Hin gamla krafa er í fullu gildi

• Að laun verkafólks dugi fyrir þörfum þeirra.

Í dag fögnum við kjöri Drífu Snædal í hlutverk forseta ASÍ. Það er von mín að með henni og nýju forystufólki í fjölmennustu verkalýðsfélögunum innan ASÍ blási ferskir vindar réttlætis í íslensku samfélagi er leiði til jafnari lífskjara milli stétta en verið hefur síðustu áratugi.

Einnig má geta þess, að nú hefur verið kosinn nýr formaður hjá BSRB og hjá kennarasamtökunum. Vonandi geta þessir nýju forystumenn gerst þeir brúar-smiðir sem lengi hefur verið beðið eftir til að brúa bilið  á milli launafólks á almennum vinnumarkaði  og hjá hinu opinbera.

Fyrir mig er það gleðilegt að Drífa skuli hafa verið kjörin. En fyrir sléttum 30 árum á mínu síðasta ASÍ þingi haldið í Kópavogi flutti ég tillögur að lagabreytingum í þá veru m.a. að jafna hlut karla og kvenna í miðstjórn ASÍ.  

Samþykkt var ákveðin málamiðlun um breytingar á lögum ASÍ í þessa veru. En  þessi nýju lög voru brotin strax á þessu þingi og konur sögðu ekki eitt einasta orð.  Nú sýnist mér að þetta kynja jafnréttisákvæði hafi verið eytt ú lögum ASÍ um miðstjórn þess.

Drífa: „Róttækni er hressandi“

Áróður sem stangast á við íslenskar rannsóknir

• Bendi ég hér á erindi 
  
  

Stefáns Ólafssonar

Hér er erindi mitt á þingi ASÍ í morgun. Það byrjar á mínútu 1:22:40. Fjallar um kjarasamhengið, ójöfnuð, skattabreytingar, bætur og afkomu launafólks. Erindið skýrir og réttlætir þá kröfugerð sem komið hefur fram hjá Starfsgreinasambandinu og VR og Landsambandi verslunarmanna:

https://livestream.com/accou…/11153656/events/8425306/player

Það þarf að fara fram í tímann a myndbandinu til að finna erindið á 1:21:50 í mynd ásamt glærum Stefáns um efnið. Þetta erindi er mjög vel framsett.

 

Jöfnuður á Íslandi aukist síðustu ár

Verkalýðshreyfingin er aðeins að biðja um skattajafnrétti og meira launajafnrétti

• Í hátíðarræðu um árið, sagði skáldið eins og upp úr þurru, „Þar skeit sú beljan sem ekkert rassgatið hafði“
  *
• Það er auðvelt að minnast þessara orða þegar maður heyrir í hagfræðingum sem tala eins allt sé í góðu lagi í samfélaginu.

Það ríkir engin þjóðarsátt í íslensku þjóðfélagi þegar kemur að lífskjörum láglaunafólks. Það ríkir gríðarlegt launamisrétti, það er ekki bara vegna mjög hárra launa toppana í opinbera geiranum. Það er miklu fremur vegna gríðarlega hárra launa toppana í einkageiranum. Topparnir sem eru með ofurlaun án þess að vinna fyrir þeim.

Þá ríkir einnig skelfilegt skattamisrétti, skattar hafa sífellt hækkað á láglaunafólki allar götur frá 1996 þegar fjármagnstekjuskattur var tekinn upp. Þetta jafnaðist aðeins í 3 ár eftir hrun en síðan hefur þessi þróun haldið áfram.

Verkalýðsfélögin geta ekki gert beinar kröfur um lagabreytingar og fylgt þeim eftir. Þeirra eina leið er að gera launakröfur og þá hafa samtök fyrirtækjanna gjarnan kropið við fótskör ríkisvaldsins og hrópað á hjálp. Það er leið launafólks til að knýja fram eðlilegar og sanngjarnar lagabreytingar.

Það er hrópandi mikilvægt að minnka verulega misréttið í landinu svo það náist sanngjörn þjóðarsátt. Slík sátt verður að ná til launajöfnunar og skattajafnréttis. Ekki er ásættanlegt að skilja einhverja eftir eða búa til gervi launaflokka. Öðru vísi skapast ekki sátt og breytir þá engu hvað þessi skeggi segir.

Hvorki VR eða Starfsgreinasambandið hefur krafist að laun allra hópa hækki í launum. Krafan er um að lágmarkslaun fari í 425 þúsund á mánuði og það nær ekki einu sinni meðal markaðslaunum ófaglærðra verkamanna.

Það er þá algjörlega í valdi einstakra fyrirtækja hvort þau vilja hækka laun manna sem eru á háum markaðslaunum.

Það er þar sem vandinn liggur í launakerfinu, stórir hópar fólks eru með nettó-laun sem eru við 250 þúsund króna markið og slíkt gengur ekki upp.

Auk þess húsnæðisvandi láglaunafólks er hrikalegur er bitnar fyrst og síðast á börnum og ungmennum okkar samfélags. Á meðan fjölmargir aðrir eru með margföld laun og greiða litla skatta.

Stefán Ólafsson

Hér er erindi mitt á þingi ASÍ í morgun. Það byrjar á mínútu 1:22:40. Fjallar um kjarasamhengið, ójöfnuð, skattabreytingar, bætur og afkomu launafólks. Erindið skýrir og réttlætir þá kröfugerð sem komið hefur fram hjá Starfsgreinasambandinu og VR og Landsambandi verslunarmanna:

https://livestream.com/accou…/11153656/events/8425306/player

 

 

VISIR.IS

 

Aldrei heppnast að óska eftir miklum kjarabótum við enda hagsveiflunnar - Vísir

Ásgeir Jónsson dósent í hagfræði við Háskóla Íslands segir að það hafi aldrei heppnast hjá verkalýðsfélögum að fara fram á miklar kjarabætur á þeim tímapunkti þegar hagkerfið er á enda hagsveiflunnar og á leið í niðursveiflu, eins og staðan sé núna.

Samtal heldur áfram vegna hárra launa

Það ríkir launa- og skattamisrétti á Íslandi

Þessi mynd minnir mig á móðursystur mínar sem sendar voru suður til Reykjavíkur í Defensor að vaska fisk vart fermdar í fyrstu ferð.

Þær áttu heima á Hellsissandi þar sem var landlæg fátækt og komu frá mjög fátæku og barnmörgu heimili.

Móðir mín sem var miklu yngri var send suður 12 ára til að gerast vinnukona á heimili embættismanns í Reykjavík.

Um lífskjör kvenna á þessum tíma sem myndin er tekin má m.a.lesa um í ævisögu Jóhönnu Egilsdóttur. M.a. var tímakaup kvenna þá helmingi lægra en karla. Síðan má giska á hver laun unglings stelpnana voru.

• Er svona ástand á Íslandi nú?
  *
• Jú því miður, bæði öryrkjar búa við launalega kúgun komist þeir í einhverja vinnu og síðan erlent verkafólk.
•  

Sólveig hjólar í ritstjóra Markaðarins

Það væri heillaráð

• Það væri velviðeigandi í umhverfisvænu landi.

Að bannað væri að selja hvers kyns ropvatn og allar gerðir af safa nema í endurnýjanlegum

umbúðum með ríflegu skilagjaldi.

 

Jafnvel mætti gera slíkur kröfur um hvers konar matargums

sem yrði þá sett t.d. í gler eða samsvarandi.

 

Flöskur og krukkur væru þá þvegnar á milli og notaðar aftur og aftur.

Dýrara, já vissulega væri það dýrara og minnkar kanski neyslu á þessari óhollystu

Kirkjan tekur afstöðu í umhverfismálum

Þetta eru góðar fréttir sem ég hef verið að bíða eftir

,,Öryrkjabandalag Íslands og Efling stéttarfélag hafa ákveðið að berjast saman fyrir bættum kjörum. Þetta er í fyrsta sinn í áratugi sem verkalýðshreyfingin og örorkulífeyrisþegar taka höndum saman í kjarabaráttu".

Þetta þýðir í raun að Öryrkjabandalagið kemst nú í samstarf með Starfsgreinasambandinu og VR. Nú bíð ég bara eftir stuðningsyfirlýsingu frá kennurum, BSRB og BHM sem hlýtur eiginlega að fylgja í kjölfarið.

„Stefán Ólafsson, prófessor í félagsfræði og sérfræðingur hjá Eflingu, segir að lágmarkslaun verði að vera skattlaus“. Ég myndi vilja orða þetta þannig, að persónu afsláttur dygði til að greiða skatta af lægstu virku launatöxtum fólks eftir 7 ára starf eða 25 ára og eldra.

Að persónuafsláttur yrði tekjutengdur.

RUV.IS

 

Lágmarkslaun verði að vera skattlaus

Öryrkjabandalag Íslands og Efling stéttarfélag hafa ákveðið að berjast saman fyrir bættum kjörum. Þetta er í fyrsta sinn í áratugi sem verkalýðshreyfingin og örorkulífeyrisþegar taka höndum saman í kjarabaráttu. Stefán Ólafsson, prófessor í félagsfræði og sérfræðingur...

Stjórn­völd í herferð gegn tekjulágum

Það er verið að reyna afvegaleiða umræðuna um lífskjörin

• Þessi umræða um kostnaðarmatið er ansi sérkennileg
  *
• Foringi samtaka fyrirtækjanna vill að verkalýðsfélögin fjalli um fyrirtækin
  sem þau væru ríkisstofnun sem þau eru ekki.

Kostnaður í rekstri fyrirtækja er ekki á könnu launafólks og það fær raunar litlu um hann ráðið. Þannig verður það alltaf.

Líklega eru einnig afar skiptar skoðanir um ýmiskonar kostnaðarliði í rekstri fyrirtækjanna milli launafólks og eigenda fyrirtækja sem eru eins misjöfn og þau eru mörg.

• T.d. félagsgjöldin sem launafólk greiðir til fyrirtækjasamtakanna, er ætti eðlilega að leggja niður og að eigendur fyrirtækjanna greiddu sjálfir þennan kostnað úr eiginn vasa
  *
• Launafólk fær heldur engu ráðið um óþarfan fjárfestingakostnað en eigendur fyrirtækjanna demba fyrirtækjunum gjarnan í yfirþyrmandi skuldir
  *
  
• Verkefni verkalýðsfélaganna er aðeins að hugsa um lífskjör starfandi launafólks
  
  og þeirra sem eru af einhverjum ástæðum óvinnufærir og eða komnir á aldur.

RUV.IS

 

Kostnaðarmat VR liggur fyrir í næstu viku

Formaður VR segir Samtök atvinnulífsins ekki ráða því hvenær kostnaðarmat á kröfugerð verkalýðshreyfingarinnar verði kynnt. Það liggi þó þegar fyrir. Framkvæmdastjóri Samtaka atvinnulífsins segist opinn fyrir því að vinnuvikan verði stytt. Fyrsti fundur samninganefnda þei...

„Menn lifa ekki á kostnaðarmötum“

Það er eitthvað bogið við þetta braggamál

• Það er enginn vafi á, að braggamálið er mjög alvarlegt klúður, hjá stjórnsýslu borgarinnar
  *
• Einnig er auðvelt að draga fram fjölmörg önnur dæmi um álíka framúrkeyrslu. Það dregur vissulega ekkert úr alvarleika málsins. 

Það er einnig ljóst að fulltrúar tveggja flokka í minnihluta borgarstjórnar vilja nota þetta mál til að þjarma að borgarstjóra.

Þeir leggjast svo sannarlega ansi lágt þótt ekkert eigi í sjálfu sér að hlífa þeim borgarfulltrúum sem bera ábyrgð. Fyrir þessu minnihlutafólki virðist þetta mál bara vera pólitískt skemmtiefni.

En þetta virðist reyndar vera eins og landlægur sjúkdómur hjá borginni. Áratugum saman hefur þrifist allskonar spilling sem tengist mörgum stjórnendum stofnanna borgarinnar. Ekki síst á blómatíma Sjálfstæðisflokksins í borgarstjórn.

En slíkt þrífst einnig hjá einkarekstrinum í stórum stíl og ekki er farið leynt með þá spillingu sem þar fer fram.

Stórtækir eru svo nefndir eigendur fyrirtækja er þeir stela ómældum verðmætum út úr fyrirtækjunum eins og ekkert sé, fyrir framan augun á launafólki.

Það er vonandi að nú verði tekið á þessum vanda borgarinnar og að allir standi saman að lagfæringum.

Eftirtektarvert er að enginn úr þessum tveimur flokkum lítur á eða tekur alvarlega eitt og annað sem Sanna hefur verið að benda á, sem að mínu mati er í raun enn alvarlegra.  

Öll þessi spilling bitnar á þeim sem síst skildi og borgin á að hafa mikla ábyrgð á.

„Svei þér Eyþór Arnalds“

Hversu hollir eru bananar með öllum sykrinum?

Bananar eru mjög næringarríkir, meðal annars er mikill mjölvi í þeim auk þess sem þeir eru mettandi.

Þeir eru líka mikilvæg uppspretta A-, B- og E-vítamína og í þeim er mjög mikið af steinefnum eins og fosfóri, járni, kalki og sinki. 

Það er auðvelt að melta banana og þeir eru því góð fæða fyrir þá sem stundum fá nánar tilteknar meltingartruflanir.

Bananar koma upphaflega frá SA-Asíu og Ástralíu en nú er hægt að rækta þá í næstum hvaða hitabeltisumhverfi sem er. 

Næringargildi í 100 g

Orka	90 kcal
Prótein	1,2 g
Fita	0,3 g
Kólesteról	0 g
Kolvetni	20,2 g
Trefjar	1,8 g

• Það er 20% kolvetni í banönum af því er sykurinnihald mjög mikið sem veldur auðvitað auknum sykri í mannslíkamanum og síðar fitu
  *
• Er stóreykur hlutfall vonda kólesterólsins í líkama fólks. Bananar eru mjög fitandi
  *
• Er hugsanlegt að í einum banana sé sem samsvarar einni matskeið af hvítum sykri?

 

Sturlaðar staðreyndir um banana

Dylgjur hafa ætíð verið ær og kýr Moggans

• Enn einu sinni gengur Moggi fram um að reyna að reka fleyg í starfsemi verkalýðsfélaga ef um er að ræða róttækt félag
  *
• Félag sem er líklegt til þess að hafa mikil áhrif t.d. í kjarasamningum.

Það er dylgjað og sagðar vafasamar sögur, sem til eins að reyna að skapa óróa og óánægju. Tilgangurinn helgar meðalið. Morgunblaðið er hagsmuna aðili enda að mestu í eigu atvinnurekenda og svo sannarlega verkfæri í þeirra höndum.

Enginn hallarbylting hefur átt sér stað hjá Eflingu þótt nýr formaður með mjög ákveðin pólitísk viðhorf í verkalýðsmálum hafi verið kjörinn með miklum yfirburðum. Eftir að fráfarandi formaður sagði af sér, maður sem var alltaf þekktur fyrir einstaka deyfð í kjarabaráttu verkafólks.

Það segir sig einnig sjálft að slík breyting á forystumanni hefur áhrif á ýmsa sem hafa starfað um langt árabil í deyfðinni. Það er bara eðlilegt.

Einnig hitt að nýr formaður verður að sækja sér styrk með nýju fólki með nýjum áherslum og eru ásamt nýjum formanni boðberi nýrra tíma. Einnig hefur formaðurinn eðlilega sótt sér fræðilega þekkingu á kjörum launafólks í baklandið.

Þetta eru bara eðlilegir byrjunarörðuleikar sem eiga eftir að batna. Eðlilegt er einnig að mjög fastar venjur séu um meðferð fjármála og að stjórn hafi fjallað um og samþykkt alla stærri reikninga.

Ljóst er á háttarlagi Moggans er að hinir skattlausu aðilar í samfélaginu óttast mjög um hag sinn og þær breytingar sem eru að verða í verkalýðsbaráttunni og tök samtaka atvinnufyrirtækja landsins á ASÍ hafa rýrnað mjög að undanförnu .

Ljóst er á hræðsluáróðri Moggans, að Efling og VR ásamt fleiri félögum eru á réttri leið út úr þeim ógöngum sem verkalýðshreyfingin hefur verið stödd í síðustu 30 árin eða svo.

 

Forystan gagnrýnd harðlega