Hótel - bossar vilja að launafólk greiði af lánum fyrirtækjanna

• ,,Ólaf­ur Torfa­son, stjórn­ar­formaður Íslands­hót­ela, seg­ir mikl­ar launa­hækk­an­ir óraun­hæf­ar í ís­lenskri ferðaþjón­ustu". 

Vandi þessarar atvinnugreinar er auðvitað gríðarleg skuldsetning og himinháar vaxtagreiðslur. Þá er gerð krafa um mjög miklar arðgreiðslur til hluthafa. 

Til­efnið er meðal ann­ars yf­ir­lýs­ing­ar nýrra verka­lýðsfor­ingja um að lág­launa­fólk hafi setið eft­ir.

• „Maður heyr­ir tón­inn í nýja for­ystu­fólk­inu. Það á að beita öll­um til­tæk­um ráðum til að ná fram betri kjör­um og hærri laun­um. Auðvitað hef­ur maður áhyggj­ur af því ef langt verður gengið í þess­um efn­um.“

Vissulega er greiðsluvandi flestra hótela mikill en laun til starfsfólks eru einnig skammarlega lág. Það er bara eðlilegt að vinnulaun séu sambærileg þeim sem greidd eru í nálægum löndum.

Kr. 300 þúsund í grunnlaun eru of lág laun fyrir einstakling til að lifa á þeim, svo ekki sé talað um ef fólk er með börn í framfærslu.

Ekki var það launafólk skuldsetti þessi fyrirtæki sem eru nánast öll byggð upp í skuld. 

Óraunhæfar launakröfur

Að kenna öðrum um

• Alþingismenn, ráðherrar og ýmsir opinberir ráðamenn hafa hneykslað almenning á því hvernig þessir aðilar hafa getað makað krókinn með skattfé almennings
  *
• Auðvitað telur fólk eðlilegt að þessir aðilar séu á góðum launum, en að það sé farið frjálslega með skattfé almennings er ólíðandi.

En fyrirkomulag á kjörum þessara aðila tekur mið af launum fyrirmanna í sjálfu atvinnulífinu. Forstjórar fyrirtækjanna og framkvæmdastjórar eru með mun hærri laun.

Einnig forystumenn samtaka atvinnurekenda og einnig forystumenn í stærstu samtökum launafólks. Þetta eru einmitt aðilar sem kasta nú grjóti út úr glerhúsi.

Ekki ætla ég að verja stjórnmálamennina og eða excel-kjöl þeirra. Hvernig þeir vinka þeim framan í forystumenn í t.d. ASÍ.

• Valdið er og á að vera hjá félagsmönnum og hjá verkalýðsfélögum þeirra í kjaramálum. Þessu vilja margir gleyma.

En það vill bara svo til, að ASÍ menn sjálfir nota excel-skjöl til að að mikla sinn árangur og hafa haft lítinn áhuga á launum fólks sem hefur minna en 300 þúsund á mánuði.

Bara í þessari grein gerir fyrrum miðstjórnarmaðurinn til margra ára í ASÍ, Guðmundur sig sekan um slíkt hið sama.

Nú fyrir örfáum dögum upplýsti eftirmaður Guðmundar núverandi formaður rafiðnaðarmanna um kjarastefnu þeirra sem fer algjörlega gegn þeirri stefnu sem nýir foringjar verkalýðsfélaga í Reykjavík boða.

Þetta er furðuleg grein, hann vill ekki viðurkenna að reiði fólks snýr fyrst og fremst að forystumönnum í ASÍ nú eins rétt eftir hrunið.

Þegar þessir miðstjórnarmenn tóku sér stöðu gegn hagsmunum launafólki í vaxta- og verðtryggingamálum. Er varð til þess að hrunið fór miklu verr með launafólk en annars hefði þurft að verða.

Guðmundur er einn þeirra sem hafa staðið að Salek fyrirbærinu sem gengur út á skerðingu á samningsfrelsi fjölmargra verkalýðsfélaga og skerðir mjög verkfallsréttinn.

Sumir eiga að hafa samningsrétt en ekki allir. Réttur opinberra verður skertur verulega ef þetta nær að ganga eftir. Ef stéttir fara í verkföll er það ekki bara launafólki um að kenna. Það koma tveir aðilar að öllum lífskjarasamn-ingum

Guðmundi ferst þetta grjótkast sitt.

Alþingismenn sem eru að misnota aðstöðu sína á að rassskella á Lækjatorgi á föstudögum kl 13:00.

Hingað og ekki lengra

Það er greinilegt á umræðum innan verkalýðshreyfingarinnar að Alþingi er með ríkisstjórnina í broddi fylkingar búið að ganga kirfilega fram af launamönnum, ekki síst þeim hópum sem liggja á lágmarkstöxtum kjarasamninga. Kornið sem fyllti mælinn er…

STUNDIN.IS

 

Staða Gylfa aldrei verið veikari

Ný nálgun í kjaramálum

• Með því að hagfræðingar komu til starfa hjá ASÍ og urðu þar allsráðandi varðandi kjaramál varð kúvending innan sambandsins er varðar umræðu um öll kjaramál.
  *
• Nú var farið að ræða um málin með hagfræðina að leiðarljósi. Það skelfilegasta varð þegar hagfræðingar með engar rætur í hreyfingunni voru gerðir að forsetum ASÍ.
  *
• Koleggar frá báðum aðilum á vinnmarkaði voru farnir að véla um kjaramál. Bæði frá atvinnu-rekendum og launafólki.

Ef gerðar voru sérstakar ráðstafanir vegna láglaunafólks sem gátu breytt öllu hjá fátæku fólki á íslenskan mælikvarða hreyfði það ekki kaupmáttinn upp á við í viðmiðunarvísitölum sem nokkru nam og máli skipti, þ.e.a.s. breyttu litlu í meðaltölunum.

Þótt eðlilegt sé, að vextir á venjulegum neyslu- og hverskyns rekstrarlánum séu með frjálsum vöxtum. Er jafnframt algjörlega út úr kú að grunn húsnæðislán séu með hærri vöxtum en 1,5 – 2% vöxtum enda lánin verðtryggð.

Einnig er nauðsynlegt að skoða gaumgæfulega þá vísitölu sem lán eru bundin við. En lán yfir grunn mörkum eiga að vera á frjálsum lánamarkaði.

Þá skipta ýmiskonar gjöld í heilbrigðiskerfinu, í skólakerfinu, skólagögn í grunnskólum, það að leikskólinn skuli ekki vera rekinn á sama hátt og grunnskólinn, persónuafsláttur og eitt og annað meira máli fyrir láglaunafólk en % hækkanir á launum fólks sem hefur laun við 300 þúsund á mánuði.  

Það varð ljóst í maí 1983, að það varð viðsnúningur í vaxtamálum þegar vextir í bankakerfinu voru gefnir frjálsir til viðbótar við fulla verðtryggingu húsnæðislána í sjö ár þar á undan.

ASÍ brást launafólki alvarlega einkum láglaunafólki og tók hagsmuni lífeyrissjóðanna fram yfir þetta vor. ASÍ brást einnig láglaunafólki 1998 þegar verkamannabústaðakerfið var lagt í rúst og allt félagslega húsnæðiskerfið í leiðinni. Vissulega var þörf á uppfærslu laganna en ekki að leggja það niður.

Það er rétt sem Ragnar Þór segir, en eru svo sem engin ný tíðindi, sannindi sem voru sögð strax við aðför ríkisstjórnarinnar að verklýðnum í landinu vorið 1983.

Það er ódýrara fyrir samfélagið að bæta lífskjör láglaunafólks einkum barnafólks í þeim hópi með slíkum hliðarráðstöfunum er ekki hafa áhrif á verðlag og vísitölur.

Dýrasta leiðin er sú vegferð sem farin hefur verið í síðustu 25 árin. Sem er að hreppa barnafólk í fjötra og láta það fara á hliðina vegna slakra kjara.

Afleiðingar hafa sýnt  sig í fátækt hjá fjölda fólks, afleiðingar sjást m.a. í grunn-og leikskólum en einnig í félags- og heilbrigðiskerfinu.

„Það kostar ekkert að lækka vexti“

Kosningaskjálfti í forystu Eflingar

• Líklegt er að nýtt fólk sem býður sig fram til stjórnar hafi hreyft harkalega við forystu Eflingar.

Hvernig sem kosningarnar fara mun Sólveig Anna Jónsdóttir vinna sigur í kosningunum til stjórnar Eflingu. Nú verandi stjórn sem hefur verið þekkt fyrir baktjalda aðferðir sínar undanfarin ár ætlar nú að sækja fram í kjarasamningum nú í vor.

Sólveig Anna segir að verkafólk sé búið að fá nóg af því að vinna mikla og erfiða vinnu fyrir lítinn pening. Sjálf sé hún rúmlega fertug á lægstu mögulegu launum og fái 250 þúsund krónur útborgaðar. „Það er bara gríðarlega stór hluti fólks hér, lágstéttarfólk, verkafólk, sem lifir lífi sem er ekki lengur hægt að sætta sig við. Við vinnum undir miklu álagi, allskonar erfiðisstörf fyrir laun sem duga ekki til að lifa af. Við þurfum oft að vera í fleiri en einni vinnu,“ sagði Sólveig Anna á dögunum.

Efling hefur árum saman siglt sjó markaðslaunakerfisins í þágu atvinnurekenda.

 

Efling kýs að segja upp samningum

Jákvæð og afgerandi stefnubreyting hjá íslenskum stjórnvöldum

• Íslensk stjórnvöld höfnuðu í dag umsókn flugfélagsins Atlanta um hergagnaflutninga til Sádi Arabíu. 

Katrín Jakobsdóttir forsætisráðherra fékk að sjá innslagið úr Kveik fyrr í dag en hún þekkti ekki til málsins áður.

„Við erum búin að vera að fara yfir málið í stjórnkerfinu og það liggur fyrir að um þetta gildir ákveðið regluverk þ.e.a.s. það eru veittar undanþágur frá loftferðalögum fyrir hergagnaflutninga á borð við þessa.

Þar gilda annars vegar þær lagalegu skuldbindingar sem við erum bundin af og hins vegar pólitísk sjónarmið þar sem skiptir auðvitað máli hver er endastöð vopnanna.

Þannig að það liggur fyrir að þetta flugfélag, sem um ræðir, það hefur núna sótt um nýja undanþágu. Utanríkisráðuneytið hefur í dag veitt neikvæða umsögn um þá undanþágu í ljósi þessarar stöðu“, segir Katrín. 

Katrín er varfarin í umræðunni um þessi mál en í viðtali við hana í kvöld ræddi hún um þörfina á því að breyta reglugerðum svo framkvæmd stjórnvalda endurspegli anda samþykkta Sameinuðu þjóðanna.

Þetta er pólitísk stefnubreyting.

Telur íslensk stjórnvöld hafa brugðist

Almenningsálitið sigrar Alþingismenn

• Það var komið fram við Ásmund af kurteisi, en leyndarhyggja þingsins orsakar það að Ásmundur lendir í kastljósi allra fjölmiðla nema moggans
  *
• Auðvitað eru fleiri þingmenn sem njóta ferða- og húsnæðisstuðnings. Allt hlutir sem þurfa að vera uppi á borðum og fastar reglur að vera um, þá eftir kjördæmum. 

Það er ljóst að alþingismenn eru nú á hröðum flótta undan almenningsálitinu vegna ýmis kostnaðar sem þeir hafa getað reiknað sér. Er þá aksturskostnaður þeirra mest áberandi en einnig annar búsetukostnaður.

Dæmið um Ásmund Friðriksson er auðvitað skammarlegt fyrir alla þingmenn. Samkvæmt útreikningum Fél. Ísl. bifreiðaeig. (FÍB) fyrir Morgunútvarpið á Rás 2 kostar það Ásmund Friðriksson, þingmann Sjálfstæðisflokksins, rúmlega tvær milljónir króna á ári að reka Kia Sportage-bíl sinn miðað við notkun hans í fyrra.

Það er um 2,6 milljónum króna minna en Ásmundur fékk í aksturskostnað frá Alþingi árið 2017 en greiðsla til hans vegna þess nam 4,6 milljónum króna. Ásmundur hefur nú bakkað með spillinguna.

Því bæði Ásmundur og fleiri þingmenn hafa farið í vörn fyrir þetta siðleysi hans, maður fær á tilfinninguna að líklegt sé að öll þessi mál séu í óreiðu og skipulagsleysi. Það getur ekki verið eðlilegt að setja þingmenn í svona stöðu. Það þarf að setja faglegan starfshóp til að fara yfir öll þessi mál.

Einnig að sérstakur starfsmaður annist þessar greiðslur sem fara eftir föstum reglum og haldið skipulagt bókhald yfir útgreiðslur. Þingmenn eiga ekki að hafa tekjur af þessum þætti. Það er óhæfa að fólk geti siss svona bara komið með reikninga og fengið þá greidda eins og ekkert sé.

Þá þarf að setja reglur um hversu margar ferðir þingmenn fái greiddar fyrir að fara um kjördæmi sitt sem eru misjafnlega stór. Einnig hversu mikinn kostnað þingið greiðir vegna ferða þingmanna til lögheimilis síns búi þeir utan við stór-Reykjavíkur svæðið. Einnig er nauðsynlegt að fara yfir aðra kostnaðaliði.

Þá er eðlilegt að menn í sama kjördæmi geti sameinast um bíla þegar þeir eru á ferð um kjördæmið til að hitta kjósendur (flokksfélaga sína). En rétt er að halda því til haga að þetta eru nær alltaf fundir með flokksfélögum á skipulögðum fundum. Það er lítið um það að almenningur komi á slíka fundi.

Ásmundur leggur einkabíl sínum - Vísir

Ásmundur Friðriksson þingmaður ætlar að fara á bílaleigubíl.

VISIR.IS

 

Telur fréttaflutning jaðra við einelti

Hvenær er maður læs og hvenær ekki? Hvernig getur einhver talist ólæs þegar hann getur lesið?

• Ég birti þennan þátt hér því ég held að hann skipti miklu máli í umræðunni um getu nemenda í samræmdum prófum

Sæl verið þið ágæta grunnskólaáhugafólk, þegar maður hlustar á þetta samtal vakna margar spurningar er snerta óneitanlega frammistöðu grunnskólanemenda á samræmdum prófum eins og Písa.

Þ.e.a.s. að nemendur eru að taka próf í íslensku m.a. í lestri á íslenskum texta sem þau tala ekki almennt í samskiptum við aðra.

Á tungumáli sem er jafnvel sjaldnast töluð heima hjá mörgum nemendum. Þá koma koma fram fjölmörg önnur atriði sem eru örugglega áhrifavaldar á prófum.

Það virðist augljóst, að í gegnum árana rás hefur viðmiðið breyst um hvenær menn teljast læsir og hvenær ekki. Eða er það raunverulega svo? Getur verið að viðmiðin um þetta sé ansi misjöfn eftir þjóðum.

Einnig að hið talaða íslenska mál hafi breyst svo mjög að nemendur í skólum, lesi úr skólabókum gjörólíkt mál en það sem þeir nota í sínu daglega lífi.

Að öll próf skólanna fari fram á slíku máli sem er nemendum ekki eiginlegt að öllu leiti sem slíkt. Þar með talin samræmd próf eins og ,,Písa"

Getur þetta talist vera eðlilegt?

Samtal - Halla Kjartansdóttir
Á sínum tíma voru helstu rökin fyrir sjálfstæði Íslands sótt í sjálft tungumálið - íslenskuna. Hún væri móðurtungu Norðurlanda og hefði alið af sér bókmenntir sem væru einn af hornsteinum...

Sarpurinn - nýjustu þættir í flokk

Á sínum tíma voru helstu rökin fyrir sjálfstæði Íslands sótt í sjálft tungumálið - íslenskuna. Hún væri móðurtungu Norðurlanda og hefði alið af sér bókmenntir sem væru einn af hornsteinum evrópskrar menningar. En hvernig horfir málið við nú einni…

RUV.IS

 

Allir eru ábyrgir fyrir skólakerfinu, ekki bara sumir

• Nú er kominn fram enn ein skýrslan um stöðu nemenda í íslenskum grunnskólum
  *
• Nú er það samnorræn skýrsla sem væntanlega notar sömu viðmið og „písa“
  *
• Nú stíga menn fram með ýmis gífuryrði.En íslenskir nemendur eru ekki nema í meðaltali í getu samkvæmt þeim mælikvörðum sem notaðir eru.

Ekki ætla ég mér að fara í vörn fyrir þá stöðu sem ljós er, en ég veit ekki hvort um raunverulega afturför er að ræða ef tekið er viðmið frá því um 1970 þegar allir voru sagðir læsir.

Hvað er að vera læs? Mælikvarðinn um það er örugglega gjörbreyttur og hefur breyst á örstuttum tíma.

En grunnskólar á Íslandi eru líklega með öðru og fjölbreyttara inntaki er gerist og gengur hjá hjá viðmiðunarþjóðunum og alltaf er verið að troða nýjum og nýjum viðfangsefnum inn í skólanna sem kemur niður á kennslu í eldri námsgreinum.

Skólinn hefur að stórum hluta tekið við uppeldishlutverki heimilanna, lífsbaráttan á Íslandi er sérkennileg og erfið ef miðað er við Norðurlöndin.

Vinnutíminn er langur hjá foreldrum og aðstoð foreldra við heimanám nemenda er víða mjög takmörkuð. Spurningin er hvort ekki eigi ekki leggja það niður.

Þetta með kostnaðinn við skólahaldið er einnig órannsakað, en ýmsir halda því fram að íslenski grunnskólinn sé dýrari en annarstaðar. Þá er vaknar auðvitað spurningin um hvað er reiknað inn í slíkan rekstrarkostnað í mismunandi löndum.

En held samt að það sé ekki fjármagnið sem veldur þarna mestu um. Það eru auðvitað fjölbreyttar ástæður fyrir þessu. Það er nauðsynlegt að rannsaka það og gera síðan úrbætur. En ekki verður skipt um tungumál.  

Hvað sem öðru líður, á getuleysi atvinnufyrirtækjanna á Íslandi ekki minnsta sök á þessu ástandi. Samtök og eigendur fyrirtækjanna þurfa svo sannarlega að líta í eigin barm vegna þessa máls.

Maðurinn er algjörlega úti að aka.

• Sérkennilegt mál í alla staði því svo virðist sem þessi ágæti þingmaður hafi bæði bíladellu og kunni að fara í kringum reglurnar um aksturs styrki Alþingis.

Þá er alkunna að Ásmundur Friðriksson heldur úti sjónvarpsþætti þar sem hann tekur viðtöl við ýmist rétttrúað fólk í kjördæmi hans. Ekki er ólíklegt að sjónvarpsþættir hans kalli á allnokkurn akstur um kjördæmið.

,,Félagi sem ég treysti vel fyrir útreikningum enda vel að sér í margföldunartöflunni og í þríliðu, reiknaði út að Ásmundur hafi ekið sem svarar til þriggja hringja umhverfis landið í hverjum mánuði árið um kring og setið undir stýri í sem nemur þriggja og hálfsmánaðar vinnu".

Ætli kallinn hafi mátt vera að því að sinna löggjafarsamkomunni? Hann hefur væntanlega ekið um landið uppstrílaður.

Síðan kemur siðleysið fram hjá Páli ríkisstarfsmanni:

„Góða fólkið er bók­staf­lega að ær­ast af vand­læt­ingu yfir því hvað Ásmund­ur Friðriks­son er dug­leg­ur að sinna sínu gríðar­stóra kjör­dæmi, sem er 700 kíló­metr­ar end­anna á milli og ámóta víðfemt og Dan­mörk,“ skrifaði Páll á síðu sína í gær­kvöldi".

Er nema von að illa gangi hjá Sjálfstæðismönnum að stjórna landinu ef þeir geta ekki skipulagt vinnu sína betur með kjósendum í kjördæmum sínum.

Þessir þingmenn flokksins geta örugglega haft með sér samstarf og eðlilegt skipulag þegar þeir heimsækja flokksfélaga sína og kjósendur sem gefa sig upp sem slíkir.

Greinilegt er, að fara verður yfir þessi aksturkostnaðarmál.

Það er auðvitað óeðlilegt að þingmönnum sé selt sjálfdæmi um að nota með þessum hætti skattfé launafólks ótæpilega. Það þekkist hvergi í samskiptum launafólks (sem þingmenn eru) við atvinnurekendur. Að launafólk geti farið svo frjálslega með fjármuni fyrirtækja og stofnana.

Er þingmaðurinn Ásmundur að varpa prófkjörskostnaði sínum á skattgreiðendur? Sú spurning vaknar eðlilega og er réttlætanleg. Almennan aksturskosnað þingmanna er nauðsynlegt að skoða nánar.

Þetta er farið að minna rækilega á brennivínsmálið hjá einum hæstaréttardómara um árið. Þar sem misnotkun átti sér stað samkvæmt dómi réttarins sem málið fór fyrir.

„Hef ekki fengið eina einustu athugasemd“

Ásmundur Friðriksson, þingmaður Sjálfstæðisflokksins í Suðurkjördæmi, fékk mestan aksturkostnað endurgreiddan frá Alþingi í fyrra eða rúmar 4,6 milljónir. Það gera um 385 þúsund krónur að meðaltali á mánuði. Ásmundur segist fara hundrað prósent eftir…

RUV.IS

 

„Góða fólkið er bókstaflega að ærast“

Eru svo nefnd frjáls viðskipti öll á hendi þrælahaldara af einhverju tagi?

• Bandarískir og Evrópskir þrælahaldarar halda fólki í ánauð víða um heiminn og þeir sem stunda slíka eða styðja slíka kúgun með því að eiga viðskipti við slík fyrirtæki taka þátt í kúguninni
  *
• Ég er ekki alveg saklaus af því að eiga viðskipti við slíka aðila. Maður veit nánast aldrei hvenær við hvern er verslað þegar vörur eru keyptar..

Vísir að svona óþverra viðgengst á Íslandi, íslendingar flykkjast í verslanir sem þessir auðhringar selja vörur sínar víðsvegar á Íslandi og erlendis sem eru framleiddar ánauðugu fólki.

Til Íslands er fluttur fjöldi fólks árlega sem starfar í landinu á mjög lágum launum, engin veit í raun hver lítil laun þessa fólks er í raun og hvort hluti launana er tekin til baka erlendis af starfsmannaleigunum. Vegna æ veikari stöðu verkalýðs-hreyfingar á Íslandi fær þessi starfsemi þrifist í landinu.

Og það er einnig áberandi að sömu aðilar, menn og fyrirtæki vilja leggja niður verkalýðsfélög. Gjarnan með þeim rökum að starfsmönnum vegnaði betur í samningum við fyrirtækin án aðkomu verkalýðsfélaga. Fyrirbærið markaðslaun á Íslandi er angi af þessari niðurbrotsstarfsemi fyrirtækjanna og íslensk verka-lýðsfélög taka þátt í ósómanum.

Það nokkuð ljóst hver kjör verkafólks eru þar sem verkalýðsfélög starfa af krafti og semja um raunveruleg lífskjör fólks. En semja ekki um einhverja gerfi launa-taxta. Og hver staða einstaklingsins er þar sem hann þarf að taka því sem fyrirtækið ákveður einhliða eða svelta ella. Þar sem fyrirtækjunum er veitt frelsi til að ákvarða laun og kjör fólks upp á eigið sjálfdæmi.

Um þetta eiga íslendingar auðvitað að hugsa þegar þeir eru að versla. Þessi starfsemi er nánast búið að berja niður alla íslenska iðnaðarframleiðsu. Það niðurbrot hófst strax með inngöngu Íslands í EFTA og hélt áfram með EES aðildinni. Íslendingar hafa skuldbundið sig til að hlýta yfirþjóðlegu valdi á flestum sviðum viðskipta. Fjölþjóðafyrirtækin stjórna hvers konar löggjöf í landinu er hefur áhrif á viðskipta stöðu þeirra á Íslandi.

Íslenskir ráðamenn hafa gengið erinda þessara aðila og þjónustað þessa fjölþjóðlegu hagsmuni stórfyrirtækjanna, ekki bara með því að láta í té orku á gjafverði sem er eitt megineinkenni slíkrar kúgunar, þar auðhringar fénýta erfðarauðæfi þjóðanna. Einnig með alskyns fríverslunarsamningum sem margfalda hagnað auðhringa frá ofangreindum ríkjum.

Nú er ekki bara íslenskur fatnaður af öllu tagi framleiddur af fólki í ánauð, einnig húsgögn og heimilistæki. Þá eru íslenskar bækur er íslenskir höfundar hafa skrifað einnig framleiddar af ánauðugu fólki. Nú ætla íslensk stjórnvöld að hygla þeirri starfsemi alveg sérstaklega.

• Eru það þrælar sem framleiða þau föt sem við göngum í, húsgögn og heimilistækin okkar og íslensku bækurnar?
  *
• Er ásættanlegt að fólk fái um það bil eina evru á dag er geti þess vegna verið 14 tíma hver vinnudagur, sex daga vinnuvika og engin hlunnindi sem íslendingum finnst eðlilegt að hafa. Vinnuumhverfismál í ólagi og vinnuslys mjög tíð. Launafólk í þessum heimi er algjörlega ótryggt.
  *
• Veikindalaun, orlof, fæðingarorlof, uppsagnarfrest, matar og kaffitíma, eftirlaun, t.d. atvinnuleysisbætur, eðlilegan aðbúnað á vinnustað og samnings og verkfallsrétt. 
  *
• Allt hlutir sem hafa komið út úr kjarasamningum íslenskra verkalýðsfélaga undanfarna áratugi.

Sauma fyrir H&M með 128 kr. á dag

Þær fá um 10 sænskar krónur á dag eða um 128 íslenskar krónur fyrir að sauma föt fyrir stórar verslunarkeðjur á borð við H&M. Þær fá enga veikindadaga greidda og ekkert orlof. Saumakonur í Eþíópíu eru óánægðar með þau kjör sem þeim er boðið.

MBL.IS

 

Sauma fyrir H&M með 128 kr. á dag