir þeir sem menga andrúmsloftið greiði fyrir þann skaða sem þeir valda með þessu athæfi sínu.

Það er einnig eðlilegt að það sé fylgst sé með því á hverjum tíma að innflutningsverðið sé nákvæmlega rétt sem upp er gefið.

 

Vegna þess, að það er ekki virk samkeppni á þessum markaði og söluaðilu er ekki treystandi til að ákveða verð sjálfir.

Hallærislegt bull

• Útgerðinni hefur tekist að  breyta veiðigjöldunum í
  
  tekjuskattsgreiðslur.

Bara með því að fyrirtækin skuldsetji sig, e.t.v. til að fjárfesta eða greiða arð þá aukast vaxtagreiðslur og  rekstrarkostnaður eykst, við það minnka „tekjutengdu veiðigjöldin“ sem taka þá ekkert mið af aflanum sem sóttur er á miðin á hverjum tíma.

En þessi talsmaður útgerðarinnar er ekkert að flíka því, að hyggnir útgerðarmenn vissu strax á aflaárinu hvað þeir myndu þurfa að greiða í þessi skrýtnu veiðigjöld. Þeim bar því að halda því til haga sem þeir myndu þurfa að greiða. 

Taka þarf upp staðgreiðslu á þessum gjöldum og þau verði miðuð við aflaheimildir hvers árs ótengt afkomu útgerðanna, en a.m.k. tækju mið af raunverulegum afla útgerðanna í tonnum talið.

Það er hið eina heiðarlega í þessum veiðigjaldamálum og gjöldin gætu þá verið aðeins lægri og skilað þjóðinni eðlilegri arð af auðlindinni.  Þá reyndi á rekstrarhæfni útgerðarmannanna.

• Útgerðin á að finna fyrir veiðigjöldunum, þau eiga að vera byrði. Annars eru þau gagnslaus sem slík.
  *
• Aflaheimildir á Íslandsmiðum eru mikil verðmæti sem eðlilegt er að þeir sem njóta greiði fyrir. Veiðiheimildir eru mjög eftirsóknarverð.
  *
• Ef útgerðin greiðir ekki fullt og eðlilegt veiðigjald má auðveldlega rökstyðja það, að greinin njóti verulegra ríkisstyrkja. 

Veiðigjöldin eru orðin töluverð byrði

Lýðræðislegur réttur er alltaf mikilvægur en ákaflega vandmeðfarinn

• Réttur almennings til að boða til mótmælafunda er mikilvægur
  
  lýðræðisréttur en að sama skapi ákaflega vandmeðfarinn.

Því þegar slíkir fundir eru haldnir fylgja gjarnan óvandaðir einstaklingar sem reyna að notfæra sér þá sem farveg fyrir eigin athyglissýki eða skemmdafýsn. Jafnvel farveg fyrir sitt persónulega hatur á einhverjum.

Ég er einn af þeim sem sótti flesta Austurvallafundina á sínum tíma sem voru ákaflega vel heppnaðir og lögreglan virtist skilja sitt eðlilega hlutverk á þessum fjöldafundum. Einnig einn af þeim fjölmörgu sem fór í vörn fyrir lögregluliðanna við Alþingishúsið.

En varð fyrir miklum vonbrigðum með vinnubrögð yfirlögreglumannsins í skýrslu sinni, jafnvel óbreyttir liðsmenn lögreglu voru ekki hrifnir af vinnubrögðum hans.

Það varð einnig ljótur leikur hjá sumum sem þarna mættu og voru virkir á þessum fundum en notfærðu sér athyglina til að ota sér áfram í pólitík. Þarna tókst þeim það óþverraverk að reka pólitískan fleyg í raðir vinstri manna á þingi.

Það mjóaði oft munu að vargarnir eyðilögðu þennan rétt almennings með skrílslátum. Ekki voru ýmsir þekktir og óþekktir barónar til fyrirmyndar þegar þeir þustu út af bjórkránum seint á síðkvöldum.

Þeir settu í raun blett á þessar heiðarlegu mótmælaaðgerðir allsgáðra kjósenda með algjörlega óhugsuðum ólátum. Þessir kónar hafa aldrei beðist afsökunar á ómennsku sinni. 

Það er fullkomlega eðlilegt að þeir sem hafa verið stjórnendur þjóðarinnar og hafa með hættulegum stjórnarháttum sínum komið almenningi og þjóðinni í voða. Finni fyrir slíkum viðbrögðum þjóðarinnar.

En vettvangur slíkra aðgerða verða að vera við starfsstöðvar þessa fólks en ekki við heimili þeirra þar sem slíkar aðgerðir bitna þá á saklausi fólki og jafnvel á börnum. Skemmdarverk eru bara glæpsamleg ómennska hvort sem það er á eigum fólks eða á fólki.

Ég er ákaflega hugsi yfir því sem lögmaðurinn sagði í sjónvarpi. Hann fór yfir strikið að mínu mati.

Ósannað hverjir voru að verki

Telja ekki fjárfestingu í heilbrigðis- og menntamálum arðbæra

• Dæmigerð nálgun samtaka atvinnurekenda á Íslandi sem vilja halda samneyslunni í lágmarki og að ýmis grunnþjónusta færist í einkarekstur.

Nú þegar ríkissjóður og almenningur er búinn að moka þúsundum milljarða til að bjarga einkarekstrinum undanfarin ár eftir hrunið.

Vilja þeir að almenningur klári að greiða upp skuldir ríkissjóðs sem til urðu vegna fjölda gjaldþrota í illa reknum einkafyrirtækjum.

Kannski svo borð verði fyrir báru næst þegar einkareksturinn tekur kollsteypu.

Það sérstaklega eftirtektarvert að heyra frá talsmanni þeirra að hann telur að öll innviða uppbygging verði að vera arðbær.

Hann telur ekki að uppbygging heilbrigðiskerfisins og eða skólakerfisins séu arðbærar.

Hann segir: „Það þarf að fara í arðbæra innviðafjárfestingu en við megum ekki slaka á þeirri kröfu að búa í haginn til mögru áranna. Og það gerum við með því að halda áfram að lækka skuldir ríkissjóðs.“

• Eðlilegast væri auðvitað að fyrirtækin í landinu tækju þátt í þeirri uppbyggingu, því hrunið í innviðum samfélagsgerðarinnar eru að mestu vegna óráðsíu einka fyrirtækjanna fyrir hrun og vegna krafna þeirra um niðurrif í samneyslunni.
  *
• Allir eru sammála um að greiða þurfi niður erlendar skuldir þjóðarinnar þó ekki væri nema vegna ofurhárra vaxtagreiðslna þeirra vegna. En fyrirtækin og eigendur þeirra eru sjálfir ekki tilbúnir að taka þátt í því verkefni.

Útgjöldin aukist ekki um 90 milljarða

Forsætisráðherra hafnar fullyrðingu SA um að loforðin í stjórnarsáttmálanum auki útgjöld ríkissjóðs um 90 milljarða. SA segir að leggja verði mesta áherslu á að greiða niður skuldir ríkissjóðs.

RUV.IS

 

Útgjaldaaukning ekki öll í einu