Barnavinna á Íslandi

• Það er viðgengin skoðun á Íslandi því er virðist, að börn hafi gott af því að vinna
  *
• Þegar lögin um vinnuvernd tóku gildi 1980 upphófust mjög háværar umræður hversu slæm þau lög væru vegna mikilla takmarkanna á vinnu sem börn mættu vinna
  *
• Í kjölfarið fylgdu síðan reglugerðir um vinnu barna og ungmenna.

Í gegnum árin hafa þessar reglur verið brotnar meira og minna. T.d. í fiskvinnslu og við ýmiskonar verslunarstörf hvarvetna. Ef gert við þetta athugasemdir gengur gusan yfir mann og um leið stimplaður sem einhver aumingi.

Nú kemur fram í fréttum að umboðsmaður barna hefur verið að fá upplýsingar um launaða vinnu barna á Íslandi. Þá rekur mann algjörlega í rogastans þegar í ljós kemur að börn allt niður í fimm ára aldur eru í launaðri vinnu. ( 5 ára leikskólabörn) Þetta er auðvitað ákveðinn óhugnaður.

Almenna reglan er sú að börn í skyldunámi má ekki ráða til vinnu. Víkja má frá því í eftirfarandi tilvikum:

• Börn má ráða til þátttöku í menningar- eða listviðburðum og íþrótta- eða auglýsingastarfsemi. Sá sem ræður börn sem ekki hafa náð 13 ára aldri skal afla leyfis frá Vinnueftirliti ríkisins áður en til ráðningar kemur
  *
• Að jafnaði skal haga vinnutíma og vinnuálagi þannig að skólaganga barna yngri en 13 ára raskist ekki og slíkt ógni ekki heilbrigði eða öryggi þeirra. Jafnframt skal taka sérstakt tillit til aldurs og þroska þeirra
  *
• Börn sem eru 14 ára eða eldri má ráða til vinnu sem er hluti af fræðilegu eða verklegu námsfyrirkomulagi
  *
• Börn sem náð hafa 14 ára aldri má ráða til léttari starfa og börn sem náð hafa 13 ára aldri má ráða til léttari starfa í takmarkaðan stundafjölda, svo sem léttari garðyrkju- og þjónustustörf eða önnur hliðstæð störf.

Í IV. viðauka reglugerðar nr. 426/1999 er listi yfir störf af léttara taginu sem 13 ára og eldri mega vinna. Meðal þeirra er vinna í skólagörðum undir umsjón kennara, létt skrifstofustörf, létt fiskvinnslustörf án véla, sala dagblaða, létt verslunarstörf en þó ekki við afgreiðslukassa.

Í reglugerðinni er tekið fram að ekki sé um tæmandi talningu á störfum að ræða og er það Vinnueftirlitsins að meta hvort starf sé sambærilegt við ofangreinda lýsingu þegar sótt er um leyfi fyrir starfi sem ekki er á listanum.

Þetta er reglan sem umboðsmaður gengur út frá.

Ósjálfrátt flökrar að mér að hér sé eitthvað bogið á ferð. Hvernig má það vera að börn á leikskóla aldri stundi launaða vinnu. Vissulega geta börn á þessum aldri átt fyrirtæki eða hlut í þeim og notið t.d. fjármagnstekna.

Eða er e.t.v. verið að fara framhjá skattalögum, þ.e.a.s. að foreldrar skrái hluta af sínum launum á börn sín til að lækka skattagreiðslur fjölskyldunnar. Eða að eitthvað tengist þetta gjaldþrotum.

Sérstakar reglur gilda um skattgreiðslur barna 15 ára og yngri en þegar börn verða 16 ára greiða þau skatt eftir almennum reglum og byrja einnig að greiða í lífeyrissjóð. Eftirfarandi reglur gilda um skatt- og lífeyrisgreiðslur barna og unglinga.

• Börn 15 ára og yngri greiða 6% tekjuskatt ef laun þeirra fara yfir ákveðið frítekjumark (180,000 kr.) . Er skatturinn talinn fram á skattskýrslu foreldra. Sjá nánar lög 90/2003 um tekjuskatt
  *
• Börn fá skattkort í byrjun þess árs sem þau verða 16 ára og fara að greiða skatta eftir sömu reglum og fullorðnir, þ.e. reiknuð er staðgreiðsla af launum og frá henni dreginn persónuafsláttur
  *
• Börn byrja að greiða í lífeyrissjóð næstu mánaðamót eftir 16 ára afmælisdaginn. Sjá nánar lög nr. 129/1997 um skyldutryggingu lífeyrisréttinda og starfsemi lífeyrissjóða.

A.m.k. kallar þetta á rannsókn og eftirlit.

„Staðan er galopin“

Ánægjuleg umskipti í stjórn félags grunnskólakennara

• Það var löngu kominn tími á breytingar í forystu félagsins. Ýmsar áherslu fráfarandi stjórnar mæltust illa fyrir í stéttinni.
  *
• Fráfarandi formaður var búinn að vera allt of lengi formaður og var frá upphafi mjög umdeildur einkum fyrir ólýðræðisleg vinnubrögð.

Þá höfðu hans áherslur í samningagerð kallað á verulegt launamisrétti innan stéttarinnar er hefur í gegnum langa tíð framkallað átök innan félagsins.

Þá var illa gætt að hagsmunum eftirlaunakennara sem njóta eftirlauna  er taka mið af lifandi launatöxtum.

Þá hefur kona nú tekið við keflinu sem formaður félags grunnskólakennara sem er fyllilega eðlilegt enda grunnskólakennarar kvennastétt. 

Nýir kjarasamningar nú geta tæplega boðið upp á miklar breytingar þar sem þeir byggjast á grunni þeirrar vinnu sem fráfarandi stjórn hafði unnið að.

Þorgerður Diðriksdóttir tók við sem formaður 18 maí og er því búinn að vera formaður í fimm daga þar inn í hvítasunnuhelgin þegar skrifað er undir einhverjar breytingar á fyrra samkomulagi milli samninganefnda. 

Ef hægt er að tala um róttækar breytingar þá munu þær væntanlega snúast um vinnubrögð nýrrar forystu og virkni félagsmanna.  Það hefur lengi verið veruleg óánægja með kjarasamninga í stéttinni.

Nýr formaður gerir ekkert einn í þeim efnum, það er auðvitað verkefni félagsmanna að gera breytingar. Til þess að svo geti orðið verður stéttin að vera tilbúin að takast á um kjörin.

Stétt kennara verður einnig að velja sér tíma til átaka og vera tilbúin að eiga samstarf við önnur samtök launafólks. 

Fyrri stjórn var nú búin að binda hendur núverandi stjórnar og samninganefndar. Því miður, sumarið er ekki tími til að ná árangri í kjarasamningum kennara.

Það er misskilningur að halda að kjör kennara sé bara vandamál kennara einna, þau eru fyrst og síðast vandamál nemenda. Frambjóðendur þóttust í gær hafa á þessu skilning svo er að sjá hvort sé raunverulegur.

Grunnskólakennarar undirrita kjarasamning

Ótrúlegt siðleysi

• Gamli valdaflokkurinn býður borgarbúum upp á afdangaðan víking frá víkinga- og hrun tímabili flokksins sem borgarstjóraefni.

Verkin lofa þennan mann og slóðinn eftir hann leynir sér ekki. Þessi aðili hefur auðvitað þegar skaðað samfélagið með gjaldþroti allnokkurra fyrirtækja.

Það voru ekki bara bankar sem fóru á hliðina, þúsundir heimila gerðu það enn frekar og eru þúsundir fjölskyldna að berjast við skuldir af þessum sökum. Einnig sveitarfélög eins og sérstaklega Reykjanesbær og Hafnarfjörður. 

Reykjavík skaðaðist einnig gríðarlega og er rétt núna að ná sér upp úr hrun skaðanum.  

Eitt ljótasta dæmið um hrunið er hér í Úlfarsárdalnum. Byggðin hefur staðið nær lömuð í 10 ár og nú síðustu misserin að byrja að jafna sig.

Því var það ekkert undarlegt, að þegar Eyþór gekk hér um hverfið í einu besta kvöldveðri vorsins að til hans mættu aðeins 8 gestir. Væntanlega allt innmúraðir flokksmenn. Þó höfðu flokksfélagar hans auglýst þennan viðburð rækilega.

Auðvitað vita borgarbúar og einnig íbúar hér í dalnum að Sjálfstæðisflokkurinn er lykilflokkurinn í hruninu sem var hafið strax 2006, ásamt Framsókn. Varla fara kjósendur hér að verðlauna þessum víkingi greiðann með því að kjósa hann.

En ef menn vilja endilega afturför í samgöngumálum, leikskólamálum og umhverfisvernd og einkarekna grunnskóla þá kjósa þeir Eyþór og uppstillingu hans.

Sjálfstæðismenn bjóða líka upp á markaðslausnir í húsnæðismálum, með fjárfesta í lykilhlutverkum. En það er einmitt markaðurinn sem hefur brugðist hrikalega í húsnæðismálunum, með því að fjárfestarnir hafa keyrt leigu og íbúðaverð upp í allra hæstu hæðir.

Sjö flokkar fengju fulltrúa

Eyþór fyrirmyndar frambjóðandi??

Eyþór Arnalds lofar vel rekinni borg. 

Verkin lofa sannarlega meistarann, slóðinn leynir sér ekki.

Mogginn grípur til gamalkunnra örþrifaráða, er dugðu oft áður fyrr.

• Forstjóri Íslandssíma 2000-2001. Tapið fyrra árið 492 millj, kr., seinna árið 900 milj. Kr. Eyþór hætti við svo búið. (Mbl. 15.mars 2002)

• Stofnandi og hvatamaður að Becromal á Akureyri. Fimm milljarða tap á árinu 2017 og voru heildarskuldir þess í árslok 10.8 milljarðar og neikvæð eiginfjárstaða 4,5 milljarðar (Frjáls verslun des. 2017)
  *
• Einn af stofnendum Thorsil kísilmálmverksmiðju 2010. Átti fyrst að vera í Þorlákshöfn, síðan á Bakka og loks í Helguvík. Fjárfesting sögð upp á 38 milljarða. Árið 2014 var tilkynnt um stóran sölusamning á nær helmingi framleiðslu verksmiðjunnar fyrirfram. (Víkurfréttir 12.júní 2014) Hvorki sést tangur né tetur af verksmiðjunni.
  *
• GMR Endurvinnsla á Grundartanga er eitt af fyrirtækjum Eyþórs og var hann stjórnarformaður. Fyrirtækið var lýst gjaldþrota árið 2017 eftir rekstur í þrjú ár og lét Eyþór sig þá hverfa úr stöðu stjórnarformanns.
  Fyrirtækið var í gjörgæslu Umhverfisstofnunar vegna ítrekaðra brota á mengunarvörnum. Kröfur í þrotabú GMR nema 3,6 milljörðum króna og er það talið að mestu tapað fé fyrir banka og aðra fjárfesta (Fréttablaðið 12. sept. 2017).
  
  
• • Nú er allt í voða í kosningabaráttu Sjálfstæðisflokksins í Reykjavík
    *
  • Ljóst er að nýi leiðtoginn veldur ekki því hlutverki að leiða flokkinn til einhvers  sigurs í borginni, hann er algjörlega litlaus. Fylgið dalar.
    *
  • Allar patentlausnir hans hafa verið algjörlega hraktar. Hann hefur verið uppvís að þekkingarleysi í málefnum borgarinnar
    *
  • Eyþór er einnig með hagsmunatengingar í fjölmörg stór fyrirtæki sumt afar vafasamt.
  • *
    Það getur hann ekki þvegið af sér. Slíkum aðila verður ekki treyst sem borgarstjóra.

Óvíst að meirihlutinn haldi velli

Neyðaráætlun fjármálaráðherra

• Nú er allt í voða í kosningabaráttu Sjálfstæðisflokksins í Reykjavík
  *
• Ljóst er að nýi leiðtoginn veldur ekki því hlutverki að leiða flokkinn til einhvers  sigurs í borginni, hann er algjörlega litlaus.Fylgið dalar.
  *
• Allar patentlausnir hans hafa verið algjörlega hraktar. Hann hefur verið uppvís að þekkingarleysi í málefnum borgarinnar
  *
• Eyþór er einnig með hagsmunatengingar í fjölmörg stór fyrirtæki.Það getur hann ekki þvegið af sér. Slíkum aðila verður ekki treyst sem borgarstjóra.

Nú stígur ráðherrann fram og segir að Sjálfstæðisflokkurinn hyggist setja Sunda­braut aft­ur í sam­göngu­áætlun og kanna mögu­leika á einkafram­kvæmd sem flýta muni fyr­ir verk­efn­inu.

Allir vita að þetta er bara sýndarmennska því Sjálfstæðisflokkurinn hefur ekkert vald á því að ákveða þetta.

En auðvitað getur hann talað fyrir þessu máli innan ríkisstjórnar. 

En þessi framkvæmd ef að henni verður lagar ekki vandann í borginni nema að síður væri.

Göturnar bera ekki lengur þann fjölda bíla sem koma út í umferðina á álagstímum.

Breytir þá engu þótt byggð verði mislægð gatnamót út um alla borg. Þótt eflaust megi auka hraðan með breyttum ljósastýringum. En það mun auðvitað gerast þótt almenningssamgöngur verði bættar á nútímalegan hátt.

Almenningsvagnakerfið verður að laga og það þarf að ná um alla borgina sem telur mörg sveitarfélög.  Orðið borgarlína hefur farið fyrir brjóstið á frambjóðendum flokksins í Reykjavík.

Reykjavík er eina sveitarfélagið á stórborgarsvæðinu sem stendur undir nafni á félagslega sviðinu þótt ýmislegt megi þar bæta.

Þar sem gamli valdaflokkurinn stjórnar eru þessi mál yfirleitt í skötulíki. Það kann að vera að lækka megi útsvar eitthvað, þá verður það ekki gert með þessum hætti.

Það er þegar stefna að byggja upp Keldnasvæðið og er það þegar komið í skipulagningu. Það er ljóst að það verður mikil framför þegar það byggist upp og tengir saman hverfin sem eru þar í kring.

Sundabraut og lækkun útsvars á dagskrá

Hvenær ætla íslensk stjórnvöld að taka afstöðu gegn þessum hryðjuverkum fasistanna sem stjórna Ísrael?

• Her Ísraelsmanna gerir ítrekaðar skotárásir á vopnlaust fólk sem mótmælir landráðum Síonista á Paletísku landi. Með tæknilega háþróuðum Bandarískum vopnum
  *
• Er það virkilega þannig, að íslenskur utanríkisráðherra og ríkisstjórn Katrínar Jakopsdóttur styðji þessi hryðjuverk Ísraelsmanna?

Í dag minnast Palestínumenn Nakba eða hörmunganna þegar meira en 700.000 manns voru hraktir frá heimkynnum sínum í kringum stofnun Ísraelsríkis fyrir réttum 70 árum eða árið 1948.

Hvenær ætla íslensk stjórnvöld að taka afstöðu gegn þessum hryðjuverkum fasistanna sem stjórna Ísrael? Hvenær?

Minna má á samþykkt Alþingis Íslendinga frá 2011 um viðurkenningu á sjálfstæði og fullveldi Palestínu og hefur vinasamband við þessa kúguðu þjóð.

Palestínuþjóðin er ein af vinaþjóðum íslensku þjóðarinnar.

Ekki má gleyma þátttöku Bandaríkjanna í þessari helför Ísraela gegn fólkinu í Palestínu. Fólkinu sem lifði í þessu landi og á það með réttu.

Bandaríkin komu í veg fyrir að send væri út yfirlýsing á vegum Öryggisráðs Sameinuðu þjóðanna í gær. Í drögum að yfirlýsingunni er kallað eftir sjálfstæðri og gagnsærri rannsókn á ofbeldinu við landamæri Ísraels og Gaza í dag.

Að minnsta kosti 55 Palestínumenn hafa fallið fyrir byssukúlum ísraelskra hermanna og yfir 2.400 Palestínumenn eru særðir. Hverskonar fólk eru ráðamenn í Bandaríkjunum?

• Hvernig má það vera, að girðing sú sem herveldið setti upp utan
  
  um íbúa Casa með hervaldi séu viðurkennd landamæri Ísraels?
  

RUV.IS

 

Palestínumenn mótmæla áfram í dag

Minnst 59 Palestínumenn liggja í valnum eftir mótmælin á Gaza í gær, flestir skotnir til bana. Að minnsta kosti 2.400 eru sárir. Boðuð eru frekari mótmæli á heimastjórnarsvæðum Palestínumanna í dag.

Táragasið drap ungbarn

Það er sama hvaðan gott innlegg kemur í borgarmála umræðuna

• „Við þurfum að gera upp við nýfrjálshyggjuna, ekki bara hvernig skattar hinna ríku voru lækkaðir og þannig grafið undan velferðarkerfinu, heldur líka hvernig örfáar fjölskyldur náðu að sölsa undir sig almannaeigur
  * 
• Fyrir okkur Reykvíkinga vegur salan á Bæjarútgerðinni þar þyngst. Sú sala markaði upphaf nýfrjálshyggjunnar og einkavæðingar almannaeigna í Reykjavík,“ 

segir Reinhold Richter, aðaltrúnaðarmaður í Ísal og frambjóðandi sósíalista í Reykjavík.

Sala Kristjáns Loftssonar og félaga á hlut sínum í HB-Granda um daginn fékk Reinhold til að kanna málið.

Fjölskyldur Kristjáns og viðskiptafélaga seldu sinn hlut á 21,7 milljarð króna til Guðmundar Kristjánssonar í Brim. Hlut sinn í HBGranda eignuðust Kristján og félagar 1988 þegar þeir keyptu ásamt Sjóvá 78% hlut Reykjavíkurborgar í Granda.

„Davíð Oddsson borgarstjóri seldi þessu fólki hlut borgarbúa í Granda á 500 milljónir króna árið 1988,“ segir Reinhold. „Á núvirði eru þetta um 2.070 milljónir króna. Og hlutirnir sem voru seldir um daginn eru aðeins partur af því sem Davíð seldi árið 1988.

Ætli Kristján og félagar hafi ekki greitt um 1.400 milljónir króna á núvirði fyrir það sem þeir voru að selja fyrir 21.700 milljónir króna. Þeir högnuðust því um meira en 20 milljarða króna í gegnum klíkuskap.

Það er kallað klíkuræði, óligarkismi, þar sem einka-vinir valdhafa hagnast af að sölsa undir sig almanna-eigur. Þetta er ástandið í Rússlandi og víða í Austur-Evrópu, en þetta ástand hefur varað í marga áratugi á Íslandi.“

Reinhold segir að dæmið sé líklega enn verra. Þegar Davíð Oddsson var borgarstjóri og bjargaði Ísbirninum frá gjaldþroti 1985, með því að sameina það fyrirtæki inn í Bæjarútgerð Reykjavíkur, yfirtók borgarsjóður miklar skuldir af fyrirtækinu, hátt í 1,5 milljarð króna á núvirði.

„Það mætti því halda því fram að Davíð borgarstjóri hafi selt hlut borgarbúa á nánast ekki neitt,“ segir Reinhold. „Sama hlut og var seldur um daginn á 21,7 milljarð króna.

Það mætti gera eitthvað fyrir þá upphæð. Eitthvað gáfulegra en að gefa Kristjáni Loftssyni og félögum. Ég efast um að borgarbúar myndi kjósa þá niðurstöðu í dag.“ Hann bendir á að nota mætti 20 milljarða sem 20% stofnframlag til byggingar fjögur til fimm þúsund íbúða.

Reinhold leggur til að þessi saga verði rannsökuð.

„Þótt við getum ekki endurheimt þessar eignir, né náð hagnaðinum af þeim sem sölsuðu þær undir sig, þá er alla vega betra að þekkja söguna. Hvernig eignir almennings voru færðar til örfárra á nýfrjálshyggjuárunum,“ segir Reinhold.

Bæjarútgerð Reykjavíkur var stofnuð eftir stríð til að tryggja sjómönnum og verkafólki í Reykjavík vinnu. Hún var rekin með sóma fram undir lok áttunda áratuginn, þegar hún lenti í vanda eins og flest útgerðar-fyrirtæki landsins.

Þrátt fyrir útfærslu landhelginnar dróst afli saman og offjárfesting sligaði útgerðina. Kvótakerfið var einmitt sett á til að draga úr fjárfestingum og minnka kostnað við veiðarnar.

En áður en hagkvæmni kvótakerfisins náði að bæta rekstur bæjarútgerðanna voru þær seldar, ekki bara í Reykjavík heldur líka í Hafnarfirði, á Akureyri og víðar.

Það voru því einkaaðilar, í flestum tilfellum innvígðir og innmúraðir sjálfstæðismenn, sem tóku inn hagnaðinn af kvótakerfinu. Almenningur, eigendur bæjarútgerðanna, fékk ekkert.

„Þetta var ekkert síður blóðug einkavæðing en einkavæðing bankanna á sínum tíma,“ segir Reinhold. „Það voru bæjarútgerðir og útgerðir samvinnu-hreyfingarinnar sem komu fótunum undir Íslendinga eftir stríð.

Þær voru stofnaðar til að tryggja fólki atvinnu. Í dag eru þessar almannaeigur og fyrrum félagslegar eignir komnar í hendur örfárra fjölskyldna sem veigra sér ekki við að loka fiskvinnslustöðvum og segja upp tugum og hundruðum starfsmanna ef þær halda að þær geti grætt á því. Einkavæðingin snýst því ekki aðeins um krónur og aura heldur líka um að fólk geti búið við öryggi og trausta afkomu.“

Þegi þú Vilhjálmur

• Var einu sinni sagt við þennan mann og það ekki af ástæðulausu.

Sumir hafa sómatilfinningu en aðrir ekki, þetta er það sem fólk verður að sætta sig við búandi í samfélagi. Að fólk er allskonar.

Það breytir engu þótt þessi stjórnarmaður reyni sem mest hann getur að klóra í bakkann. Siðleysið hefur þegar birst þjóðinni, er stjórnin lækkaði laun þeirra sem bjuggu við lægstu launin í Hörpu og vann sín störf á yfirvinnutíma.

Það má vel vera að launakostnaður hafi verið of mikill miðað við einhverjar gefnar forsendur.

Vandaðir stjórnendur hefðu auðvitað gengið á undan með góðu fordæmi og byrjað á því að lækka sín laun og síðan boðið upp á almenna og jafna hlutfalls lækkun launa yfir línuna. Eftir rækilega kynningu á ástæðunni.

Stjórnarmenn eru engir láglaunamenn miðað við almenn laun og eru iðulegast í öðrum digrum störfum meðfram.

Vert er einnig að minna á þá staðreynd að það eru þessir stjórnarmenn sem bera ábyrgðina á rekstri Hörpu. Ef illa gengur eiga laun þeirra að skerðast. 

Hvað sem má segja um orð Vilhjálms um að laun þjónustufulltrúa hafi verið mjög rífleg miðað við einhverja launataxta eru það bara hans orð.

En þetta er fólkið sem skapar ásýnt þessa staðar og störf þess skipta geysi miklu máli fyrir orðstír staðarins.

Því geta einhverjir launataxtar VR tæplega verið réttur mælikvarði á, hver eðlileg laun þessa fólks ættu að vera.

Það er morgunljóst, að stjórn Hörpunnar hefur orðið sér til skammar og gert alvarlega í brók með framkomu sinni. Það er ekki sérkennilegt að þeir vilji að fólk gleymi sem fyrst skammarstrikum þeirra. 

Eða eru þetta viðhorf þessa stjórnarmanns fyrrum framkvæmdastjóra samtaka atvinnurekenda á Íslandi sem koma þarna fram, um að laun þeirra sem starfa hjá opinberum aðilum eigi að vera á mjög lágum launum. Jafnvel lægri en laun annarra.

Hugsi yfir viðbrögðum formanns VR

Eiga opinberir starfamenn að hafa skertan samningsrétt?

• Er þetta virkilega skoðun Katrínar, að opinberir starfsmenn eigi aldrei að geta haft alveg frjálsan samnings- og verkfallsrétt?
  *
• Er það virkilega þannig að skoðanir Katrínar dansi algjörlega eftir stefnu samtaka atvinnurekenda og margra forystumanna innan ASÍ?

„Það er svo hæg­ur vandi að rifja upp að fjár­málaráðherra sendi í fyrra til­mæli til allra stjórna op­in­berra fyr­ir­tækja um að fara hóf­lega fram í launaþróun sinna stjórn­enda,“ seg­ir Katrín og bæt­ir við að hið op­in­bera eigi ekki að vera leiðandi í launaþróun, held­ur fylgja launaþróun í land­inu. Hún vís­ar til fjár­málaráðuneyt­is­ins um ít­ar­legri svör, en þar sé fram­kvæmd starfs­kjara­stefnu rík­is­ins að finna.

Aðspurð hvort full­trú­ar rík­is­ins muni ít­reka til­mæli fjár­málaráðherra frá í fyrra við stjórn Hörpu svar­ar Katrín: „Ég hef rætt við fjár­málaráðherra að hann ræði við stjórn­ir op­in­berra fyr­ir­tækja um þessu mál, þar á meðal stjórn Hörpu.“

Stjórn Hörpu sendi frá sér yf­ir­lýs­ingu í dag þar sem kem­ur fram að stjórn­end­um þyki mjög leitt að sjá á eft­ir góðu fólki sem hafi starfað þar til lengri eða skemmri tíma en tel­ur sig ekki eiga sam­leið með fyr­ir­tæk­inu áfram.

• Það er auðvitað þannig, að eðlilegt er að formaður Hörpu taki pokann sinn. Það er auðvitað hann sem ber alla ábyrgð á þessu háttarlagi Hörpustjórnenda
  *
• Það er algjörlega augljóst að ég virðist vera algjörlega ósammála Katrínu um hver samnings- og verkfallsréttur opinberra eigi að vera
  *
• Það er ekki beinlínsis hlutverk ríkisins að stuðla að sátt á vinnumarkaði, svo það sé sagt
  *
• Sá pilsfaldakapitalismi er ekki á stefnuskrá stjórnmálaflokks sem telur sig vera vinstriflokk
  *
• Aðilar atvinnulífinu, launfólk og atvinnurekendur hinsvegar eiga að axla þá ábyrgð
  *
• En þarna var um algjöra valdníðslu að ræða.

MBL.IS

 

Ríkið á að stuðla að sátt á vinnumarkaði

„Hlutverk ríkisins er að stuðla að sátt á vinnumarkaði og stöðugleiki á vinnumarkaði verður ekki settur á ábyrgð launalægstu hópanna,“ segir Katrín Jakobsdóttir, forsætisráðherra, í samtali við mbl.is.

Ríkið stuðli að sátt á vinnumarkaði

Hættulegasti maður veraldar

• Það er eins og forseti Bandaríkjanna sé einvaldur. Það ætti öllum að vera ljóst hversu hættulegur þessi forseti er
  *
• Bandaríkin eru pottur og pannan í öllum styrjöldum sem fara fram í veröldinni
  *
• Hún er mikil sök Bandaríkjanna í Jemen og raunar allsstaðar í arapaheiminum.

RUV.IS

 

Ákvörðun Trumps víðast hvar illa tekið

Antonio Guterres, aðalframkvæmdastjóri Sameinuðu þjóðanna hvetur þjóðirnar sem undirrituðu kjarnorkusamkomulagið við Íran að standa við það þótt Donald Trump hafi í dag ákveðið að draga Bandaríkin út úr því. Federica Mocherini, utanríkismálastjóri Evrópusambandsins,...

Beita Írana þvingunum á nýjan leik