Útlendingum seld raforkan

• Síðan er ekkert eftir fyrir landsmenn.

Þetta er alveg ótrúlegt fyrirhyggjuleysi. Þetta ástand er ekki bara í Eyjafirði og væntanlega einnig í Þingeyjarsýslum innan tíðar. 

Sama ástandið er á Austurlandi, þar er ekki að leggja innlendum fyrirtækjum til raforku og væntanlega fer að vanta orku fyrir íbúa þessara svæða.

Æskilegir virkjunarstaðir er ekki ótakmörk auðlind. Almenningur er loksins að vakna upp við það að aðrir hagsmunir eru miklu ríkari en að selja erlendum stóriðjum raforku á útsöluverði.

Þeir norðanmenn geta auðvitað sjálfum sér um kennt.

 

 

„Endalausar kærur og ósamstaða“

Pólitík og leynimakk?

• Það er erfitt að skilja orð Arn­ars Árna­sonar sem er formaður Lands­sam­bands kúa­bænda, um skip­an nýrra full­trúa stjórn­valda í verðlags­nefnd búvara.

 

Því alla tíð hefur það verið eitthvert pólitíkst makk utan um þá nefnd sem hefur farið með miðstýrðar ákvarðanir um verð á búvörum og um styrki til handa bændum.

For­ysta bænda hef­ur gagn­rýnt Þor­gerði Katrínu Gunn­ars­dótt­ur land­búnaðarráðherra harðlega fyr­ir að skipa Þórólf Matth­ías­son hag­fræðipró­fess­or í nefnd­ina ann­ars veg­ar, og hins veg­ar Kristrúnu M. Frosta­dótt­ur, hag­fræðing hjá Viðskiptaráði.

Þórólfur er þarna skipaður sem fulltrúi neytenda tilnefndur af Félagamálaráðherra. Verkalýðshreyfingin hefur ekki treyst sér að tilnefna fulltrúa í nefndina vegna þess að bændur hafa misnotað veru þeirra í þessari nefnd í gegnum árin.

Að vísu á ég erfitt með að átta mig á veru fulltrúa frá Viðskiptaráði í nefndinni. En ég er ekki stuðningsmaður ráðherrans en átta mig á því að þörf er fyrir breytingar.

Málið er bara þannig, að fyrirkomulagið á verðlagningu á búvörum verður að standast málefnanlegrar gagnrýni frá hagfræðingum sem hafa til þessa gert athugasemdir við fyrirkomulagið. Ef allt stenst skoðun er allt í góðu annars verður að gera lagfæringar sem taka tillit til hagsmuna neytenda ekki síður en bænda.

Bændur eiga afurðarstöðvarnar og stjórna þeim. Bændur njóta mjög mikilla styrkja frá neytendum og fara afurðarstöðvarnar nú fram með offorsi og krefjast meiri ríkisstyrkja. Það gera þeir með því að lækka verð á framleiðsluvörum bænda, með óbeinni kröfu um að ríkissjóður hlaupi undir bagga með bændum. 

„Ráðstöfunin lyktar af pólitísku makki“

Ef Vinstri grænir leiða ríkisstjórn, lækka skattar á láglaunafólki

• Það sýna þessi línurit um breytingar á sköttum frá árinu 2013, þ.e.a.s. fyrri myndin
  *
• Sjálfstæðisflokkurinn hefur verið með skattaníðslu á venjulegu láglaunafólki frá 1997. Í 20 ár.

Fyrri myndin sýnir mjög skýrt hvernig Sjálfstæðisflokkurinn hefur lækkað skatta á hálaunafólki.

En myndin sýnir einnig hvernig þessi gamli yfirstéttarflokkur hefur hækkað skatta á láglaunafólki. Myndin sýnir einnig launaþróun þessara tveggja hópa þessi síðustu 3 ár.

Á mynd tvö má sjá að Davíð Oddsson byrjaði að skerða kjör láglaunafólks með umtalsverðum skattahækkunum frá árinu 1997. Það gerði hann vegna þess að það varð að bæta upp tekjutap ríkissjóðs vegna hins nýja fjármagnstekjuskatts sem var þá 10% heildarskattur af nettólaunum. Það línurit nær til 1990.

Katrín og Svandís leiða lista VG

Pólitískt keilukast ráðherra.

• ,,Þannig kom fram í Rík­is­sjón­varp­inu í fyrra­kvöld að ódýr­ara væri í sum­um til­vik­um að fljúga til útlanda en inn­an­lands".

Á ráðstefnunni rýkur fram okkar heitt elskaði bráðabirða samgönguráðherra og notar tíma sinn til að vera með pólitískan áróður um Reykjavíkurflugvöll.

Það er viðurkennt að skiptar skoðanir eru um staðsetningu flugvallar fyir innanlandsflugvöll á SV horni landsins.En ráðstefnan snýst um okurverð á flugleiðum en ekki um staðsetningu flugvallarins. Ef hann væri þingmaður fyrir sunnlendinga tæki hann allt annan pól í hæðina eða ef hann hefði aðra styrktaraðila.

Umræðan átti ekki að vera um flugvöllinn sem slíkan enda er það allt annað málefni, heldur um það okurverð sem er á innanlandsflugferðum. 

Þar er aðili sem ryður brautina fyrir okurverð á flugferðum og ræður nánast verðlagningu á flugsamgöngum. Þetta háa verð er enginn smáskattur á íbúa landsbyggðarinnar.

Austfirðingar eiga svo sannarlega þakkir skyldar fyrir það að vekja athygli á þessu ófremdarástandi og á góðri undirbúningsvinnu.

Flugfélagið stendur berrassað undir umræðunni og fulltrúi þess leyfir sér að vera með óskiljanlega út úr snúninga í Kastljósi sjónvarpsins þegar okrið er borið uppá fyrirtækið. 

Austfirðingar voru auðvitað mjög kurteisir í umræðunni en vandamálið er allra íslendinga að leysa. Ráðherrann getur svo bara haldið áfram sinni hagsmunagæslu fyrir flugrekstraraðila annarstaðar. Hann hefur í embætti verið maður stórra orða en án afreka.

Það er býsna merkilegt, að hægri kallarnir í Sjálfstæðisflokknum eru nánast allir með mynd af fálka í vinstra megin í jökkum sínum. Þ.e.a.s.hjartans megin. 

Óboðleg aðstaða fyrir innanlandsflug

Með vinstri sjórn lækka skattar á launafólki

• Vissulega er gott fylgi VG í skoðanakönnunum ánægjuleg fyrir launafólk, eftirlaunafólk, öryrkja og fyrir alla þá sem hafa félagsleg viðhorf. 

En þetta eru ekki kosningatölur og því ber félögum í VG að ganga hægt um gleðinnar dyr og gá vel að sér.

Það eru þrjár vikur til kosninga og margir boðar á þeirri leið. 

Það geta engir kjósendur treyst því að svona fylgi dugi til að mynda vinstri stjórn í landinu. Það þarf meira til.

Samkvæmt nýrri skýrslu frá ASÍ kemur skýrt fram að skattar á launfólk eru aldrei hærri en einmitt á valdatímum Sjálfstæðisflokksins.

Þetta kemur enn skýrar fram í línuriti sem sýnir þróunina á skattleysismörkum er hafa grundvallar áhrif á kaupmátt láglaunafólks.

VR-blaðið birti nýlega þetta línurit sem nær aftur til þjóðarsáttarsamninganna 1990. Sjá má hvernig skattleysimörkin lækka 1997. Munum að allir skattgreiðendur njóta skattleysismarka. Skattaþrep eru einnig skattleysismörk af annarri gerð. Með því að þrýsta á línuritið stækkar það og verður læsilegt.

Á þeim tíma tók Sjálfstæðisflokkurinn upp 10% fjármagnstekjuskatt  og um leið hækkuðu skattar á launafólki. Það eru bara staðreyndir. 

Skattar almennings miðast við greiðslur af brúttótekjum fólks.  Fjárfestar, fyrirtækjaeigendur greiða skatta af nettótekjum þannig að skattar þessara aðila voru skammarlega lágir.

Tryggingagjöldin eru umsamin laun starfsmanna í fyrirtækjunum og það eru því launafólk sem greiðir tryggingagjöldin en ekki eigendur fyrirtækjanna. Vissu-lega hækkaði vinstri stjórnin fjármagnstekjuskattinn upp í 20% af nettótekjum og á fyrirtækjum úr 18% í 20% af nettótekjum.

En með þrepaskiptum tekjuskatti lækkuðu skattar á venjulegu launafólki auk þess sem persónuafsláttur jókst lítillega. Katrín hefur lýst því yfir að skattar á launafólki séu þegar of háir á Íslandi og VG mun ekki beita sér fyrir hækkun skatta á launafólki. En hefur sagt, að eðlilegt sé að fólk með ofurtekjur greiði meiri skatta en það gerir nú.

VG langstærsti flokkurinn

Sigmundur Davíð virðist reyna, að skauta framhjá sannleikanum í pólitískum tilgangi

• Málflutningur Sigmundar Davíðs er afhjúpaður algjörlega. Hann er eins og spunarokkur og blaðrar bara eins og honum hentar að hans mati.

Ásmund­ur G. Vil­hjálms­son­ aðjúnkt við viðskiptafræðideild Há­skóla Íslands og sér­fræðing­ur í skatta­rétti seg­ir erfitt að meta hvaða af­leiðing­ar úr­sk­urður yf­ir­skatta­nefnd­ar varðandi skatt­greiðslur vegna fé­lags­ins Wintris.

Félagsins á Tortóla sem er í eigu Önnu Sig­ur­laug­ar Páls­dótt­ur, eig­in­konu Sig­mund­ar Davíðs Gunn­laugs­son­ar, fyrr­ver­andi for­manns Fram­sókn­ar­flokks­ins og stofn­anda Miðflokks­ins, hef­ur fyr­ir þau hjón­in per­sónu­lega, enda sé skatt­breyt­inga­seðill ekki birt­ur með úr­sk­urðinum.

„Mestu máli skipt­ir að hann stofnaði þarna fé­lag, hann duldi til­vist þess, taldi fram með röng­um hætti og svo þegar hann var tek­inn í ból­inu þá var allt sett á fullt að skila inn nýj­um skatt­fram­töl­um. Þannig er það bara,“ seg­ir Ásmund­ur og vís­ar þar til Sig­mund­ar.

• Það sem skiptir sköpum í þessu máli eru ný lög frá 2010 sem tóku gildi hér á landi til höfuðs af­ands­fé­lög­um sem kveða á um að tekj­ur er­lendra fyr­ir­tækja í lág­skatta­ríkj­um beri að skatt­leggja hjá eig­end­um þeirra.

Ásmund­ur tel­ur harla ólík­legt að Sig­mund­ur og Anna Sig­ur­laug hefðu óskað eft­ir leiðrétt­ingu á skatt­fram­töl­um sín­um nema vegna þess að upp komst um til­vist fé­lags­ins á Bresku Jóm­frúreyj­un­um.

Enginn veit hvaða breyting var á sköttum þeirra hjóna. Það geta þess vegna verið hreinir smáaurar miðað við þær upphæðir sem voru í felum og ekki taldar fram til skatts.

Sigmundur Davíð „var tekinn í bólinu“

Aðjúnkt við HÍ og sérfræðingur í skattarétti segir erfitt að meta hvaða afleiðingar úrskurður yfirskattanefndar varðandi skattgreiðslur vegna félagsins Wintris, sem er í eigu Önnu Sigurlaugar Pálsdóttur, eiginkonu Sigmundar Davíðs Sigmundssonar…

MBL.IS

 

Úrskurðurinn hafi almennt fordæmisgildi

Spánverjar hafa ríkari verkfallsrétt en íslendingar

Samkvæmt íslenskum lögum nr 80/1938 eða Vinnulöggjöfin segir orðrétt:
í  ,,14. gr. Heimilt er stéttarfélögum, félögum atvinnurekenda og einstökum atvinnurekendum að gera verkföll og verkbönn í þeim tilgangi, að vinna að framgangi krafna sinna í vinnudeilum, og til verndar rétti sínum samkvæmt lögum þessum, með þeim skilyrðum og takmörkunum einum, sem sett eru í lögum".

 17. gr. Óheimilt er og að hefja vinnustöðvun: 
    1. Ef ágreiningur er einungis um atriði, sem Félagsdómur á úrskurðarvald um, nema til fullnægingar úrskurðum dómsins. 
    2. Ef tilgangur vinnustöðvunarinnar er að þvinga stjórnarvöldin til að framkvæma athafnir, sem þeim lögum samkvæmt ekki ber að framkvæma, eða framkvæma ekki athafnir, sem þeim lögum samkvæmt er skylt að framkvæma, enda sé ekki um að ræða athafnir, þar sem stjórnarvöldin eru aðili sem atvinnurekandi. Gildandi lög um opinbera starfsmenn haldist óbreytt þrátt fyrir þetta ákvæði. 
    3. Til styrktar félagi, sem hafið hefur ólögmæta vinnustöðvun

Á Íslandi er óheimilt að beita verkfallsvopninu til að hafa áhrif á löggjafann eða á ríkisvaldið ólíkt því sem gerist í mörgum lýðræðislegum vestur Evrópuríkjum.

Íslenskur verkfallsréttur hefur iðulega verið skertur síðan gömlu lögin voru sett 1938 og er enn í gangi alvarleg tilraun til þess. Er þá átt við ,,Salek" fyrirbærið sem á að takmarka samnings- og verkfallsrétt einstakra verkalýðsfélaga mjög alvarlega.

Á tímum einu vinstri stjórnarinnar á Íslandi fóru samtök atvinnurekenda ansi nálægt því að brjóta íslensk lög í þessu efni. Nægir að nefna þegar útgerðarmenn sigldu skipum sínum til Reykjavíkur og áhafnir þeirra voru látnar fara á Austurvöll í vinnugallanum. 

 

Allsherjarverkfall í Katalóníu

Hvert er þá skattahlutfall ríkasta 10% þjóðarinnar

•  „Eign­astaða Íslend­inga batnaði á síðasta ári líkt og árið á und­an. Þeir rík­ustu, 10% þjóðar­inn­ar, eiga alls um 62% allra eigna um­fram skuld­ir eða 2.100 millj­arða króna“. Segir í frétt Moggans.

Spurningin vaknar þá óhjákvæmilega um hversu hátt hlutfall þessi sami hópur skorar í skattagreiðslum til samfélagsins að undanteknum þjónustugjöldum eins og fasteignagjöldum. Væntanlega er eðlilegt að hlutfallið væri svipað.

En það er auðvitað ekki þannig, af þeirri einföldu ástæðu að í landinu er verulegt skattamisrétti eins og nýleg skýrsla ASÍ staðfestir svo sannarlega.

En skattar á láglaunafólki hafa hækkað síðan á 10. áratug síðustu aldar. Undantekningin frá þessari þróun var þegar skattar voru þrepaskiptir á árunu 2009 til 2014.

Í þessu tilefni er mikilvægt að minnast á fjármagnstekjuskattinn sem skapar stóran hlut af þessu skattamisrétti.

Það er gjarnan eignarfólkið í landinu sem greiðir sína skatta í gegnum það fyrirkomulag og þá af nettótekjum. Það er nauðsynlegt að jafna kjörin að þessu leiti og að allir greiði útsvar en ekki bara sumir.

Launafólk greiðir skatta af brúttó-launum

Skatthlutfall einstaklinga í staðgreiðslu 2017

Af tekjum 0 – 834.707 kr.		36,94%
Af tekjum yfir 834.707 kr.		46,24%
Skatthlutfall barna (fædd 2002 eða síðar) af tekjum umfram 180.000 kr. á ári.		6%
Persónuafsláttur á mánuði	kr.	52.907
Persónuafsláttur á ári	kr.	634.880

Fyrir utan þessa skatta greiðir launafólk 15,5% af umsömdum brúttó-launum sínum í lífeyrissjóð sem er flatur skattur. Síðan greiðir launafólk einnig nær 7% af brúttó-launum sínum í tryggingagjöld sem einnig er flatur skattur. 

Allir þegnar þjóðarinnar greiða skatta af tekjum sínum breytit þá engu hversu miklar þær eru. Allir þegnar njóta persónuafsláttar og breytir engu hversu miklar tekjur manna eru. Sama má segja um mismunandi skattaþrep. 

10% eiga 2.100 milljarða

Stjórnsýsluhættir fortíðar.

• Eftir að Alþingi er í raun slitið kemur Jón Gunnarsson samgönguráðherra og tilkynnir að hann hafi breytt þjóðvegi 1. Án þess að þingið hafi tekið ákvöðrun um það. Án nokkurrar umræðu á hinu háa Alþingi.

Nú eru alþingismenn og aðrir stjórnmálamenn komnir í bullandi kosningabaráttu. Meðulin eru svo sannarlega ekki alltaf vönduð. Eins og sjá má af eftirfarandi:

„Ég svaraði bréf­inu á þá leið að öll­um þing­mönn­um væri frjálst að afla sér upp­lýs­inga um slík mál hjá fram­kvæmda­vald­inu og benti hon­um á að tala ein­fald­lega beint við ráðherr­ann um þessi mál.

Það lægi bein­ast við,“ seg­ir Val­gerður Gunn­ars­dótt­ir, þingmaður Sjálf­stæðis­flokks­ins og formaður um­hverf­is- og sam­göngu­nefnd­ar Alþing­is, í sam­tali við mbl.is.

• Nú er bara snúið út úr og formaðurinn segist bara ekki tala við seglskip.

Það á auðvitað ekki að gefa Píratanum tækifæri til að gera mál úr þessu. Ráðuneytið sem er troðið af embættis-mönnum skipuðum af gamla valdaflokknum stendur auðvitað með sínum ráðherra.

Það má vera að þetta sé skynsamleg ákvörðunum það veit ég ekkert um, en stjórnsýslan er gjörsamlega óbjóðandi.

Þetta er auðvitað 70 ára aðferð gamla valdaflokksins við stjórn mála á Íslandi. Gefnar eru tilskipanir á báða bóga.

Háttarlag hins sterka stjórnmálamanns. Íslendingar hafa slæma reynslu af slíkum mönnum. 

 

Eðlilegt að tala við ráðherrann

Heimurinn batnandi fer

• Í tilefni af væntanlegum kosningum

Sem betur fer er áhrifavald gamla valdaflokksins yfir kirkjunni nánast þorrið. Yngri prestar eru í nútímanum langflestir félagslega þenkjandi einkum eftir Ólafs skandalinn.

Þó er enn eftir eitt og eitt kjánaprik í prestastétt og hafa þeir þó flestir vit á því að láta lítið fyrir sér fara.

Þessar myndir og raunar fleiri birtust í blaðinu ,,Fylkir" 2. júní 1967. Útgefnu af Sjálfstæðisflokknum í Vestmannaeyjum.

Á listanum er ein kona sem er titluð frú í 10. sæti listans. En það eru tveir sóknarprestar á undan henni. Loksins eru trúarbrögð fólks að frelsast undan oki valdastéttarinnar. 

Ef ýtt er á þar sem stendur ,,Framboðslisti fortíðar" birtist forsíða blaðsins með mynd af öllum frambjóðendum flokksins í Suðurkjördæmi þetta ár.
Frú Unnur Brá skipar nú 4. sæti listans

„Ger­ir það sem er best fyr­ir liðið“

Framboðslisti fortíðar

Hér má sjá framboðslista úr fortíð, þegar mikil virðing þótti fylgja því að sitja á Alþingi og máttarstólpar samfélagsins röðuðust á framboðslista – ekki síst hjá Sjálfstæðisflokknum. Þetta er listinn úr Suðurlandskjördæmi í kosningunum 1967. Þá…

EYJAN.PRESSAN.IS